<p><span style="color: #000000;">ព័ត៌មានអន្តរជាតិ ៖ បាតុកររាប់ម៉ឺននាក់ បាន ប្រមូលផ្តុំគ្នាធ្វើ បាតុកម្ម ទ្រង់ទ្រាយធំមួយ អំឡុងថ្ងៃ អាទិត្យម្សិលមិញនេះ ជិត សំណង់អាគារ សភា ប្រទេស ជប៉ុន ទៅនឹងសេចក្តីសម្រេច អនុញ្ញាត អោយយោធាជប៉ុន លូកដៃ ទៅលើការប្រយុទ្ធ នៅក្រៅស្រុក ដែលជាសញ្ញាណចុងក្រោយមួយមិនទុកចិត្ត ទៅនឹង គោលនយោបាយច្បាប់យោធា របស់ នាយករដ្ឋមន្រ្តី Shinzo Abe ។</span></p>
<p><span style="color: #000000;"><a class="thickbox" title="" href="/FileManager/Commons/2015/8/31/61-31-08-2015--12-00-22.jpg"><img src="/FileManager/Articles/mce/2015/8/31/61-31-08-2015--12-00-22.jpg" alt="" /></a><br /></span></p>
<p><span style="color: #000000;">ប្រភពសារព័ត៌មាន ពីទំព័រសឹង្ហបុរី channelnewsasia ចុះផ្សាយអោយដឹងថា ការផ្ទុះការតវ៉ាពីម្សិល មិញនេះ គឺជាការតវ៉ា ទ្រង់ទ្រាយធំបំផុត ប្រចាំឆ្នាំ ដែលមានអ្នកចូលរួមដល់ទៅ ១២០,០០០ នាក់ ប្រជាពលរដ្ឋប្រទេសជប៉ុន ដែលចូលរួម ធ្វើ បាតុកម្មនោះ គឺ មាន វត្តមានមកពីគ្រប់ស្រទាប់វណ្ណៈ គ្រប់វ័យទាំងអស់ ទាំងក្មេង ទាំងចាស់ បានបង្ហាញឆន្ទៈ មុតមាំ ក្នុងការធ្វើការតវ៉ា ប្រឆាំងនឹងច្បាប់ យោធាលើកនេះ ខណៈទាមទារ អោយនាយករដ្ឋមន្រ្តី លោក Abe ចុះចេញពីតំណែង ។</span></p>
<p><span style="color: #000000;">ប្រភពសារព័ត៌មានដដែល បន្តអោយដឹងថា ករណីផ្ទុះការតវ៉ា ធំបំផុត ប្រចាំឆ្នាំម្សិលមិញនេះ គឺជា ការតវ៉ាមួយ ក្នុងចំណោម ការតវ៉ា ច្រើនជាង ៣០០ ត្រូវបានធ្វើឡើង នៅទូទាំងប្រទេសជប៉ុន ត្រឹម តែមួយសប្តាហ៍ចុងក្រោយតែប៉ុណ្ណោះ ។</span></p>
<p><span style="color: #000000;"><a class="thickbox" title="" href="/FileManager/Commons/2015/8/31/60-31-08-2015--12-00-32.jpg"><img src="/FileManager/Articles/mce/2015/8/31/60-31-08-2015--12-00-32.jpg" alt="" /></a><br /></span></p>
<p><span style="color: #000000;">គួរបញ្ជាក់ថា ច្បាប់យោធាថ្មីនេះ នឹងអនុញ្ញតឲ្យកងទ័ព ជប៉ុនប្រយុទ្ធនៅបរទេសលើកទីមួយចាប់ តាំងពីសង្គ្រាមលោកលើកទី២មក។ច្បាប់នេះ ត្រូវបានអនុម័តរួចហើយដោយសភាជាន់ទាបជប៉ុន និង ត្រូវ បានរំពឹងមានការគាំទ្រចំ ពោះច្បាប់ នេះពីសភាជាន់ខ្ពស់ជប៉ុន ។ នៅក្រោមរដ្ឋធម្មនុញ្ញ របស់ខ្លួន ប្រទេសជប៉ុនត្រូវបានរារាំងពីការប្រើកងកម្លាំងទ័ពក្នុងការដោះស្រាយជម្លោះ លើកលែង តែករណីការពារខ្លួនប៉ុណ្ណោះ។</span><br /> <br /><span style="color: #000000;"> ប៉ុន្តែ នៅពេលនេះ ការបកស្រាយឡើងវិញអំពីច្បាប់នេះ នឹងអនុញ្ញាត“ ការការពារខ្លួន” ដោយប្រើកងកម្លាំងទ័ពដើម្បីការពារប្រទេសជាសម្ពន្ធមិត្ត ដែលស្ថិតនៅក្រោមការវាយប្រហារ។ក្រុមអ្នកតវ៉ារាប់សិបពាន់នាក់ បានដើរដង្ហែតវ៉ានៅតាមផ្លូវនៅកណ្តាល ទីក្រុង តូក្យូ ដោយទាមទារថារដ្ឋធម្មនុ ញ្ញ សន្តិភាពរបស់ពួកគេត្រូវបានការពារ ហើយបានអំពាវនាវឲ្យ នាយករដ្ឋមន្ត្រី លោក ស៊ីនហ្សូ អាបេ ចុះចេញពីតំណែង។</span></p>
<p><br /><a class="thickbox" title="" href="/FileManager/Commons/2015/8/31/62-31-08-2015--12-00-42.jpg"><img src="/FileManager/Articles/mce/2015/8/31/62-31-08-2015--12-00-42.jpg" alt="" /></a> <br /><span style="color: #000000;"> នាយករដ្ឋមន្ត្រី លោក ស៊ីនហ្សូ អាបេ បាននិយាយថា ការកែប្រែច្បាប់នេះ គឺជាការចាំបាច់ដើម្បីការ ពារប្រទេសជប៉ុននិងថាច្បាប់ថ្មីនេះ នឹងមិននាំប្រទេសជប៉ុនឲ្យ ជាប់ ពាក់ព័ន្ធក្នុងសង្គ្រាមបរទេសនោះទេ ប៉ុន្តែ តាមការស្ទង់មតិ បង្ហាញថា ប្រជាជនជប៉ុនភាគច្រើនប្រឆាំងច្បាប់យោធាថ្មីនេះ៕</span></p>
<p><object width="498" height="427" data="http://www.youtube.com/v/uYWkJ1T9WAU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/uYWkJ1T9WAU&rel=1" /></object></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA </span></p>