<div class="article-content">
<p><strong>ភ្នំពេញ ៖</strong> រថយន្ដឡង់រ៉ូវ៉ែរ ពណ៌ស ពាក់ ស្លាកលេខភ្នំពេញ ២យូ ៦៩៩០ បារេចង្កូត បុករបង<br />ផ្ទះប្រជាពលរដ្ឋ នៅតាមដងផ្លូវ បណ្ដាលឱ្យរងការខូចខាត និងបាក់ដើមឈើ ២ដើម រីឯរថយន្ដ<br /> រងការខូចខាតផ្នែកខាងមុខ ។ យ៉ាងណាក៏ដោយសាក្សីនៅកន្លែង កើតហេតុបានបញ្ជាក់ថា <br />ម្ចាស់រថយន្ដដែល គេមិនស្គាល់អត្ដសញ្ញាណ បានបញ្ជូនតំណាង របស់ខ្លួនមកដោះស្រាយ <br />ដោយចេញលុយសង ដើម្បីបញ្ចប់រឿង ជាមួយម្ចាស់ផ្ទះកើតហេតុ ។</p>
<p>គ្រោះថ្នាក់ចរាចរនេះ ដែលសាក្សី សង្ស័យថា អាចបណ្ដាលមកពីគ្រឿងស្រវឹង នោះ បានកើត<br />ឡើងកាលពីវេលាម៉ោង ១ ជាង យប់រំលងអាធ្រាត្រ ឈានចូលថ្ងៃទី ២៧ ខែមិថុនា ឆ្នាំ២០១៣<br /> ស្ថិតនៅលើកំណាត់ ផ្លូវជាតិលេខ ៥ ក្នុង សង្កាត់គីឡូម៉ែត្រលេខ ៦ ខណ្ឌឫស្សីកែវ។ បើតាម<br />សាក្សី មុនពេលកើតហេតុ រថយន្ដ មួយគ្រឿងនេះ បានធ្វើដំណើរតាមបណ្ដោយ ផ្លូវជាតិលេខ<br /> ៥ ក្នុងទិសដៅពីត្បូងទៅជើង លុះដល់ ចំណុចកើតហេតុ ក៏បានរេចង្កូតទៅបុកចូល ក្នុងរបងផ្ទះ<br />ប្រជាពលរដ្ឋ បណ្ដាលឱ្យរងការ ខូចខាត និងបាក់ដើមឈើចំនួន ២ដើម ។</p>
<p>ក្រោយកើតហេតុ ម្ចាស់រថយន្ដមិនបាន ឈប់ទទួលខុសត្រូវនោះទេ ហើយបន្ដបើក រត់ប៉ុន្ដែ <br />ពេលទៅដល់មុខសាលាខណ្ឌឫស្សី កែវ រថយន្ដដាច់កាឡេទើបទៅលែងរួច ហើយសមត្ថកិច្ច<br />មូលដ្ឋាន បានចុះទៅឃាត់ រថយន្ដតែម្ដង ។ យ៉ាងណាក៏ដោយ ម្ចាស់រថយន្ដបានចេញ ពីកន្លែង<br />កើតហេតុ ដោយទុកឱ្យតំណាងរបស់ខ្លួនចរចា ជាមួយ ជនរងគ្រោះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1254.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1255.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1256.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>