<div class="article-content">
<p><strong>ភ្នំពេញៈ</strong> ឯកអគ្គរដ្ឋទូតអាមេរិកប្រចាំនៅកម្ពុជា លោក William E. Todd ក្នុងឱកាសបុណ្យចូលឆ្នាំ<br />ថ្មី ឆ្នាំម្សាញ់ ដែលឈានចូលមកដល់រំលងអាធ្រាត្រ ឈានចូលថ្ងៃទី១៣ ខែមេសា ឆ្នាំ២០១៣នេះ<br /> បានជូនពរប្រជាពលរដ្ឋខ្មែរ ទាំងអស់ ឲ្យបានជួបតែសន្តិភាព វិបុលភាព និងសុវត្ថិភាព។</p>
<p>ក្នុងវីដេអូក្លីបរយៈពេលជាង២នាទី ដែលបានដាក់បង្ហោះតាមប្រព័ន្ធយូធូបកាលពីថ្ងៃទី១២ ខែមេសា<br /> ឆ្នាំ២០១៣ លោក William E. Todd បានរៀបរាប់ថា រូបលោកបានចូលរួមអបរសាទរបុណ្យចូលឆ្នាំ<br />ខ្មែរជាលើកដំបូងនៅក្នុង វត្តខ្មែរនៅសហរដ្ឋអាមេរិក ហើយឆ្នាំនេះ លោកបានចូលរួមប្រារព្ធពិធី<br />បានបម្រើការនៅក្នុងស្ថានទូតអាមេរិក ដែលមានទីតាំងនៅជិត វត្តភ្នំ។</p>
<p>លោកបានថ្លែងដូច្នេះ «កាលពីប្រហែលមួយឆ្នាំកន្លងទៅ ខ្ញុំមានឱកាសពិសេសបានចូលរួមក្នុងពិធី<br />បុណ្យចូលឆ្នាំ ខ្មែរដំបូងនៅសហរដ្ឋអាមេរិក នៅពេលខ្ញុំជិតមកប្រទេសកម្ពុជា។ ខ្ញុំបានទៅមើលវត្ត<br />មួយធំជាងគេមួយរបស់ខ្មែរ នៅអាមេរិក ក្នុងវត្តនោះខ្ញុំបានឃើញប្រពៃណីខ្មែរ និងវប្បធម៌ដ៏សម្បូរ<br />បែបរបស់ខ្មែរ ដែលមានរាប់ពាន់ឆ្នាំមក។»</p>
<p>ឯកអគ្គរដ្ឋទូត ដែលគេមើលឃើញមានបុគ្គលិកលក្ខណៈទន់ភ្លន់ និងបង្កើតទំនាក់ទំនងបានយ៉ាងល្អ<br />រវាងកម្ពុជា- អាមេរិករូបនេះ បានថ្លែងបន្តថា «នៅឆ្នាំនេះ ខ្ញុំមានសំណាងបានចូលរួមអបអរបុណ្យ<br />ចូលឆ្នាំខ្មែរ នៅរាជធានីភ្នំ ពេញ ជាមួយបុគ្គលិកខ្មែរក្នុងស្ថានទូត និងគ្រួសារគេ ដោយភ្លក់ម្ហូបខ្មែរ <br />លេងល្បែងប្រជាប្រិយ និងស្គាល់វប្បធម៌ ដទៃទៀតរបស់ខ្មែរ»។</p>
<p>នៅក្នុងសារជូនពរប្រជាពលរដ្ឋខ្មែរក្នុងឱកាសបុណ្យចូលឆ្នាំថ្មីនេះ លោកឯករដ្ឋទូតអាមេរិក ក៏បាន<br />បញ្ជាក់ពីជំហររបស់ ខ្លួន ធ្វើឲ្យចំណងទំនាក់ទំនងរវាងកម្ពុជា-កាន់តែរឹងមាំបន្ថែមទៀត ទាំងពេល<br />បច្ចុប្បន្ន និងបណ្តាឆ្នាំក្រោយៗទៀត ។</p>
<p>លោកថ្លែងដូច្នេះ «ក្នុងឆ្នាំកន្លងទៅ ទាក់ទងនិងសមិទ្ធិផល សហរដ្ឋអាមេរិក មានការប្តេជ្ញាចិត្តចំពោះ<br />ប្រទេស កម្ពុជា នៅពេលបច្ចុប្បន្ន និងទៅអនាគត ហើយនៅក្នុងឆ្នាំខាងមុខទៀត ខ្ញុំរីករាយនឹងធ្វើ<br />ការពង្រឹងទំនាក់ទំនង របស់យើងជាមួយប្រជាជន និងរដ្ឋាភិបាលកម្ពុជា»។</p>
<p>ចុងក្រោយលោកបានថ្លែងថា ក្នុងពេលដែលប្រជាពលរដ្ឋខ្មែរត្រឡប់ទៅផ្ទះជួបជុំគ្រួសារ និងសហ-<br />គមន៍របស់ខ្លួន នាឱកាសបុណ្យចូលឆ្នាំថ្មី ឆ្នាំម្សាញ់ បញ្ចស័ក ព.ស ២៥៥៧នេះ លោកបានជូនពរ<br />ឲ្យប្រជាពលរដ្ឋខ្មែរទាំងអស់ បានជួយបសន្តិភាព វិបុលភាព និងសុវត្ថិភាព។</p>
<p>ខាងក្រោមនេះ ជាវីដេអូក្លីប សារជូនពររបស់ឯកអគ្គរដ្ឋទូត William E. Todd ផ្ញើជូនប្រជាពលរដ្ឋ<br />កម្ពុជាក្នុងឱកា សបុណ្យចូលឆ្នាំថ្មី៕</p>
<p style="text-align: center;"><object width="500" height="400" data="http://www.youtube.com/v/OY03ViV6TfU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/OY03ViV6TfU&rel=1" /></object></p>
<div>
<div style="text-align: center;"></div>
</div>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-095.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>