<div class="article-content">
<p><strong>ភ្នំពេញ៖</strong> តុលាការយុត្តិធម៌អន្តរជាតិ ទីក្រុងឡាអេ (ICJ) នឹងប្រកាសលទ្ធផល នៃការបកស្រាយ<br />ឡើងវិញ នូវសាលដីកាឆ្នាំ១៩៦២ លើសំណុំរឿងប្រាសាទព្រះវិហាររបស់ខ្មែរនៅម៉ោង៦ល្ងាច<br /> (នៅកម្ពុជា) ត្រូវម៉ោង១១ថ្ងៃត្រង់ (នៅទីក្រុងឡាអេ) ថ្ងៃទី១១ ខែវិច្ឆិកា ឆ្នាំ២០១៣។</p>
<p>នៅក្នុងការប្រកាសនេះ ភាគីកម្ពុជាដឹកនាំ គណៈប្រតិភូដោយ លោកឧបនាយករដ្ឋមន្រ្តី ហោ ណាំ<br />ហុង រដ្ឋមន្រ្តីក្រសួងការ បរទេសកម្ពុជា ចំណែកភាគីថៃ ដឹកនាំដោយ លោក ស៊ូរ៉ាផុង តូវិចាក់ឆៃ<br />គុល ឧបនាយករដ្ឋមន្រ្តី និង ជារដ្ឋមន្រ្តីក្រសួងការបរទេសថៃ។</p>
<p>ក្នុងការប្រកាសនេះ កាលពីរាត្រីថ្ងៃទី០៧ ខែ វិច្ឆិកា ឆ្នាំ២០១៣ សម្តេចតេជោ ហ៊ុន សែន នាយករដ្ឋ<br />មន្រ្តី បានថ្លែង តាមរយៈវីដេអូរយៈពេល ១១ និង៣០នាទីពីក្នុង លំនៅដ្ឋាន ដែលចាក់ផ្សាយតាម<br /> រយៈកញ្ចក់ទូរទស្សន៍ជាតិ ដោយបានអំពាវនាវ ឲ្យប្រជាពលរដ្ឋ និងកងកម្លាំងប្រដាប់ អាវុធការពារ<br />ព្រំដែន បន្តរក្សាភាពស្ងប់ស្ងាត់ និងអត់ធ្មត់ឲ្យបានខ្ពស់ ដើម្បីរក្សាបាននូវសន្តិសុខ សន្តិភាព តាម<br />បន្ទាត់ព្រំដែនកម្ពុជា-ថៃ។</p>
<p> គួរបញ្ជាក់ថា ប្រទេសថៃ បានលើកកងទ័ពមក ឈ្លានកម្ពុជានៅតំបន់ ប្រាសាទព្រះវិហារ កាលពី<br />ថ្ងៃទី១៥ ខែកក្កដា ឆ្នាំ២០០៨ បន្ទាប់ពីប្រាសាទព្រះវិហាររបស់កម្ពុជា ត្រូវបានគណៈកម្មការ បេតិក<br />ភណ្ឌវប្បធម៌ ពិភពលោករបស់អង្គការយូណេ ស្កូសម្រេចជាឯកច្ឆ័ន្ទដាក់ បញ្ចូលជាសម្បត្តិបេតិក<br />ភណ្ឌ ពិភពលោកកាលពីថ្ងៃទី៧ ខែកក្កដា ឆ្នាំ២០០៨ នៅទីក្រុងកេប៊ិច ប្រទេសកាណាដា នា<br />សម័យប្រជុំលើកទី៣២ របស់អង្គការវប្បធម៌ពិភពលោកមួយនេះ។</p>
<p>កងទ័ពរបស់ថៃ បានដកចេញពីតំបន់ ក្បែរប្រាសាទព្រះវិហារ និងវត្តកែវសិក្ខាគិរីស្វារៈ កាលពីថ្ងៃ<br />ទី១ ខែធ្នូ ឆ្នាំ២០១០ វេលាម៉ោង ១០ព្រឹក។ ចាប់តាំងពីកងទ័ពថៃចូលលុកលុយឈ្លានពានតំបន់<br />ក្បែរ ប្រាសាទព្រះវិហារ និងវត្តកែវសិក្ខាគិរីស្វារៈរបស់ខ្មែរកង ទ័ពឈ្លានពានរបស់សៀម បាន<br />ប្រកាសសង្គ្រាមឈ្លានពានខ្មែរ ដោយបានវាយមកលើ កងទ័ពខ្មែរនៅដើមខែកុម្ភៈ ឆ្នាំ២០១១ នៅ<br />តំបន់ប្រាសាទព្រះវិហារ និងបាញ់កាំភ្លើងផ្លោង បំផ្លាញវត្តកែវសិក្ខាគិរីស្វារៈ និងនៅចុងខែមេសា <br />ឆ្នាំ២០១១ នៅតំបន់ប្រាសាទតាមាន់ តាក្របី ស្រុកគោកមន ខេត្តឧត្តរមានជ័យ បណ្តាលឲ្យទា<br />ហានខ្មែរស្លាប់ មួយចំនួន និងរងរបួស ព្រមទាំងជនភៀសសឹករាប់ម៉ឺនគ្រួសារ។</p>
<p>ថ្ងៃទី២៨ ខែមេសា កម្ពុជាប្តឹងទៅតុលាការយុត្តិ ធម៌អន្តរជាតិទីក្រុងឡាអេ អំពីសៀមប្រកាសសង្រ្គាម<br />វាយខ្មែរ ដោយសុំឲ្យកងទ័ពសៀមដកចេញពីតំបន់ប្រាសាទ ព្រះវិហារ និងប្តឹងឲ្យតុលាការកំពូល<br />អន្តរជាតិបកស្រាយសាលក្រមតុលាការក្រុងឡាអេ ១៥ មិថុនា ១៩៦២។</p>
<p>នៅថ្ងៃទី១៥ មិថុនា ឆ្នាំ១៩៦២នេះដែរ តុលាការយុត្តិធម៌អន្តរជាតិទីក្រុងឡាអេ បានកាត់សេចក្តីប្រ<br />គល់ប្រាសាទ ព្រះវិហារ និងដីនៅម្តុំនោះ ព្រមទាំងវត្ថុបុរាណ ដែលថៃលួចឲ្យមកខ្មែរវិញ ព្រមទាំង<br />បញ្ជាឲ្យដកទាហាន និងឆ្មាំ ចេញពីបរិវេណប្រាសាទព្រះវិហាររបស់ខ្មែរ៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/November/id-017/chetha-83.jpg" alt="Photo by LookingTODAY" width="600" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>