<div class="article-content">
<p><strong>ព្រះសីហនុ៖</strong> កាលពីព្រលប់ ថ្ងៃទី២៦ ខែមេសា ឆ្នាំ២០១៣ វេលម៉ោង២០ និង២៥នាទី មាន<br />គ្រោះថ្នាក់ ចរាចរណ៍មួយ កើតឡើង នៅលើដង ផ្លូវឯករាជ្យ ចំណុច អូរសំអាត ស្ថិតនៅក្រុម<br />ទី១២ ភូមិ១ សង្កាត់លេខ៣ ក្រុង-ខេត្តព្រះសីហនុ បង្កដោយជនជាតិ អាឡឺម៉ង់បើកបរ ទាំង<br />ស្រវឹង ឈ្មោះ Scafati Mario ភេទប្រុស អាយុ៥២ឆ្នាំ មុខរបរទេសចរណ៍ រយៈពេលវែង មាន<br />លិខិតឆ្លងដែនលេខ D643816347 ទិដ្ឋការលេខEI 00501415 ចុះថ្ងៃទី១០ ខែមករា ឆ្នាំ២០១៣ <br />ផុតកំណត់ថ្ងៃទី០២ ខែកុម្ភះ ឆ្នាំ២០១៤ ចូលតាមច្រកអាកាស យានដ្ឋានអន្តរជាតិភ្នំពេញ (ពោធិ<br />ចិនតុង) បើកម៉ូតូធុនធំម៉ាក Rebel (អាឆ្កែ) ពណ៌ទឹកប៊ិច ពាក់ស្លាកលេខ ព្រះសីហនុ 1E-0607 រង<br />របួសធ្ងន់បាក់ដៃស្តាំ និងបែកក្បាល ផ្នែកខាងក្រោយ ខណៈពេលដែលម៉ូតូ របស់ខ្លួនកំពុង តែចុះ<br />ពីចំណត និងស្ថិតនៅក្រោម ឥទ្ធិពលគ្រឿង ស្រវឹងផងនោះ ។</p>
<p>គ្រោះថ្នាក់ចរាចរណ៍ខាងលើនេះ បានកើតឡើង ដោយសារតែ ជនបរទេសរូបនេះ មិនអាចគ្រប់<br />គ្រងស្ថានការណ៍បាន ក៏បុកចំពាក់ កណ្តាលម៉ូតូ សេ១២៥ ពណ៌ខ្មៅ ផ្នែកខាងស្តាំ ពេញទំហឹង ចំ<br />ជើង អ្នកបើកបរ ខណៈពេលដែល ម៉ូតូសង់សេ១២៥ បានបើក បញ្រ្ចាសទិសគ្នា រួចបត់កាត់ពីមុខ<br />ម៉ូតូ ជនបរទេស សំដៅទៅរោងប្រជាការពារនៅក្បែរនោះ ដែលកំពុងជប់លៀងសម្ពោធដាក់ឲ្យ<br />ប្រើប្រាស់ ដោយអាជ្ញាធរ សាលាសង្កាត់លេខ៣ ។</p>
<p>សាក្សីដែលឃើញ ហេតុការណ៍នោះបាននិយាយប្រាប់ថា ពេលដែលបុកគ្នាភ្លាមៗ នោះគេសង្កេត<br />ឃើញ ជនរងគ្រោះដែលបើកបរ ម៉ូតូសេ១២៥បាន ប៉ើងខ្ទាតហើរដូចស្លឹក កណ្តបបោកក្បាល និង<br />ថ្នល់ទៅក្រោម រថយន្តដែលចតនៅក្បែរនោះ សន្លប់បាត់មាត់បាត់ករ ឈឹងតែម្តង ហើយគេឃើញ <br />ម្រាមជើងទាំងប្រាំ របស់ជនរងគ្រោះដាច់ ចេញខ្ទាតពេញលើម៉ូតូ របស់ខ្លួនទាំងអស់គួរ ឲ្យស្រាវ<br />សាច់គ្រប់ៗគ្នា ។</p>
<p>បន្ទាប់មកគេក៏បានទាក់ទងទៅ រថយន្តសង្រ្គោះដឹកជនគ្រោះទៅមន្ទីរពេទ្យ ប៉ុន្តែជាអកុសល ដោយ<br />ជនរងគ្រោះ ទទួលគ្រោះថ្នាក់ធ្ងន់ធ្ងរពេក ក៏ដាច់ខ្យល់ស្លាប់នៅ ពាក់កណ្តាលផ្លូវ ក៏ត្រូវបងប្អូន សាច់<br />ញាតិ ស្នើទៅរថយន្តអោយជួយដឹក បង្ហួសទៅផ្ទះចាត់ចែងធ្វើបុណ្យ នៅវេលាយប់ថ្ងៃដដែលនោះ<br />ទៅ។</p>
<p>តាមរបាយការណ៏របស់ លោកវរសេនីយ៍ទោ ព្រហ្ម ពៅ នាយការិយាល័យ នគរបាលចរាចរណ៍<br /> ផ្លូវគោក នៃស្នងការដ្ឋាន នគរបាល ខេត្តព្រះសីហនុបានឲ្យដឹងថា ជនរងគ្រោះថ្នាក់ចរាចរណ៍ដែល<br />ស្លាប់នោះមានឈ្មោះ ហៃ សុផាត ភេទប្រុស អាយុ ៣៥ មុខរបរលក់ ប្រហិតចៀន តាមម៉ូតូ និងជា<br />ប្រធានក្រុមទី១១ (ភូមិថ្មី) សមាជិក ប្រជាការពារភូមិ នៃសាលាសង្កាត់លេខ៣ផងដែរ ហើយមាន<br />ទីលំនៅក្រុម១១ ភូមិ៣ សង្កាត់លេខ៣ ក្រុងខេត្តព្រះសីហនុ (ស្លាប់) ។</p>
