<p>ផ្កាយព្រះគ្រោះមួយ នឹងហោះមកក្បែរផែនដី នៅថ្ងៃអាទិត្យនេះ ហើយវាអាចមើលឃើញច្បាស់<br />ពី New Zealand ព្រោះតែ មានចម្ងាយជិតជាងបណ្ដាផ្កាយរណបអាកាសធាតុរបស់មនុស្ស។</p>
<p style="text-align: center;"><a class="thickbox" title="" href="/FileManager/Commons/2014/9/7/nsc-07-09-2014--15-26-58.jpg"><img src="/FileManager/Articles/mce/2014/9/7/nsc-07-09-2014--15-26-58.jpg" alt="" /></a></p>
<p style="text-align: center;">ភពព្រះគ្រោះ 2014 RC ហោះជិតផែនដី ជាងផ្កាយរណបទៅទៀត</p>
<p style="text-align: center;"> </p>
<p>ភពព្រះគ្រោះ 2014 RC នេះ ត្រូវបានរកឃើញកាលពីខែសីហា ដោយមជ្ឈមណ្ឌលត្រួតពិនិត្យ<br />អវកាស Catalina នៅក្រុង Tucson រដ្ឋ Arizona ។ ទីភ្នាក់ងារអវកាស អាមេរិក (NASA) ឱ្យដឹងថា<br /> វាបង្ហាញខ្លួននៅប៉ុន្មានយប់ជាប់ៗ ហើយត្រូវបានពិនិត្យមើលដោយកែវយឹតតារាសាស្ដ្រ Pan-<br />STARRS 1 ដែលមានទីតាំងនៅលើកំពូលភ្នំ Haleakalā របស់កោះ Maui ស្ថិតនៅក្នុងប្រជុំកោះ <br />Hawaii ។</p>
<p>2014 RC ត្រូវបានគន់គូរឃើញថា នឹងហោះមកក្បែរផែនដី ដោយមានចម្ងាយប្រហែល ១ភាគ<br /> ១០ នៃចម្ងាយពីផែនដី ទៅព្រះចន្ទ (ចម្ងាយពីផែនដីទៅព្រះចន្ទ គឺ ៣៨៤.៤០០ km)។ នៅកន្លែង<br />ដែលជិតបំផុត វានឹងស្ថិតនៅពីលើ New Zealand ចម្ងាយប្រហែល ៣៤.០០០ គីឡូម៉ែត្រ គឺជិត<br />ផែនដីជាង បើធៀបនឹងបណ្ដាផ្កាយរណបអាកាសធាតុ ឬផ្កាយរណបភូមិសាស្ដ្រ (geostationary<br /> satellites) ដែលតែងហោះចម្ងាយពីផែនដី ប្រហែល ៣៦.០០០ គីឡូម៉ែត្រ។</p>
<p style="text-align: center;"><a class="thickbox" title="" href="/FileManager/Commons/2014/9/7/nsa-07-09-2014--15-01-39.jpg"><img src="/FileManager/Articles/mce/2014/9/7/nsa-07-09-2014--15-01-39.jpg" alt="" /></a></p>
<p>យោងតាមទំព័រ RT ភពព្រះគ្រោះ 2014 RC នឹងហោះឆ្លងកាត់ផែនដី ក្នុងថ្ងៃទី ៧កញ្ញានេះ នៅ<br />វេលាម៉ោងប្រហែល ១៨ និង ១៨នាទី (ម៉ោង GMT / ដើរក្រោយម៉ោងកម្ពុជា ប្រហែល ៧ម៉ោង)<br /> គឺត្រូវនឹងម៉ោង ១យប់ ឈានចូលថ្ងៃទី ៨កញ្ញា ម៉ោងនៅកម្ពុជា។ ភពព្រះគ្រោះ 2014 RC ត្រូវ<br />បានគេព្យាករណ៍ថា នឹងមិនបង្កផលលំបាកដល់ផែនដីនោះទេ ប៉ុន្ដែ ការប្រែប្រួលរបស់ភពនេះ ត្រូវបានគេតាមដានយ៉ាងយកចិត្តទុកដាក់បំផុត ដើម្បីធានាថា នឹងមិនមានការប៉ះទង្គិចណាមួយ<br />កើតឡើង។</p>
<p style="text-align: center;"><a class="thickbox" title="" href="/FileManager/Commons/2014/9/7/nsd-07-09-2014--15-28-27.jpg"><img src="/FileManager/Articles/mce/2014/9/7/nsd-07-09-2014--15-28-27.jpg" alt="" /></a></p>
<p>ក្រុមអ្នកវិទ្យាសាស្ដ្ររបស់ NASA ឱ្យដឹងថា អាចម៍ផ្កាយ ឬផ្កាយព្រះគ្រោះ អាចនឹងមើលមិនឃើញ<br />ដោយភ្នែកទទេ ព្រោះថា វាមានរូបរាងស្រអាប់ សូម្បីតែនៅក្នុងអាកាសធាតុអំណោយផល។ គួរ<br />រំលឹកថា មកដល់បច្ចុប្បន្ននេះអង្គការ NASA បានរកឃើញអាចម៍ផ្កាយ ឬភពព្រះគ្រោះ ចំនួន ជាង<br /> ១០.០០០ ស្ថិតក្នុងប្រព័ន្ធព្រះអាទិត្យ ដែលធ្លាប់ហោះកាត់ផែនដី និងមិនធ្លាប់បានបង្កគ្រោះថ្នាក់<br />ដល់មនុស្សលោក។</p>
<p style="text-align: center;"><a class="thickbox" title="" href="/FileManager/Commons/2014/9/7/nse-07-09-2014--15-32-35.jpg"><img src="/FileManager/Articles/mce/2014/9/7/nse-07-09-2014--15-32-35.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2014/9/7/nsf-07-09-2014--15-38-02.jpg"><img src="/FileManager/Articles/mce/2014/9/7/nsf-07-09-2014--15-38-02.jpg" alt="" /></a></p>
<p style="text-align: center;">បើមិនអាចហោះមកធ្លាក់ និងបុកផែនដី តើ ភពព្រះគ្រោះ 2014 RC អាចប៉ះទង្គិចនឹងផ្កាយរណប <br />ដែលមានចំនួនយ៉ាងច្រើន កំពុងហោះជុំវិញផែនដី?</p>
<p style="text-align: center;"> </p>
<p>យ៉ាងណាក៏ដោយ មានសំនួរដែលសួរថា នៅពេលភពព្រះគ្រោះនេះ ហោះមកជិតផែនដី ជាង<br />បណ្ដាផ្កាយរណបទៀតនោះ តើមានអ្វីដែលអាចបញ្ជាក់បានប្រារព្ធថា វានឹងមិនមានការប៉ះទង្គិច<br />កើតឡើង? ក្នុងតំបន់នៃគន្លងគោចរ ដែលមានចម្ងាយពីផែនដី ប្រហែល ៣៦.០០០ គីឡូម៉ែត្រ គឺ<br />មានផ្កាយរណបរបស់មនុស្ស រាប់ស្ទើរតែមិនអស់ ដូច្នេះ បើមិនអាចហោះមកបុកផែនដី ក៏ 2014 <br />RC នេះ អាចនឹងប៉ះទង្គិចជាមួយបណ្ដាផ្កាយរណប!</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ RT/Daily Mail<br /><br /></p>