<p><span style="color: #000000;"><strong>ភ្នំពេញ៖</strong> តារាសម្តែង សាន សុម៉ាលី បន្ទាប់ពីបាត់ខ្លួន អស់រយៈពេល យ៉ាងយូរ ពីពិភពសិល្បៈ និង ក្រោយពេលបរាជ័យ ស្នេហា ជាច្រើនលើក ច្រើនសានោះ ស្រាប់តែថ្មីៗនេះ នាងបានលេចមុខជាថ្មី ជាមួយនឹងភាពសិចស៊ី កាន់តែខ្លាំងឡើងៗ ធ្វើឲ្យទស្សនិកជនម្នាក់ៗ ស្ទើរឈាមច្រមុះ នឹងសម្រស់ដើមទ្រូង មូលក្បំរបស់នាង ។</span></p>
<p><span style="color: #000000;">តាមរយៈរូបសម្រស់ ស្រស់ក្មេងសាច់ឡើងសខ្ចីនេះ បានធ្វើឲ្យតារាសម្តែង សាន សុម៉ាលី ហាក់មានមន្តស្នេហ៍ខ្ពស់ តែគេបានដឹងថា ស្រីស្អាតរូបនេះ ក៏អភ័ព្វស្នេហ៍មិនធម្មតាដែរ។ ខណៈកន្លងមកនេះ នាងតែងបរាជ័យបែកបាក់ ស្នេហា ជាបន្តបន្ទាប់ រហូតដល់ថ្នាក់ធ្វើឱ្យនាង ឆ្អែតឆ្អន់ចិត្ត និង ឈឺចាប់ស្ទើរធ្លុះធ្លាយ បេះដូងផ្ទុះចេញមកខាងក្រៅ ព្រោះតែរឿងស្នេហាហេងស៊យ មួយនេះ។</span></p>
<p><span style="color: #000000;">ប៉ុន្តែបើទោះបីជា សាន សុម៉ាលី ធ្លាប់បានឆ្លងកាត់ ភាពជូរចត់នឹងស្នេហាជាច្រើនអន្លើក្តី ក៏ស្រីស្រស់រូបនេះ មិនរាថយនឹងការប្រឡូករឿង សាងសម្ព័ន្ធភាពស្នេហានេះឡើយ។ អ្វីដែលធ្វើឱ្យគេចាប់អារម្មណ៍ គឺក្រោយពេលនាងផ្អាកសម្តែងមួយសន្ទុះមកនោះ គឺស្រាប់តែគ្រានេះលេចមុខ សុម៉ាលី គ្រហើៗជាថ្មី ហើយក៏កាន់តែសិចស៊ី ជាងមុនខ្លាំង ទៅទៀត។</span></p>
<p><span style="color: #000000;">ទន្ទឹមនឹងគ្នានេះដែរ បើក្រឡេកទៅមើល នៅក្នុងទំព័របណ្តាញសង្គមទំនាក់ទំនង ហ្វេសប៊ុក របស់ សាន សុម៉ាលី ត្រូវបានគេសង្កេត ឃើញថា មួយរយៈពេលចុងក្រោយនេះ នាងហាក់ថតបញ្ចេញរូបជាហូរហែ ដោយក្នុងនោះ ភាគច្រើនគឺសុទ្ធសឹង ជារូបមានលក្ខណៈ សិចស៊ីបញ្ចេញគល់ភ្លៅ រន្ធផ្ចិត និង រង្វះចង្អូរដើមទ្រូងជាដើម។ មិនតែប៉ុណ្ណោះ សុម៉ាលី ក៏ធ្លាប់រងនូវការរិះគន់ខ្លះៗ ពីសំណាក់មជ្ឈដ្ឋាន អ្នកគាំទ្រខាងក្រៅសិល្បៈ ជុំវិញការស្លៀកពាក់ សិចស៊ីមិនសំចៃដៃ នេះផងដែរ។</span></p>
<p><span style="color: #000000;">យ៉ាងណាមិញថ្មីៗនេះ គេទើបបានប្រទះឃើញ តារាសម្តែង សាន សុម៉ាលី ផ្គើនមិនខ្លាចការរិះ បានញ្ចេញរូបថត១ សន្លឹកជារូបសិចស៊ីខ្លាំងបំផុត ហើយតាមរយៈរូបថត បញ្ចេញដើមទ្រូងសខ្ចី ១សន្លឹក របស់ សុម៉ាលី នាពេលនេះ ក៏មានការលើក ឡើងថា តារារូបនេះ កំពុងតែបង្ហាញ ពីមហិច្ឆតា យកសម្រស់ដើមទ្រូង ទាក់ទាញប្រជាប្រិយភាព និងការចាប់អារម្មណ៍ ពីសំណាក់បុរសសម្បូរទ្រព្យស្តុក ។</span></p>
