<div class="article-content">
<p><strong>ភ្នំពេញ ៖</strong> ក្រុមក្មេងស្ទាវ៥នាក់ ចូលផឹកស៊ីក្នុង ភោជនីយដ្ឋានយីហោ ខេមបូឌាខន័រ រយៈពេល ជិត៣ម៉ោងប្រហែលជា គ្មានលុយគ្រប់ ទើបបានជាពួកគេ ធ្វើជាលេះ ឈ្លោះគ្នា ហើយរត់គេចខ្លួន បាត់ស្រមោល កាល ពីវេលាម៉ោង២១ និង២០នាទីយប់ ថ្ងៃទី២៨ ខែវិច្ជកា ឆ្នាំ២០១៣ ត្រង់ចំណុច ផ្លូវលេខ១៨២ កែងផ្លូវលេខ ២៣៧ ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក។</p>
<p>យោងតាមម្ចាស់ហាង ខាងលើបានឲ្យដឹងថា មុនពេលកើតគឺ មានក្មេងស្ទាវមួយក្រុម មានគ្នា ៥នាក់បានចូលមក ផឹកស៊ីក្នុងហាង ហើយប្រហែលជា គ្មានលុយគ្រប់ ហើយទើបធ្វើដូចជា ឈ្លោះគ្នាឯង ដើម្បីរំដោះខ្លួន ពួកគេឲ្យចេញផុត ពីហាងនេះ មិនតែប៉ុណ្ណោះ ពូកគេបង្ករឿង ថែមទាំងបំផ្លាញ របស់របរក្នុងហាង ខ្ទេចខ្ទី និងធ្វើឲ្យប៉ះពាល់ ដល់ភ្ញៀវដទៃទៀត រត់ចែកជើងគ្នាអស់ ។</p>
<p>ក្រោយពេលកើតឡើង សមត្ថកិច្ចចុះដល់ចំណុចកើតហេតុ តែបានត្រឹមសួនាំម្ចាស់ភោជនីយដ្ឋាន តែប៉ុណ្ណោះ ព្រោះដោយសារ តែក្រោយពេល កើតហេតុពូកបង្ក រត់បាត់ស្រមោលឈឹង៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0537.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0538.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/76455-2013-11-29-03-09-36.html"><span style="color: #0000ff;">ដើមអំពិល</span></a></p>
</div>