<p>ករណីក្រុមហ៊ុន Sony ត្រូវបាន hacker វាយប្រហារតាមអ៊ីនធឺរណែត ត្រូវក្រុមអ្នកឯកទេស យល់<br />ថា វាគឺជាបញ្ហាដែលបង្កឡើងដោយមនុស្សរបស់ Sony ផ្ទាល់ គឺមិនមែនក្រុម hacker របស់កូរ៉េខាង<br />ជើងនោះទេ។</p>
<p style="text-align: center;"><a class="thickbox" title="" href="/FileManager/Commons/2014/12/27/hacked-27-12-2014--10-39-32.jpg"><img src="/FileManager/Articles/mce/2014/12/27/hacked-27-12-2014--10-39-32.jpg" alt="" /></a></p>
<p>នៅពេល Sony Pictures ត្រូវបានវាយប្រហារ ដែលមូលហេតុត្រូវគេគិតថា ដោយសារខ្សែភាព<br />យន្ថ The Interview មានខ្លឹមសារប៉ះពាល់ដល់មេដឹកនាំកូរ៉េខាងជើង លោក Kim Jong-un ដូច្នេះ <br />រាល់ការសង្ស័យ ត្រូវបានគេទម្លាក់ទៅលើក្រុម hacker នៃប្រទេសនេះ។ មិនតែប៉ុណ្ណោះ ទំនាក់<br />ទំនង រវាងអាមេរិក និងកូរ៉េខាងជើង ក៏មានភាពតានតឹង បន្ទាប់ពីប្រធានាធិបតីអាមេរិក ចោទ<br />ប្រកាន់ថា កូរ៉េខាងជើង គឺជាអ្នកចាប់ផ្ដើមការវាយប្រហារតាមអ៊ីនធឺរណែត បើទោះជាការស្រាវ<br />ជ្រាវប៉ុន្មានថ្ងៃកន្លងទៅ មិនទាន់រកឃើញភ័ស្ដុតាងជាក់លាក់ណាមួយនៅឡើយ ក្រៅតែពីឈ្មោះ <br />GOP (Guardians of Peace) ឬ Lizard Squad ដែលចេញមកប្រកាសថា ខ្លួនជាអ្នកប្រព្រឹត្ត។ អ្នក<br />នៅពីក្រោយបញ្ហាខាងលើនេះ នៅតែជាអាថ៌កំបាំង។</p>
<p>យ៉ាងនេះក្ដី តម្រុយសំខាន់ជាច្រើនរបស់ករណីនេះ ត្រូវបានក្រុមអ្នកជំនាញ រកឃើញ និងចាប់<br />ផ្ដើមស្រាវជ្រាវ។ ក្នុងនោះ អ្វីដែលគួរឱ្យចាប់អារម្មណ៍ គឺការសង្ស័យរបស់ Kurt Stammberger អ្នកជំនាញការក្នុងវិស័យស្រាវជ្រាវផ្នែកបច្ចេកវិទ្យា និងជាអ្នកដឹកនាំរបស់ក្រុមហ៊ុនសន្តិសុខបណ្ដាញ<br />អ៊ីនធឺរណែត Norse។ Norse គឺជាទីភ្នាក់ងារមួយ ក្នុងចំណោមទីភ្នាក់ងារដែលត្រូវបានជួលឱ្យ<br />ស៊ើបអង្កេតលើករណីវាយប្រហារក្រុមហ៊ុន Sony។ Norse ធ្វើការដោយឯករាជ ដូច្នេះ ព័ត៌មានពី<br />ទីភ្នាក់ងារនេះ នឹងមានលក្ខណៈគួរឱ្យទុកចិត្ត ដោយសារមិនមានឥទ្ធិពលនយោបាយ។</p>
<p>យោងតាមទីភ្នាក់ងារ Norse ករណី Sony ត្រូវបាន hacker វាយប្រហារ គឺជារឿង “ដង្កូវចេញពី<br />សាច់”។ អ្នកនៅពីក្រោយខ្នងករណីនេះ គឺជាមនុស្សដែលធ្លាប់ស្និទ្ធ និងដឹងច្បាស់អំពីប្រព័ន្ធកុំព្យូ<br />ទ័រនៅទីនោះ ហើយខ្សែភាពយន្ដ The Interview គ្រាន់តែជាឧបករណ៍បង្វែងដានដ៏ល្អឥតខ្ចោះតែ<br />ប៉ុណ្ណោះ។ ក្រុម hacker កូរ៉េខាងជើង អាចមានសកម្មភាពតិចតួច ឬក៏មានជាប់ទាក់ទិនខ្លះៗ នៅ<br />ក្នុងបញ្ហានេះ។</p>
