<div class="article-content">
<p><strong>ភ្នំពេញ ៖</strong> បុរស៣នាក់បានរងរបួសធ្ងន់ ស្រាល ក្នុងខណៈពួកគេជិះក្នុងរថយន្តមួយគ្រឿង <br />ដោយអ្នកបើកបរចុះពីលើស្ពានមុនីវង្ស យ៉ាងលឿន សំដៅទៅលំនៅឋាន នៅតាម បណ្ដោយ<br />ផ្លូវជាតិលេខ ១ ក្នុងសង្កាត់វាលស្បូវ ប៉ុន្តែមិនទាន់ដល់ផង ក៏ជ្រុលបុកបង្គោលភ្លើងនៅជិត<br />ស្តុបច្បារអំពៅបាក់អស់មួយដើម កាលពីវេលាម៉ោង ២៤ និង ៣០ នាទីយប់ថ្ងៃទី ២១ ខែ<br />ឧសភាឆ្នាំ ២០១៣ នៅចំណុចភូមិដើមអម្ពិល សង្កាត់ច្បារអំពៅទី១ ខណ្ឌមានជ័យ ។ </p>
<p>លោក ទិត ចំរើន នាយផ្នែក ចរាចរខណ្ឌមានជ័យ បានឲ្យដឹងថា បុរសរងគ្រោះទាំងបីនាក់<br />នេះ ជិះក្នុងរថយន្តមួយគ្រឿង ម៉ាកកាមរីឆ្លាម ពណ៌ស្ករ ពាក់ស្លាកលេខ ភ្នំពេញ 2M 9980<br /> ធ្វើដំណើរក្នុងទិសដៅពីលិចទៅកើត ពោលគឺចុះពីស្ពានមុនីវង្សថ្មី សំដៅទៅកើត តាម<br />បណ្តោយផ្លូវជាតិលេខ១ ដោយពួកគេបានបើករថយន្ត យ៉ាងលឿន លុះមកដល់ចំណុចកើត<br />ហេតុ ទំនងជាអ្នកបើកបរ ដេកលក់ ទើបបណ្ដាលឲ្យរេចង្កូតរថយន្តទៅបុកបង្គោលថ្ម បាក់<br />ត្រឹមគល់ រលំទើរលើដំបូល ផ្ទះប្រជា ពលរដ្ឋ ហើយខ្សែភ្លើងរប៉ាត់រប៉ាយ ពេញផ្លូវថែមទៀត <br />ហើយរថយន្តបានផ្ទុះពោងសុវត្ថិភាព និងរងការខូចខាតទាំងស្រុង។</p>
<p>ក្នុងហេតុការណ៍រថយន្តបង្កហេតុត្រូវបង្គោលភ្លើងបាក់រលំសង្កត់ពីលើ បណ្តាលឲ្យអ្នកនៅ<br />ក្នុងរថយន្តបីនាក់ មានពីរនាក់រងរបួសធ្ងន់ធ្ងរ និងម្នាក់ទៀតរងរបួសស្រាល ចំណែករថយន្ត<br />ត្រូវរងការខូតខាតទាំងស្រុង។ សមត្ថកិច្ចនគរបាលមូលដ្ឋាន បានឲ្យដឹងថា បុរសពីរនាក់ដែល<br />រងរបួសធ្ងន់ ទី១ឈ្មោះ ម៉ូ នីកា ភេទប្រុស អាយុ ៣៥ ឆ្នាំ នឹងម្នាក់ទៀត ឈ្មោះ សុខ លាភ <br />ភេទប្រុសអាយុ ៣០ ឆ្នាំ ត្រូវបញ្ជូនទៅសង្គ្រោះនៅមន្ទីរពេទ្យ បង្អែកមានជ័យ ។ ចំណែកអ្នក<br />រងរបួស ស្រាលមិនត្រូវស្គាល់អត្ត សញ្ញាណដោយសារក្រោយពេលកើតហេតុរូបគេបានរត់<br />គេចខ្លួនបាត់ស្រមោល ។</p>
<p>សមត្ថកិច្ចបានបញ្ជាក់ថារថយន្តបង្កហេតុត្រូវបានសមត្ថកិច្ចជំនាញនៃស្នងការដ្ឋាននគរបាល<br />រាជធានីភ្នំពេញ ចុះមកអន្តរាគមន៍ ប៉ុន្តែមិនហ៊ាន អូសចេញនៅឡើយទេ ព្រោះមានខ្សែភ្លើង<br />រញ៉េរញស៉ ខ្លាចមានកើតហេតុ ផ្សេងៗ ទុក រហូតដល់ព្រឹកថ្ងៃទី២២ ឧសភា ទើបក្រុមមន្រ្តី<br />អគ្គិសនី ចុះមកមើលស្ថានភាព ចាត់ចែងយកទៅ រក្សាទុកនៅការិយាល័យចរាចរណ៍ជើង<br />គោករាជធានីភ្នំពេញ រង់ចាំដោះស្រាយតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0386.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0383.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0384.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0385.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>