<p>ព័ត៌មានអន្តរជាតិ ៖ អណើ្តកមាសក្បាលពីរ បានញាស់នៅឯសួនសត្វ San Antonio Zoo<br />រដ្ឋ តិចសាស់ សហរដ្ឋអាមេរិក ត្រូវបានគេដាក់ឈ្មោះអោយថា Thelma និង Louise នេះ<br />បើតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស ដឹមីរ័រ ដែលទើបតែ<br />បានចេញផ្សាយកាលពីវេលាល្ងាចម្សិលមិញនេះ ។</p>
<p><a class="thickbox" title="" href="/FileManager/Commons/2013/6/27/thelma-and-louise-a-two-headed-texas-cooter-turtle-27-06-2013--09-59-43.jpg"><img src="/FileManager/Articles/mce/2013/6/27/thelma-and-louise-a-two-headed-texas-cooter-turtle-27-06-2013--09-59-43.jpg" alt="" width="429" height="284" /></a></p>
<p>លើសពីនេះទៅទៀត បើតាមប្រភពសារព័ត៌មានដដែល បានគូសបញ្ជាក់បន្ថែមអោយ<br />ដឹងផងដែរថា អណ្តើកមាសក្បាលភ្លោះ មួយក្បាលនេះ ពិតជាមានសុខភាពល្អ ខណៈ<br />ពេលដែលវាអាចហែលទឹកនិងដើរបានជាធម្មតាហើយ បន្ទាប់ពីបានចាប់កំណើតកាល<br />ពីថ្ងៃទី ១៨ សប្តាហ៍កន្លងទៅនេះ ហើយថ្ងៃស្អែក គឺជាថ្ងៃដំបូងនៃការចេញបង្ហាញខ្លួនជា<br />សាធារណៈរបស់វា។</p>
<p>គួររំឭកផងដែរថា សួនសត្វ San Antonio Zoo មិនមានអ្វីចម្លែកណាស់ណានោះទេ នៅ<br />ពេលដែលមានប្រភេទសត្វក្បាលភ្លោះយ៉ាងនេះនោះ ក៏ព្រោះតែ កាលពីពេលកន្លងទៅ<br />សួនសត្វមួយនេះ ធ្លាប់មានសត្វពស់ក្បាលពីររួចម្តងមកហើយ ឈ្មោះ Janus បន្ទាប់ពី<br />វាបានចាប់កំណើតនៅក្នុងឆ្នាំ ១៩៧៨ និងស្លាប់ទៅវិញ ក្នុងឆ្នាំ ១៩៩៥ ៕</p>
<p style="text-align: right;">ដោយ ៖ ពិសី<br />ប្រភព ៖ ដឹមីរ័រ</p>