<div class="article-content">
<p><strong>ភ្នំពេញ៖</strong> បុរសម្នាក់បាន ស្លាប់ភ្លាមៗ នៅនឹងកន្លែង កើតហេតុ ក្រោយពីជនរងគ្រោះ បានបើកម៉ូតូ<br /> ក្នុងល្បឿនយ៉ាងលឿន ស្រាប់តែជ្រុលទៅបុក រថយន្តដែល ចតស្ងៀមពីក្រោយ បណ្តាលឲ្យម៉ូតូដួល<br /> ហើយជនរងគ្រោះដួលបោកក្បាល និងផ្លូវស្លាប់ភ្លាមៗ តែម្តង។</p>
<p>គ្រោះថ្នាក់ចរាចរណ៍ ខាងលើនេះ បានកើតឡើង កាលពីវេលាម៉ោង ១២៖៥០នាទី យប់រំលងអាធ្រាត្រ<br /> ចូលថ្ងៃទី២៤ ខែមីនា ឆ្នាំ២០១៣ ស្ថិតនៅលើ ផ្លូវជាតិលេខ៤ ត្រង់ចំណុចខាង លិចបញ្ជរបង់ ប្រាក់កំ-<br />បូល ស្ថិតក្នុងសង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។</p>
<p>មន្រ្តីនគរបាលចរាចរ ជើងគោក រាជធានីភ្នំពេញ ដែលចុះទៅជួយ អន្តរាគមន៍ នៅកន្លែងកើតហេតុ<br /> បានឲ្យដឹងថា មុនពេលកើតហេតុ ជនរងគ្រោះ ឈ្មោះ អ៊ុន ម៉ាប់ ភេទប្រុស អាយុ២៣ឆ្នាំ មានទីលំនៅ<br /> ភូមិរំលិច ឃុំរលាំងគ្រឿង ស្រុកសំរោងទង ខេត្តកំពង់ស្ពឺ បានធ្វើដំណើរតាម បណ្តោយផ្លូវជាតិលេខ៤<br />ក្នុងទិសពីលិចទៅកើត ចូលភ្នំពេញ លុះមកដល់ចំណុចកើតហេតុខាងលើ ក៏ជ្រុលទៅបុកពីក្រោយ<br /> រថយន្តមួយគ្រឿង ដែលចតស្ងៀម ម៉ាក <strong>FUSO </strong>ពណ៌ខៀវ ពាក់ស្លាកលេខ ស្វាយរៀង 3A-0204 <br />បណ្តាលឲ្យជនរងគ្រោះ ដួលម៉ូតូបោកក្បាលស្លាប់ភ្លាមៗ តែម្តង។</p>
<p>ប៉ុន្តែក្រោយកើតហេតុ អ្នកបើករថយន្តបានរត់គេចខ្លួនបាត់។ មន្រ្តីនគរបាលចរាចរបានឲ្យដឹងថា ក្រោយ<br />កើតហេតុ ទាំងរថយន្ត និងម៉ូតូត្រូវបានសមត្ថកិច្ចយកទៅរក្សាទុក នៅការិយាល័យ ចរាចរណ៍ជើងគោក<br /> រាជធានីភ្នំពេញ ដើម្បីចាត់ការ បន្តទៀត។</p>
<p>បើតាមមន្រ្តី នគរបាលចរាចរ បានឲ្យដឹងថា មូលហេតុដែលនាំមាន គ្រោះថ្នាក់ចរាចរណ៍ ខាងលើនេះ គឺ<br />បណ្តាលមកពីអ្នក បើកម៉ូតូ បើកក្នុងល្បឿនលឿន និងមិនមានការប្រុងប្រយ័ត្ន៕</p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>