<p><span style="color: #000000;">ចំពោះការបញ្ចេញ ដើមទ្រូង បង្ហាញភាពសិចស៊ី ដើម្បីស្វែងរកភាពទាក់ទាញ ដោយមិនខ្លាចការរិះគន់ ពីសំណាក់ សាន សុម៉ាលី ពេលនេះ បានធ្វើឲ្យមជ្ឈដ្ឋាន អ្នកគាំទ្រចោទ ជាសំណួរថា តើនេះអាចជាចេតនា របស់តារាស្រី វ័យក្មេង សាន សុម៉ាលី មានបំណងទាញ ការចាប់អារម្មណ៍ ពីមហាជន ឬមួយដើម្បីទាក់ទាញ ចិត្តកន្លង់ៗ អ្នកមានទ្រព្យ ឲ្យលង់ស្នេហ៍លើរូបនាង?</span></p>
<p><span style="color: #000000;">ដោយឡែក ការលេចមុខសម្ញែងភាពសិចស៊ី លើសដើមនេះ នាំឲ្យមានមតិខ្លះ លើកឡើងថា បណ្តាលមកពីតារារូបនេះ មានចេតនា ចង់បង្អួតបុរស ដែលនាងធ្លាប់ខកស្នេហ៍ជាមួយ។ ម្យ៉ាងវិញទៀត ដោយសារតារារូបនេះ ចង់ទទួលបានប្រជាប្រិយភាពឡើងវិញ នៅពេលនាងវិល មកកាន់សង្វៀនសិល្បៈ ជាថ្មីនោះ។</span></p>
<p><span style="color: #000000;">គេហទំព័រ LookingTODAY មិនអាចស្វែងរកការបកស្រាយពី កញ្ញា សាន សុម៉ាលី បានទេ នៅរសៀលថ្ងៃទី ២៣ ខែតុលា ឆ្នាំ២០១៤នេះ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/23/msp-0925-23-10-2014--18-27-14.jpg"><img src="/FileManager/Articles/mce/2014/10/23/msp-0925-23-10-2014--18-27-14.jpg" alt="" /></a></span></p>
<p><span style="color: #000000;"><a class="thickbox" title="" href="/FileManager/Commons/2014/10/23/msp-0925-23-10-2014--18-27-14.jpg"></a><br /><a class="thickbox" title="" href="/FileManager/Commons/2014/10/23/msp-0926-23-10-2014--18-27-37.jpg"><img src="/FileManager/Articles/mce/2014/10/23/msp-0926-23-10-2014--18-27-37.jpg" alt="" /></a></span></p>
<p><span style="color: #000000;"><a class="thickbox" title="" href="/FileManager/Commons/2014/10/23/msp-0926-23-10-2014--18-27-37.jpg"></a><br /><a class="thickbox" title="" href="/FileManager/Commons/2014/10/23/msp-0927-23-10-2014--18-28-06.jpg"><img src="/FileManager/Articles/mce/2014/10/23/msp-0927-23-10-2014--18-28-06.jpg" alt="" /></a></span></p>
<p><span style="color: #000000;"><a class="thickbox" title="" href="/FileManager/Commons/2014/10/23/msp-0927-23-10-2014--18-28-06.jpg"></a><br /><a class="thickbox" title="" href="/FileManager/Commons/2014/10/23/msp-0928-23-10-2014--18-28-31.jpg"><img src="/FileManager/Articles/mce/2014/10/23/msp-0928-23-10-2014--18-28-31.jpg" alt="" /></a><br /></span></p>
<p style="text-align: right;"><span style="color: #000000;"><br />ផ្ដល់សិទ្ធិដោយ៖ ដើមអម្ពិល</span></p>