<p>ដោយសារតែពិបាករកការងារល្អ គួបផ្សំនឹងគំនិតច្នៃប្រឌិតផងនោះ បុរសម្នាក់នៅប្រទេសចិន បានសម្រេចចិត្តអង្គុយនៅតាមដងផ្លូវ ដោយអនុញ្ញាតឱ្យអ្នកដទៃ ស្ដោះទឹកមាត់ដាក់មុខ និងទះកំផ្លៀងមកលើខ្លួន ក្នុងបំណងទទួលបានប្រាក់។<br /><br />កាលពីថ្ងៃទី ១២តុលា ឆ្នាំ ២០១៣ កន្លងទៅ បណ្ដាគេហទំព័រសង្គមរបស់ចិន ដូចជា Weibo, QQ និង Sina គេឃើញមានការបង្ហោះរូបភាពកម្លោះម្នាក់ អង្គុយនៅក្បែរដងផ្លូវ ជាមួយនឹងបដាប្រកាសមួយដែលមានខ្លឹមសារភ្ញាក់ផ្អើលបំផុតមិនធ្លាប់មានពីមុនមក។</p>
<p style="text-align: center;"><a class="thickbox" title="" href="/FileManager/Commons/2013/10/14/1381736869576-14-10-2013--21-25-18.jpg"><img src="/FileManager/Articles/mce/2013/10/14/1381736869576-14-10-2013--21-25-18.jpg" alt="" /></a></p>
<p>នៅលើបដានោះ សរសេរថា គ្រាន់តែចំណាយប្រាក់ ១០យ័ន (ប្រហែល ៦៥០០រៀល) អ្នកនឹងអាចស្ដោះទឹកមាត់លើមុខកម្លោះនេះ ចំណាយ ២០យ័ន គាត់នឹងលុតជង្គង់សំពះម្ដង ហើយបើចំណាយ ១០០យ័ន នោះអ្នកនឹងអាចទះកំផ្លៀងគាត់មួយដៃ។ ប៉ុន្ដែ ករណីស្ដោះទឹកមាត់លើមុខ និងទះកំផ្លៀង គឺត្រូវបានអនុញ្ញាតតែនារីភេទប៉ុណ្ណោះ។<br /> <br />រូបថតស្ដីអំពីកម្លោះចម្លែកនេះ បានទាក់ទាញចំណាប់អារម្មណ៍យ៉ាងខ្លាំង ពីសាធារណជន។ ប្រភពព័ត៌មានឱ្យដឹងថា បុរសនេះ មានអាយុ ២៨ឆ្នាំ មានត្រកូល Qin ។ ដោយសារតែមិនពេញចិត្ដនឹងប្រាក់ខែដែលខ្លួនធ្លាប់បានធ្វើការងារជាច្រើន ពីមុនមក បុរសនេះ ក៏នឹកឃើញដល់វិធីរកប្រាក់បែបនេះ។ <br /><br />ប៉ុន្ដែ អង្គុយរង់ចាំពេញមួយថ្ងៃ ក៏មិនមានអតិថិជនណាម្នាក់មកសួរនាំ។ អ្នកលេងអ៊ីនធើរណិតជាច្រើន បានធ្វើការរិះគន់ថា បុរសនេះ លក់ឧត្តមគតិរបស់ខ្លួន។ មានអ្នកខ្លះថា ៖ “ខ្លួននៅក្មេង បែបនេះ គួរតែរកការងារធ្វើ មិនគួរប្រកបរបរបែបនេះ។ ពិតជាគ្មានលក្ខណៈជាមនុស្ស” ។ អ្នកខ្លះទៀត ក៏សរសេរថា ៖ “បុរសនេះពិតជាមានគំនិតច្នៃប្រឌិតមែន ប៉ុន្ដែ ការងារនេះ ពុំមានអ្នកណាត្រូវការនោះទេ” ។</p>
<p> </p>
<p><strong>ព័ត៌មានចម្លែកផ្សេងៗគួរចាប់អារម្មណ៍</strong></p>
<p><span style="color: #3366ff;"><a href="/News/Detail/40598/feelling-lonely-rent-a-japanese-middle-aged-man-for-10-an-hour"><span style="color: #3366ff;">អ្នកអាចជួលបុរសវ័យកណ្ដាល ធ្វើជាដៃគូ តម្លៃ ១០ដុល្លារក្នុងមួយម៉ោង</span></a></span></p>
<p><span style="color: #3366ff;"><a href="/News/Detail/28306/hard-to-believe-she-lives-with-her-%E2%80%8B%E2%80%8Bhusband-and-lover-under-one-roof"><span style="color: #3366ff;">ស្ទើរតែមិនជឿ៖ ប្រពន្ធរស់នៅជាមួយប្តី និងប្រុសស្នេហ៍ ក្រោមដំបូលផ្ទះ តែមួយ</span></a></span></p>
<p><span style="color: #3366ff;"><a><span style="color: #3366ff;">ប្រើសំណាញ់ដែក មានសោរ ពាក់លើក្បាល ដើម្បីផ្តាច់បារី (មានវីដេអូ)</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ SH</p>
<p> </p>