<div class="article-content">
<p><strong>កណ្តាល :</strong> ផ្ទះឈើលើ ថ្មក្រោម ដំបូលប្រក់សង្ក័សី មួយខ្នង ត្រូវអគ្គិភ័យឆាប ឆេះសម្ភារ:ខាងក្នុង<br />ផ្ទះអស់ មួយចំនួន កាលពីវេលាម៉ោង ៩ និង៣៥នាទី ថ្ងៃទី០១ ខែឧសភា ឆ្នាំ២០១៣ ស្ថិតនៅភូមិ<br />រទាំង ឃុំភូមិធំ ស្រុកកៀនស្វាយ ខេត្តកណ្តាល ។</p>
<p>បើតាមលោក នង ណារិន ដែលជាម្ចាស់ផ្ទះ បានឲ្យដឹងថា នៅមុនពេលកើតហេតុ រូបលោកអង្គុយ<br />លេងនៅ ក្រោមផ្ទះដូចសព្វមួយដង ស្រាប់តែមួយសន្ទុះក្រោយ មក ក៏បានមានផ្សែងហុយ ចេញពី<br />ក្នុងពិដានជាន់ខាងលើ និងមានធ្លាក់សន្លឹកពិដានជ័រ ដោយមានអណ្តាតភ្លើងចេញមកផងដែរ ។</p>
<p>លោក នង ណារិន បន្តទៀតថា ភ្លាមៗនោះ ក៏បានស្រែកឆោឡោឡើង ហើយអ្នកភូមិ ក៏បាននាំគ្នា<br />មកជួយ ខ្លះទាញទុយោទឹក ខ្លះដងទឹករត់ឡើង លើផ្ទះ ជះពន្លត់បានទាន់ពេលវេលា។ លោក នង<br /> ណារិន អាយុ ៣៨ឆ្នាំ ជាគ្រូបង្រៀននៅ បឋមសិក្សារទាំង បាននិយាយថា ផ្ទះរបស់គាត់ មានទំហំ<br /> ៨ម៉ែត្រ គុណ ១២ម៉ែត្រ ។</p>
<p>សូមបញ្ជាក់ថា តាមសេចក្តី រាយការណ៍របស់ប្រជាពល រដ្ឋ នៅក្នុងហេតុការណ៍អគ្គិ ភ័យនេះ បាន<br />បំផ្លាញសម្ភារ: នៅក្នុងផ្ទះតិចតូច ដោយសារតែ បានអ្នកភូមិ ផ្ទះជិតខាងសហការគ្នាជួយ ជះទឹក<br />ពន្លត់បានទាន់ពេលវេលា មិនបណ្តាលឲ្យរាលដាល ដល់ផ្ទះជិតខាងឡើយ ។</p>
<p>សេចក្តីរាយការណ៍បន្តថា នៅក្នុងគ្រោះអគ្គិភ័យនេះ រថយន្តពន្លត់អគ្គិភ័យ ទៅមិនដល់ទេ ព្រោះពុំ<br />មាន អ្នកបើកបរពិតប្រាកដ គឺយកអ្នកបើកបរ រថយន្ត របស់ចៅហ្វាយស្រុក ទៅបើករថយន្តពន្លត់<br />អគ្គិភ័យ ដែលគ្មានជំនាញ។</p>
<p>មជ្ឈដ្ឋានអ្នកស្រុកកៀន ស្វាយ បានរិះគន់ទៅលើ ថ្នាក់ដឹកនាំស្រុកថា មិនយកចិត្តទុកដាក់ អនុវត្តន៍ <br />តាមគោលការណ៍ ភូមិ ឃុំ មានសុវត្ថិភាព ។ ពោលគឺរថយន្តពន្លត់អគ្គិភ័យ របស់ស្នងការដ្ឋាន នគរ<br />បាល ខេត្ត ដែលយកទៅដាក់ ប្រចាំការ ជួយសង្រ្គោះ នៅក្នុងបរិវេណសាលាស្រុក កៀនស្វាយ<br /> ប្រៀបយកទៅ ដាក់តាំងលំអប៉ុណ្ណោះ។ ដោយហេតុថា ដើមឆ្នាំ២០១៣ កន្លងមកនេះ ហេតុការណ៍<br />អគ្គិភ័យបានកើតឡើងចំនួន ៣ករណីហើយ ប៉ុន្តែមិនដែលឃើញ រថយន្តពន្លត់អគ្គិភ័យ របស់ស្រុក<br />កៀនស្វាយ ចេញអន្តរាមន៍បានទាន់ពេល ម្តងណាឡើយ ហើយបើសិន ជាបានចេញទៅនោះពេល<br /> ទៅដល់ រងយន្តក៏បាញ់ទឹកមិនចេញដែរ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/April/id-015/T-0772.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0773.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0774.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0775.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>