<div class="article-content">
<p><strong>បាត់ដំបង៖</strong> ពលរដ្ឋខ្មែរម្នាក់ ត្រូវបុរសជនជាតិថៃ បាញ់ រងរបួសជាទម្ងន់ ខណៈទៅស៊ីឈ្នួល<br />បេះផ្លែឈើនៅលើទឹក ដីថៃ។ ទោះជាយ៉ាងណាពលរដ្ឋខ្មែររងគ្រោះ រូបនេះ ត្រូវបានជួយ<br />សង្រ្គោះដោយក្រុមគ្រួពេទ្យថៃ ព្រមទាំងបញ្ជូនមកសម្រាកព្យាបាលនៅលើទឹកដី កម្ពុជាវិញ<br />ហើយ កាលពីថ្ងៃទី០៨ ខែកក្កដា ឆ្នាំ២០១៣។</p>
<p>បើតាមសមត្ថកិច្ចកម្ពុជា បានថ្លែងប្រាប់មជ្ឈមណ្ឌលព័ត៌មានដើមអម្ពិលនៅថ្ងៃទី០៩ ខែកក្កដា<br /> ឆ្នាំ២០១៣ថា លោក សៅ ណា អាយុ ៣១ឆ្នាំ ត្រូវបានពលរដ្ឋថៃម្នាក់ បាញ់រងរបួសរហូតដល់<br /> ៦កន្លែង កាលពីថ្ងៃទី២ ខែកក្កដា ដោយសារទំនាស់ពាក្យសម្តី និងជាការសងសឹកគំនុំចាស់។</p>
<p>បើតាមសមត្ថកិច្ចដដែលនេះ បានឲ្យដឹងថា ពលរដ្ឋខ្មែររងគ្រោះដោយការបាញ់ប្រហារ បាន<br />ឆ្លងទៅទឹកដីថៃស៊ី ឈ្នួលបេះផ្លែឈើនៅស្រុកខ្លងហាត ខេត្តស្រះកែវ ជាប់គ្នានិងព្រំប្រទល់<br />ដែនកម្ពុជា ក្នុងស្រុកសំពៅលូន ខេត្តបាត់ដំបង។ ជនរងគ្រោះរូបនេះ មានម្តាយធម៌ជនជាតិ<br />ខ្មែរម្នាក់ ទៅយកប្តីថៃ រស់នៅក្នុងស្រុកខ្លងហាត ទឹកដីថៃ ទីដែលជនរងគ្រោះទៅបំពេញការងារ ហើយជនរងគ្រោះតែងតែទៅលេងផ្ទះនោះជាញឹកញាប់។</p>
<p>លុះដល់ថ្ងៃកើតហេតុ ជនសង្ស័យជនជាតិថៃ ដែលជាកូនម្តាយធម៌ បានបាញ់ប្រហារជាច្រើន<br />គ្រាប់ ខណៈជនរង គ្រោះកំពុងអង្គុយហូបបាយ។ ការបាញ់ប្រហារនេះ ត្រូវបានសមត្ថកិច្ច<br />បញ្ជាក់ថា បណ្តាលមកពីទំនាស់ពាក្យសម្តី និងជាការសងសឹកគំនុំចាស់។</p>
<p>ទោះជាយ៉ាងណា ពលរដ្ឋកម្ពុជា ដែលរងគ្រោះ ត្រូវបានក្រុមគ្រូពេទ្យថៃ បានព្យាយាមជួយ<br />ព្យាបាល និងសង្រ្គោះទាន់ពេលវេលា មិនបណ្តាលឲ្យគ្រោះថ្នាក់ដល់ អាយុជីវិតនោះទេ។ <br />ក្រោយពីជួយសង្រ្គោះជាច្រើនថ្ងៃ ពលរដ្ឋខ្មែររងគ្រោះរូបនេះ បានបញ្ជូនមកសម្រាកព្យាបាលនៅមន្ទីរពេទ្យបង្អែកស្រុកសំពៅលូនវិញហើយ កាលពីថ្ងៃទី<br />០៨ ខែកក្កដា។</p>
<p>បើតាមសមត្ថកិច្ច ជនរងគ្រោះត្រូវគេបាញ់ប្រហាររងរបួសចំនួន ៦កន្លែង។ សមត្ថកិច្ចក៏បាន<br />រកឃើញគ្រាប់កាលីឌូ មួយគ្រាប់ជាប់លើរាងកាយជនរងគ្រោះផងដែរ។</p>
<p>ជនសង្ស័យជនជាតិថៃបង្កការបាញ់ប្រហារនេះ សមត្ថកិច្ចថៃមិនបានចាប់ខ្លួននោះទេ ព្រោះ<br />រត់គេចខ្លួនបាត់ហើយ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-009/ST-006.jpg" alt="" width="550" /></p>
<p style="text-align: right;">ដោយ៖ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>