<p><span style="color: #000000;"><strong>(ភ្នំពេញ)៖</strong> Page Facebook ផ្លូវការរបស់គ្រូបង្វឹកក្រុមជម្រើសជាតិកម្ពុជាលោក Lee Tae Hoon បានបញ្ជាក់១ម៉ោងមុនថា កីឡាករសំខាន់២រូប គួច សុគុម្ភៈ និង ប្រាក់ មុនីឧត្តម អាចនឹងអវត្តមានពីការប្រកួតទល់នឹងក្រុមជម្រើសជាតិស៊ីរី នាម៉ោង ១១៖០០នាទីយប់នេះ (ម៉ោងនៅកម្ពុជា) ១ប្រកួតបង្រ្គប់កិច្ចនៃ FIFA World Cup 2018 នៅរុស្ស៊ី ។</span></p>
<p><span style="color: #000000;">គ្រូបង្វឹកជនជាតិកូរ៉េខាងត្បូងខាងលើបានបញ្ជាក់ថា កីឡាករ គួច សុគុម្ភៈ មកពីក្លឹបអាជីពកម្ពុជា ណាហ្គាវើល មានអាការៈគ្រុនក្តៅឈឺក្បាល វិលមុខ គ្រាដែលមិត្តរួមក្រុម ប្រាក់ មុនីឧត្តម មកពីក្លឹបព្រះខ័នរាជស្វាយរៀងវិញ ឈឺសាច់ដុំខាងក្រោយ នាអំឡុងហ្វឹកហាត់នៅក្នុងប្រទេសអូម៉ង់ ដែលអាចអវត្តមានចំពោះ១ប្រកួតចុងក្រោយ ក្នុងជុំទី២ ប្រចាំតំបន់អាស៊ី ។</span></p>
<p><span style="color: #000000;">តែយ៉ាងណាក៏ដោយលោក Lee មិនបានបញ្ជាក់ប្រាប់ថា ពីជម្រើស១១នាក់ដំបូងសម្រាប់ជួបស៊ីរីយប់នេះឡើយ បូករួម ទាំងកីឡាករណាខ្លះដែលត្រូវជំនួសកន្លែង គួច សុគុម្ភៈ និង ប្រាក់ មុនីឧត្តម នោះឡើយ ខណៈដែលខ្សែប្រយុទ្ធ ចាន់ វឌ្ឍនាកា មិនបានរួមដំណើរលើកនេះទេនោះ គ្រាដែលជើងទី១ នៅកីឡដ្ឋានជាតិអូឡាំពិកកម្ពុជា ជើងខ្លាំងទាំង៣ខាងលើសុទ្ធតែបានបង្ហាញខ្លួនដូចគ្នា ពេលចាញ់ស៊ីរី ៦-០ នោះ ។</span></p>
<p><span style="color: #000000;">១ប្រកួតចាប់ផ្តើមមុនគេនារសៀលថ្ងៃទី២៤ ខែមីនានេះ ក្រុមម្ចាស់ផ្ទះជម្រើសជាតិកង់ហ្គូរូអូស្ត្រាលី បានបំបាក់ក្រុមភ្ញៀវ តាជីគីស្ថាន (Tajikistan) ៧-០ សម្រាប់វគ្គជម្រុះ World Cup 2018 នៅក្នុងពូល B ៕</span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xaf1/v/t1.0-9/72369_1133736673337502_771794759889422407_n.jpg?oh=9dcadf483a9ecf436be0d8862a771e85&oe=577C9CA8&__gda__=1464882423_257fe97feb575a11211acc5ef504a813" alt="" width="730" /></span></p>
<p><span style="color: #000000;">គួច សុគុម្ភៈ (ឆ្វេង) និង ប្រាក់ មុនីឧត្តម</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xlf1/v/t1.0-9/12801588_1709453995960785_7245100352675702825_n.png?oh=34692196a3e36cacb1a1e011a1531865&oe=57858FCD&__gda__=1469229142_40c4049497bc744745c9cac52469fae6" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>