<p style="text-align: center;"><a class="thickbox" title="" href="/FileManager/Commons/2014/12/27/hackedjpgld-27-12-2014--10-42-53.jpg"><img src="/FileManager/Articles/mce/2014/12/27/hackedjpgld-27-12-2014--10-42-53.jpg" alt="" /></a></p>
<p>បណ្ដាទិន្នន័យដែល Kurt Stammberger រួមនឹងសហការីរបស់ខ្លួនរកឃើញ គឺសុទ្ធតែជាប់ទាក់ទិន<br />នឹងស្ដ្រីម្នាក់ដែលហៅខ្លួនឯងថា “Lena” ដែលមានទំនាក់ទំនងយ៉ាងស្និទ្ធជាមួយនឹងក្រុម hacker<br /> GOP ។ “Lena” ត្រូវបានគេជឿថា ជាបុគ្គលិកម្នាក់ដែលធ្លាប់ធ្វើការឱ្យក្រុមហ៊ុន Sony នៅ Los <br />Angeles ក្នុងរយៈពេលជាង ១០ឆ្នាំ មុននឹងចាកចេញពីក្រុមហ៊ុននេះ កាលពីខែឧសភា ២០១៤។<br /> អត្តសញ្ញាណពិត ក៏ដូចជាព័ត៌មានផ្ទាល់ខ្លួនរបស់ស្ដ្រីម្នាក់នេះ បច្ចុប្បន្ន មិនទាន់ត្រូវបានគេបង្ហើប<br />ឱ្យដឹងនៅឡើយ។</p>
<p>Kurt Stammberger ឱ្យដឹងថា ការបម្រើការងារច្រើនឆ្នាំនៅ Sony ជួយឱ្យ “Lena” មានចំណេះដឹង<br />ជ្រាលជ្រៅ អំពីបច្ចេកទេស ក៏ដូចជាក្ដាប់បាននូវចំនុចខ្លាំង ចំនុចខ្សោយរបស់បណ្ដាញកុំព្យូទ័ររបស់<br /> Sony ដូច្នេះហើយ ទើបមានលទ្ធភាពធ្វើការវាយប្រហារដ៏ខ្លាំងក្លាបែបនេះ។ ក្រៅពីនេះ ការដែល <br />FBI គិតថា កូរ៉េខាងជើង គឺជាអ្នកនៅពីក្រោយខ្នង គឺជារឿងមិនទាន់ជាក់លាក់ លើកលែងតែខ្លឹម<br />សាររបស់ខ្សែភាពយន្ដ The Interview ។ ចំណែកបច្ចេកទេស hack ដែលធ្លាប់ត្រូវបាន hacker <br />កូរ៉េខាងជើងប្រើប្រាស់ ក៏មិនប្រាកដថា មិនត្រូវបាន hacker ដទៃប្រើប្រាស់នោះដែរ។</p>
<p style="text-align: center;"><a class="thickbox" title="" href="/FileManager/Commons/2014/12/27/hackedjpgkleg-27-12-2014--10-43-28.png"><img src="/FileManager/Articles/mce/2014/12/27/hackedjpgkleg-27-12-2014--10-43-28.png" alt="" /></a></p>
<p style="text-align: center;">hacker កូរ៉េខាងជើង អាចជាប់ពាក់ព័ន្ធតិចតួចប៉ុណ្ណោះ ក្នុងករណីវាយប្រហារ Sony<br /><br /></p>
<p>បើទោះជាការអះអាងរបស់ ទីភ្នាក់ងារ Norse គឺគ្រាន់តែជាជ្រុងមួយ ប៉ុន្ដែ វាក៏អាចបញ្ជាក់បានថា <br />អ្នកនៅពីក្រោយករណីខាងលើ ជិតនឹងត្រូវបានគេរកឃើញ។ រីឯខ្សែភាពយន្ដ The Interview <br />បច្ចុប្បន្ន ត្រូវបានគេចាប់បញ្ចាំង នៅអាមេរិក និងពិភពលោក ចាប់ពីថ្ងៃទី ២៥ធ្នូ ២០១៤៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ TR/ /BGR</p>