<p>Luke Johnson តែងនិយាយថា “ខ្ញុំមិនដែលគិតថា ចង់ទំនេរដៃនោះទេ” ហើយប្រការនេះបានជួយ<br />ឱ្យគាត់ក្លាយជាសេដ្ឋី ដោយរកបានប្រាក់ ១៥០លានផោន (២៤៣លានដុល្លារអាមេរិក) ព្រមជាមួយ និងជោគជ័យផ្នែកជំនួញជាច្រើនផ្សេងទៀត។</p>
<p style="text-align: center;"><a class="thickbox" title="" href="/FileManager/Commons/2013/12/6/សថ-06-12-2013--21-40-02.jpg"><img src="/FileManager/Articles/mce/2013/12/6/សថ-06-12-2013--21-40-02.jpg" alt="" /></a></p>
<p style="text-align: center;"><em>Luke Johnson (រូប ៖ Sunday Times)</em></p>
<p><br />រូបមន្ដនៃជោគជ័យរបស់ Johnson គឺ ៖ “ស្វែងរកសហការីល្អ គ្រប់គ្រងល្អ ហើយពួកគេត្រូវមាន<br />ភាពជឿជាក់ មានចំណេះដឹង និងធ្វើការដោយសប្បាយចិត្ត។ ទន្ទឹមនិងនេះ គួរតែទៅរកគម្រោង<br />ណាមួយដែលកំពុងមានប្រាកដ ប៉ុន្ដែមិនទាន់បានរីកចម្រើន។”<br /><br />Luke Johnson បច្ចុប្បន្ន គឺជាអគ្គនាយកនៃមូលនិធិវិនិយោគ Risk Capital Partners នៅអង់គ្លេស។<br />មូលនិធិវិនិយោគ Risk Capital Partners បាន និងកំពុងបណ្ដាក់ទុនទៅលើវិស័យជាច្រើន ដូចជា<br />ភោជនីយដ្ឋាន ក្រុមហ៊ុនទេសចរណ៍ ធនាគារ និងក្រុមហ៊ុនពិសោធស្រាវជ្រាវ។ Luke Johnson ក៏<br />ជាអគ្គនាយកនៃមន្ទីរពិសោធមហារីក (ICS) ហើយកំពុងសរសេរសៀវភៅមួយក្បាលស្ដីអំពីជំនួញ។<br /><br />សេដ្ឋីវ័យ ៥១ឆ្នាំរូបនេះ បានបង្ហើបនៅលើទំព័រ BBC ៖ “ភាពធុញទ្រាន់ អផ្សុក គឺជាសត្រូវរបស់ខ្ញុំ។ ខ្ញុំត្រូវធ្វើគ្រប់បែបយ៉ាងដើម្បីទប់ទល់នឹងវា។ ដូចទៅនឹងអ្នកជំនួញដទៃ ខ្ញុំជាមនុស្សមិនចូលចិត្ត<br />អង្គុយនៅស្ងៀមមួយកន្លែង ដូច្នេះ ខ្ញុំស្វែងរកការជំនួញ”។<br /><br />គួររំឭកថា កាលពីនៅសិក្សា Johnson គ្រោងនឹងក្លាយជាគ្រូពេទ្យម្នាក់ នៅពេលដែលលោកសិក្សា<br />នៅសកលវិទ្យាល័យ Oxford ។ ប៉ុន្ដែ អ្វីៗទាំងអស់បានប្ដូរផ្លាស់ នៅពេលដែលលោក និងមិត្តម្នាក់<br /> ទៅធ្វើការជាអ្នកគ្រប់គ្រងក្លឹបរាត្រីមួយ។ “យើងបានគិតឃើញវិធីជាច្រើន ដើម្បីប្រមូលប្រាក់ពីអ្នក<br />ចូលមកកំសាន្ដ។ ពេលនោះ ខ្ញុំបានដឹងថា ខ្លួនចង់ធ្វើអ្វីជាងគេ នៅក្នុងមួយជីវិតនេះ នោះគឺបើក<br />ក្រុមហ៊ុនផ្ទាល់ខ្លួន”។<br /> <br />ក្រោយមក Johnson បានបោះបង់ការសិក្សាផ្នែកវេជ្ជសាស្ដ្រ។ បន្ទាប់មក លោកមកធ្វើជាអ្នកគក់<br />ជេរផ្នែកមូលបត្រអស់មួយរយៈពេល មុននឹងបង្កើតមុខរបរផ្ទាល់ខ្លួន នៅវ័យ ២៧ឆ្នាំ។ <br /><br />នៅពេលមានប្រាក់មួយចំនួន លោក Johnson និងមិត្តម្នាក់ឈ្មោះ Hugh Osmond បានសម្រេច<br />ចិត្តរកស៊ី។ ដំបូង លោកទិញយកក្រុមហ៊ុនភីហ្សាតូចមួយនៅក្រុងឡុង ដែលមានឈ្មោះថា Pizza <br />Express ។ <br /><br />កាលពីដំបូងឡើយ ក្រុមហ៊ុននេះ មានសាខាតែ ១២ប៉ុណ្ណោះ ប៉ុន្ដែដោយស្ថិតក្រោមការគ្រប់គ្រង<br />របស់ Johnson រយៈពេល ៦ឆ្នាំក្រោយ ក្រុមហ៊ុននេះ មានសាខាដល់ទៅ ២៥០ នៅទូទាំងប្រទេស<br />អង់គ្លេស។ តម្លៃភាគហ៊ុនរបស់ Pizza Express ពេលនោះ បានកើនឡើង ៤០%។<br /><br />ប៉ុន្ដែ ដោយសារតែចង់មានបទពិសោធថ្មី Johnson ក៏បានលក់ក្រុមហ៊ុននេះ កាលពីឆ្នាំ ១៩៩៩ ហើយទិញយកភោជនីយដ្ឋានជាច្រើនដែលមានឈ្មោះល្បី ដូចជា The Ivy ឬ Le Caprice ជាដើម<br /> ព្រមទាំងបានបើកភោជនីយដ្ឋាន Strada Italian បន្ថែមទៀត។ មកដល់ឆ្នាំ ២០០៥ លោកក៏លក់<br />ភោជនីយដ្ឋានមួយចំនួន ក្នុងតម្លៃ ៩០លានផោន (ជាង ១៥០លានដុល្លារ)។ កាលពីដើមឆ្នាំនេះ <br />បណ្ដាញភោជនីយដ្ឋាន Giraffe របស់ Johnson ក៏ត្រូវបានក្រុមហ៊ុន Tesco ទិញយក ក្នុងតម្លៃ ៥០<br />លានផោន (ជាង ៨១លានដុល្លារ)ផងដែរ។<br /><br />បរាជ័យដ៏ធំដែល Johnson ធ្លាប់បានជួបប្រទះ នោះគឺការទិញយកហាងលក់សៀវភៅ Borders <br />ដោយសារលោក មិនបាននឹកស្មានដល់ថា ការរីកចម្រើនរបស់ Amazon, e-book និងផ្សារទំនើប បណ្ដាលឱ្យហាងលក់សៀវភៅបែបបុរាណរបស់គាត់ត្រូវគេបំភ្លេចចោល។ <br /><br />ទោះជាធ្លាប់ជួបបរាជ័យដ៏ធំបែបនេះ ប៉ុន្ដែ សេដ្ឋីរូបនេះ នៅតែជឿថា “បរាជ័យ មិនមែនជាសេចក្ដី<br />ស្លាប់”។ លោក Johnson លើកទឹកចិត្តដល់អ្នកជំនួញវ័យក្មេងទាំងឡាយ ៖ “ចូរធ្វើទៅចុះ ជីវិតមិន<br />មែនជាការហាត់រៀន។ សូមកុំទុកឱ្យខ្លួន ត្រូវស្ដាយក្រោយ”៕</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/80629/finding-paradise-and-success-in-retirement"><span style="color: #3366ff;">គ្រាន់តែដាំចេក ក៏អាចរកបាន ១លានដុល្លារ រៀងរាល់ឆ្នាំ</span></a></span></p>
<p><span style="color: #3366ff;"><a href="/News/Detail/15943/condoleezza-rice--from-a-black-girl-to-a-sister-of-american-president"><span style="color: #3366ff;">ពីនារីស្បែកខ្មៅ ក្លាយជាកំពូលទីប្រឹក្សា របស់ប្រធានាធិបតី អាមេរិក</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/39542/cosmetics-maven-jane-lauder-youngest-female-billionaire-in-america"><span style="color: #3366ff;">មហាសេដ្ឋីនី វ័យក្មេងបំផុត ប្រចាំអាមេរិក សម្រាប់ចុងឆ្នាំ ២០១៣</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ BBC<br /><br /></p>