<p>ប្រភពព័ត៌មាន ដដែលបានបញ្ជាក់ ប្រាប់មជ្ឈមណ្ឌលព័ត៌មាន ដើមអម្ពិលថា នៅខេត្តព្រះសីហុននេះ<br /> ជាតំប់នខេត្តទេសចរណ៍ សំបូរទៅដោយ ជនបរទេសជាភ្ញៀវទេសចរណ៍ ស្នាក់នៅរយៈពេលវែង<br /> ដូចនេះ ពួកគេសុទ្ធតែមានមធ្យោបាយ ធ្វើដំណើរផ្ទាល់ខ្លួន ទាំងអស់ ទាំងរថយន្ត និងទោចក្រយាន<br />យន្ត ហើយភ្ញៀវ បរទេសទាំងនេះ សុទ្ធតែសេពគ្រឿងស្រវឹង ស្ទើរទាំងអស់ទៅហើយ ហើយជានិច្ច<br />កាល តែងបង្កគ្រោះថ្នាក់ ដល់គេឯងជាច្រើន ជាក់ស្តែងដូចជា ជនជាតិអាឡឺម៉ង់ម្នាក់ នេះជាដើម ។</p>
<p>ប្រភពព័ត៌មាន ដដែលក៏បានបញ្ជាក់ផងដែរថា ជនជាតិអាឡឺម៉ង់រូបនេះ ក៏ធ្លាប់ត្រូវសមត្ថកិច្ច របស់<br />លោកធ្វើការព្រមាន និងផាកពិន័យម្តងដែរ ហើយមិនអនុញ្ញាត អោយបើកបរនៅស្រុកខ្មែរ យើង<br />ឡើយ ព្រោះគាត់មិនមានឯកសារ គ្រប់គ្រាន់ក្នុងការបើកបរ ។ ខណៈពេលនេះ ស្រាប់តែឃើញ<br />គាត់លូចបើកបរ ជាថ្មីទៀតក៏បង្កគ្រោះថ្នាក់ ដល់អាយុជីវិតគេតែម្តង ។</p>
<p>លោកក៏បានបន្តថា ជារឿយៗសមត្ថកិច្ចរបស់លោក តែងតែខិតខំធ្វើការ រឹតបន្តឹងឆែកឆេរ រាល់ជន<br />បរទេស ទាំងអស់ ដើម្បីបង្កាគ្រោះថ្នាក់ដោយ ប្រការណាមួយ ប៉ុន្តែនៅតែមាន ជនឆ្លៀតឱកាស<br />លួច បើកបរទាំងខុសច្បាប់ហើយ បង្កគ្រោះថា្នក់ដល់ គេឯងដដែល ។</p>
<p>មានមតិមហាជន នៅខេត្តព្រះសីហនុបានប្រាប់ថា ជារឿយៗ ជនបរទេសនៅពេល ដែលជួបប្រទះ<br />បញ្ហាម្តងៗ តែងតែលើកយកស្ថានទូត របស់ខ្លួនមកនិយាយ សង្កត់ គេឯងគ្រប់ៗថា ជនបរទេសមិន<br />អាចមាន នរណាប៉ះពាល់បានឡើយ ដូច្នេះប្រជាពលរដ្ឋ សំណូមពរ ទៅខាងស្ថានទូត របស់ជនបរ<br />ទេសទាំងនោះ សុំមេត្តាមុន និងការពារពលរដ្ឋ របស់ខ្លួនសូមមេត្តា សាកសួរសមត្ថកិច្ច ក៏ដូចប្រជា<br />ពលរដ្ឋ នៅឯមូលដ្ឋានផងដើម្បី ស្វែងយល់ការពិត វាយ៉ាងណា ជៀសវាងពលរដ្ឋ របស់ខ្លួនកាន់តែ<br />បានចិត្ត និងបង្កគ្រោះថ្នាក់ដល់គេទៀត ៕</p>
<p> </p>
<p style="text-align: center;"><img title=" " src="http://image.dap-news.com:81/dap-news/dap-images/2013/April/id-015/T-0689.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0690.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0691.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0692.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0693.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0694.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>