<p><span style="color: #000000;">ព័ត៌មានអន្តរជាតិ ៖ ស្រ្តីជនជាតិថៃមួយរូប ត្រូវបានអាជ្ញាធរ សម្រេចកាត់ទោស ប្រហារជីវិតនៅថ្ងៃទី២២ ថ្ងៃច័ន្ទ ដើមសប្តាហ៍នេះ ក្រោយពីតុលាការ កំពូលបាន រកឃើញថា ជនសង្ស័យរូបនេះ ជួញដូរគ្រឿង ញៀនខុសច្បាប់ ។</span></p>
<p><span style="color: #000000;">បន្ថែមពីលើនេះ ប្រភពសារព័ត៌មាន ពីទំព័រសារព័ត៌មានបរទេស channelnewsasia អោយដឹងថា ស្ថិត នៅក្នុងវ័យទើបតែ ៣៣ ឆ្នាំ ឈ្មោះ Duangchit Khonthokhonbari ខណៈ កំពុងបម្រើការងារ នៅក្នុងប្រ ទេសម៉ាឡេស៊ី ជាពលការិនី អ្នកបម្រើស្រីនោះ ជនសង្ស័យរូបនេះ ត្រូវបានអាជ្ញាធរចាប់ឃាត់ខ្លួន អមជា មួយនឹងប្រភេទថ្នាំញៀន methamphetamine មានទម្ងន់ដល់ទៅ ២,៨១ គ.ក នៅឯអាកាសយានដ្ឋាន អន្តរជាតិ ទីក្រុង កូឡា ឡាំពួរ អំឡុងខែ មីនា កាលពីឆ្នាំទៅ ។ ជនសង្ស័យ ណាមួយ ដែលមានភ្ជាប់មក ជាមួយនឹង ប្រភេទថ្នាំញៀន methamphetamine តិចបំផុត ៥០ ក្រាម ត្រូវ បាន ចាត់ចូលជាអ្នកជួញដូរ គ្រឿងញៀនខុសច្បាប់ នៅក្នុងប្រទេសម៉ាឡេស៊ី ខណៈ ប្រឈមមុខនឹងការផ្តន្ទាទោស ប្រហារជីវិត ។ </span></p>
<p><span style="color: #000000;">សេចក្តីរាយការណ៍ បញ្ជាក់ថា មិនអាចទាក់ទងបាននូវការស្រាយបំភ្លឺ ពីមេធាវី ការ ពារក្តីបាននៅឡើយ ទេ ស្របពេលដែល នាង Duangchit ត្រូវបានគេរំពឹងទុកថា នឹងមានការប្តឹងឧទ្ទរណ៍ ប្រឆាំងទៅនឹងការ កាត់ទោសប្រហារជីវិត ដោយព្យូរ ក នៅក្នុងប្រទេស ម៉ាឡេស៊ី ។ </span></p>
<p><span style="color: #000000;">គួររំឮកថា សាលដឺកា មួយនេះ ចេញជាផ្លូវការ រយៈពេលត្រឹមតែមួយថ្ងៃក្រោយ បន្ទាប់ពីមានករណីស្រ ដៀងគ្នា ចោទប្រកាន់ ស្រ្តីជាម្តាយ កូន ៤ ជនជាតិអូស្ត្រាលីមួយរូប Maria Elvira Pinto Exposto ពីបទ ជួញដូរគ្រឿងញៀនខុសច្បាប់ នៅក្នុងប្រទេស ម៉ាឡេស៊ី ក្រោយពីមន្រ្តីគយ នៅ ឯ អាកាសយានដ្ឋាន កាលពីថ្ងៃទី ៧ ធ្នូ កន្លងទៅនេះ បានរកឃើញ ប្រភេទថ្នាំញៀន ម៉ាទឹកកក និង crystal methampheta- mine ដល់ទៅ ១,៥ គ.ក លាក់នៅក្នុងកាបូប ជនរងគ្រោះ ។ ដោយឡែក មេធាវីការពារក្តី ជនជាប់ចោទ រូបនេះអះអាងអោយដឹងថា នាងពិតជាមិនបានដឹងនោះទេ ពីព្រោះថា មានជនកំហូច លួចធ្វើបែបនេះ មកលើនាង កាលនៅក្នុងក្រុងសៀងហៃ ខណៈកាបូបនោះ មានតែខោអាវតែប៉ុណ្ណោះ ។ </span></p>
<p><span style="color: #000000;">ប្រភពបញ្ជាក់ថា លោកស្រី Exposto នឹងមានវត្តមាន នៅមុខតុលាការ នាថ្ងៃទី ២៣ មករា ខាងមុខនេះ នៅពេលដែល របាយការណ៍គីមី ពីអ្នកជំនាញ លើករណីជនសង្ស័យ បញ្ជូនទៅកាន់ អាជ្ញាធរ ។ គួររំឮក ថាពលរដ្ឋម៉ាឡេស៊ី និង ជនបរទេស ឯទៀត រាប់រយនាក់ បានស្លាប់ជាបន្តបន្ទាប់គ្នា នៅក្នុងប្រ ទេសម៉ា ឡេស៊ី ខណៈពួកគេរងការចោទប្រកាន់ ពីបទជួញដូរគ្រឿងញៀន តួយ៉ាង នៅអំឡុងឆ្នាំ ១៩៨៦ជនជាតិ អូស្រ្តាលី ពីររូប បានកាត់ទោស ព្យួរក ពាក់ព័ន្ធនឹងករណីជួយដូរ Heroin ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ Channelnewsasia</span></p>