<p><span style="color: #000000;">ព័ត៌មានកីឡា៖ អ្នកគ្រប់គ្រងក្លឹប Arsenal លោក Arsene Wenger បានជឿជាក់លើការសម្រេចចិតុ្ដ របស់ខ្លួនដែលទទូចមិនយល់ព្រមទិញយកខ្សែប្រយុទ្ធថ្មីបន្ថែម កាលពីរដូវកាលដោះដូរកីឡាករ កន្លងទៅថា ពិតជារឿងត្រឹមត្រូវបំផុត ។ </span></p>
<p><span style="color: #000000;">Arsenal ដែលត្រូវបានគេស្គាល់ថា ជាក្លឹបដ៏ល្បីលំដាប់ថ្នាក់ទី៥ នៅក្នុងទឹកដីអឺរ៉ុប គឺមិនបានទិញចូលខ្សែប្រយុទ្ធថ្មីសូម្បីតែម្នាក់ឡើយ កាលពីរដូវកាលដោះដូរមុននេះ ដោយឡែកជំនួសឲ្យនៃការខ្វះជើងខ្សែប្រយុទ្ធ កណ្ដាល ក្លឹបបាន ប្ដូរជើងប្រយុទ្ធស្លាប គឺកីឡាករ Theo Walcott មកលេងជំនួស ហើយក៏អាច រកគ្រាប់បាល់បានដល់ទៅ ៤ គ្រាប់ក្នុងជំនួប ១១ប្រកួត ។ </span></p>
<p><span style="color: #000000;">លោក Arsene Wenger បានថ្លែងប្រាប់អ្នកសារព័ត៌មាន ប៊ីប៊ីស៊ីថា Theo Walcott គាត់មើលទៅគឺពិតជាកីឡាករដែលគ្រោះថ្នាក់បំផុត ក្នុងមុខតំណែងមួយនេះ ហើយគុណភាពនៃការលេង ពិតជាលំដាប់កីឡាករមែន ដែលគាត់បានឃើញនៅថ្ងៃប្រកួតចុងក្រោយរបស់គាត់។ </span></p>
<p><span style="color: #000000;">Olivier Giroud ក៏ជាខ្សែប្រយុទ្ធដ៏ឆ្នើមមួយរូបផងដែររបស់ Arsenal ប៉ុន្ដែគួរឲ្យស្ដាយ ក្នុងរដូវកាលនេះ កីឡាករ មិនបានចូលរួមប្រកួតទាល់តែសោះ ចាប់តាំងពីជួបគ្នាជាមួយ Liverpool កាលពីថ្ងៃទី ២៤ សីហា មកម្ល៉េះ ហើយក៏ស្របពេលដែល Danny Welbeck ត្រូវទទួលរងរបួស យ៉ាងធ្ងន់ធ្ងរ តាំងពីខែមករា។ </span></p>
<p><span style="color: #000000;">ប្រភពដដែលបានបន្ដទៀតថា គាត់ជឿជាក់លើ Theo Walcott ថាពិតជាអាចលេងក្នុងមុខតំណែងមួយនេះ ហើយកន្លងមកក៏មានសំណួរជាច្រើនបានចោទសួរមកលើរូបគាត់ទាក់ទងនឹងការសម្រេចចិត្ដនេះ ហេតុអ្វីបានជាគាត់មិនព្រមទិញថែមខ្សែប្រយុទ្ធកណ្ដាលចូល ? </span></p>
<p><span style="color: #000000;"><a class="thickbox" title="" href="/FileManager/Commons/2015/10/17/10-17-2015-9-07-51-am-17-10-2015--09-16-02.png"><span style="color: #000000;"><img src="/FileManager/Articles/mce/2015/10/17/10-17-2015-9-07-51-am-17-10-2015--09-16-02.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/17/10-17-2015-9-09-24-am-17-10-2015--09-16-15.png"><span style="color: #000000;"><img src="/FileManager/Articles/mce/2015/10/17/10-17-2015-9-09-24-am-17-10-2015--09-16-15.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/17/10-17-2015-9-09-42-am-17-10-2015--09-16-27.png"><span style="color: #000000;"><img src="/FileManager/Articles/mce/2015/10/17/10-17-2015-9-09-42-am-17-10-2015--09-16-27.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ ប៊ីប៊ីស៊ី</span></p>