<div class="article-content">
<p><strong>ភ្នំពេញៈ</strong> ក្រុមចោរប្រដាប់អាវុធ មានគ្នា៥នាក់ នៅវេលាម៉ោង ៨និង២០ មុននេះ (យប់ថ្ងៃទី១៨ ខែ<br />ឧសភា ឆ្នាំ២០១៣) បានចូលប្លន់ ផ្ទះប្រជាពលរដ្ឋ មួយកន្លែងនៅ ក្នុងសង្កាត់ទួលទំពូង១ ខណ្ឌ<br />ចំការមន រាជធានីភ្នំពេញ ប៉ុន្តែត្រូវម្ចាស់ផ្ទះ ដែលគេដឹងថា ជាមន្រ្តីអាវុធហត្ថនោះ បាញ់ឱ្យរបួស<br />ធ្ងន់ម្នាក់ នៅនឹងកន្លែង ហើយបក្ខពួក៤នាក់ទៀត បានគេចខ្លួន ។</p>
<p>លោក ជួន សុវណ្ណ ស្នងការនគរបាលរាជធានីភ្នំពេញ បានប្រាប់ដើមអម្ពិល តាមទូរស័ព្ទ ក្រោយ<br />កើតហេតុភ្លាមៗថា នៅវេលាម៉ោង៨ និង២០នាទី មុននេះ មានក្រុមចោរ ៥នាក់ បានចូលប្លន់ ផ្ទះ<br />ប្រជាពលរដ្ឋនៅផ្លូវ១៦៣ ក្នុងសង្កាត់ទួលទំពូង១ ខណ្ឌចំការមន តែត្រូវម្ចាស់ផ្ទះបាញ់តដៃ បណ្តាល<br />ឱ្យគ្នាគេម្នាក់ (ចោរ) របួសធ្ងន់ម្នាក់ហើយក្រោយមក ក៏ត្រូវបានសមត្ថកិច្ច បញ្ជូនបន្ទាន់ ទៅសង្រ្គោះ<br /> នៅមន្ទីរពេទ្យរុស្ស៊ី ។ ដោយឡែកបក្ខពួក ៤នាក់ទៀត បានរត់គេចខ្លួន បាត់តែម្តង ។</p>
<p>តាមសេចក្តី រាយការណ៍ពីកន្លែងកើតហេតុ បានឱ្យដឹងថា មុនកើតហេតុ ជនរងគ្រោះ ដែលជាម្ចាស់<br /> ផ្ទះ មានប្រុសស្រី បានបើករថយន្ត មែកសឺដេស ពណ៌ស ពាក់ស្លាកលេខ ភ្នំពេញ 2W-0011 ត្រឡប់<br />ពីចូលរួម ក្នុងពិធីមង្គលការមួយ ហើយក៏មានក្រុមជនសង្ស័យ ៥នាក់ បានជិះម៉ូតូ២គ្រឿង ដេញតាម<br />ពីក្រោយ រហូតដល់ផ្ទះជនរងគ្រោះ ។ ពេលនោះបក្ខពួកជនសង្ស័យ បានចូលទៅក្នុងផ្ទះ ហើយក៏<br />ប្រវាយប្រតប់ ជាមួយម្ចាស់ផ្ទះ ក៏ត្រូវម្ចាស់ផ្ទះ ទាញកាំភ្លើងបាញ់ ឱ្យរងរបួសធ្ងន់ម្នាក់ តែម្តង ។</p>
<p> ទោះជាយ៉ាងណា បន្ទាប់ពីបានបញ្ជូន ជនសង្ស័យ ដែលរងរបួសទៅ មន្ទីរពេទ្យរុស្ស៊ី ហើយកម្លាំង សមត្ថកិច្ចក្រោមការបញ្ជារបស់លោកស្នងការ និងស្នងការរង ជួន ណារិន្ទ ក៏បាន ដាក់កម្លាំង ការពារ<br /> មួយចំនួនផងដែរ ព្រមទាំងធ្វើការត្រួតពិនិត្យ ស៊ើបអង្កេត ទាំងយប់ នៅកន្លែង កើតហេតុ ដើម្បីស្វែង<br />រកចាប់ខ្លួន បក្ខពួកក្រុមចោរប្រដាប់អាវុធ មួយក្រុមនេះ។ នេះបើតាម លោក ជួន សុវណ្ណ ៕</p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0147.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0148.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0141.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0142.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0143.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0144.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0145.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0146.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>