<div class="article-content">
<p><strong>កណ្តាល </strong>៖ ជនសង្ស័យ៥នាក់ ដែលជាឆ្មាំ យាម កោដ្ឋដាក់សារីរិកធាតុ និងវត្ថុបុរាណ មានតម្លៃ នៅលើ ភ្នំព្រះរាជទ្រព្យ ហៅភ្នំឧដុង្គ ត្រូវបានកម្លាំង នគរបាលក្រសួង មហាផ្ទៃ និងនគរបាលខេត្តកណ្តាល បញ្ជូនទៅកាន់សាលាដំបូងខេត្តកណ្តាល នារសៀលថ្ងៃទី១៤ ខែធ្នូ ឆ្នាំ២០១៣នេះ ដោយជាប់ពាក់ព័ន្ធ និងករណី លួចកោដ្ឋដាក់សារីរិកធាតុ ដែលបង្ក ឱ្យមានការភ្ញាក់ផ្អើល កាលពីយប់រំលងអាធ្រាត្រ ឈាន ចូលថ្ងៃទី១០ ខែធ្នូ ឆ្នាំ២០១៣ ។</p>
<p>ឆ្មាំយាមនៅទីនោះ គឺជាជនសង្ស័យដំបូង ដែលកម្លាំង សមត្ថកិច្ចឃាត់ខ្លួន ដើម្បីធ្វើការសួរនាំ ហើយ ក្រោយពីមានវត្ថុតាង និងភស្ដុតាង នោះ ជនសង្ស័យ៥នាក់ ក្នុងចំណោម ជនសង្ស័យ៩នាក់ ត្រូវកំណត់ ជាមុខសញ្ញា លួចកោដ្ឋមាស ដាក់សារីរិកធាតុ ព្រមទាំងវត្ថុមានតម្លៃ នៅក្នុងសក្យ មុនីចេតិយលើភ្នំ ព្រះរាជទ្រព្យនោះ ។</p>
<p>យ៉ាងណាក៏ដោយ មិនទាន់មានប្រភព ព័ត៌មានផ្លូវការ ត្រូវបានបញ្ជាក់ចេញពីរាជរដ្ឋាភិបាល ក្រសួង មហាផ្ទៃ ក៏ដូចជាក្រសួងវប្បធម៌នោះ ឡើយ ចំពោះព័ត៌មានលំអិត នៃករណីចោរលួចកោដ្ឋមាស ដាក់ សារីរិកធាតុ និងវត្ថុមានតម្លៃ ពោល តាំងពីថ្ងៃកើតហេតុមក កម្លាំងនគរបាលបច្ចេកទេស ក្រសួងមហាផ្ទៃ និងកម្លាំងនគរបាលខេត្ដកណ្ដាល បានបើក ការស្រាវជ្រាវទាំងថ្ងៃទាំងយប់ ស្ងៀមស្ងាត់ បំផុត រហូតដល់ ឃាត់ខ្លួនឆ្មាំទាំង៥នាក់ កសាងសំណុំរឿងបញ្ជូនទៅកាន់តុលាការតែ ម្ដង៕</p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0482.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/December/id-067/CH-0483.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>