<p><span style="color: #000000;"><strong>ភ្នំពេញ៖</strong> អ្នករស់នៅពិភពសិល្បៈ នៅក្នុងស្រុកខ្មែរ ការរកប្រាក់ចំណូល មិនដូចគ្នា បើប្រៀបធៀបការសម្ដែង ជាមួយនឹងការច្រៀង គឺរកប្រាក់ខុសគ្នា ដូចមេឃ និងដី ។ តារាចម្រៀងល្បីមធ្យមម្នាក់ អាចរកចំណូលបានប្រហែលជា៥០០ដុល្លារ ក្នុងមួយយប់ គ្រាន់តែច្រៀងក្នុងកម្មវិធី ។ ចំណែកឯតារាសម្ដែង ទំរាំបាន១០០០ដុល្លារ ត្រូវសម្ដែងជិតពីរខែ គឺពិតជាខុសគ្នាឆ្ងាយណាស់ ហេតុនេះបានជា អ្នកសម្ដែងខ្លះ ប្រឹងរៀនច្រៀង បន្ថែម ដើម្បីអាចរកប្រាក់បានច្រើន ផ្គត់ផ្គង់ជីវភាពគ្រួសារ និងការចាយវាយផ្ទាល់ខ្លួន។</span></p>
<p><span style="color: #000000;">តារាសម្ដែងខ្លះ មិនត្រឹមតែរៀនច្រៀងទេ ពួកគេបានវិវឌ្ឍខ្លួន ទៅជាតារាចម្រៀងអាជីពតែម្ដង ជាក់ស្ដែងដូចជា កញ្ញា គៀត សុវណ្ណាឡាង និង តេង លក្ខិណា ដែលពួកនាងសុទ្ធសឹង ជាស្រីស្អាត ក្នុងពិភពសិល្បៈសម្ដែង តែបែរជាបោះបង់អាជីព នេះចោល មកស្រវាក្បាលមេក្រូជំនួសវិញ ។</span></p>
<p><span style="color: #000000;">សម្រាប់ការវិវឌ្ឍខ្លួន របស់តារាសម្ដែងទាំងនេះ ហាក់ជួបរឿងមិនល្អច្រើន ព្រោះពួកគេមិនមានសំឡេងល្អ គ្រប់គ្រាន់ ដើម្បីក្លាយជា តារាចម្រៀងអាជីពបានទេ ។ ជាក់ស្ដែង ដូចជាកញ្ញា តេង លក្ខិណា មិនអាចជ្រោងកេរ្តិ៍ឈ្មោះ បានល្បីល្បាញ ដូចជាតារាចម្រៀងដទៃបានឡើយ បើទោះបីជាផលិតកម្ម ព្យាយាមលើកស្ទួយ ពេញទំហឹងក្ដី ។</span></p>
<p><span style="color: #000000;">ថ្មី"នេះ ប្រិយមិត្តក្នុងហ្វេសប៊ុក បានរិះគន់ តេង លក្ខិណា តារាចម្រៀងស្រីដ៏ស្រស់ស្អាត របស់ផលិតកម្ម អ៊ឹម ថា នាងច្រៀងដូចសូត្រមេសូត្រ គ្មានទឹកដម គោកៗ ដូចមិនដាក់ទឹក ហើយចេះតែឲ្យនាងចច្រៀងដែរ ។ បទចម្រៀង ដែលត្រូវបានគេរិះគន់នេះ មានចំណងជើងថា "ពេលអូនខឹង បងត្រូវលួង" ស្ថិតក្នុងវ៉ុលទី៦៦ របស់ផលិតកម្ម អ៊ឹម ដែលចេញជាមួយ លោក ណាំ ប៊ុណ្ណារ័ត្ន និងបទចម្រៀងមួយចំនួនទៀត។</span></p>
<p><span style="color: #000000;">ប្រភពពីអ្នករិះគន់ បាននិយាយថា សំឡេង តេង លក្ខិណា ប្រើការកាត់ត ស្ទើរតែរកកន្លែងពីរោះគ្មាន បានតែស្អាត តែច្រៀងមិនកើត សំខាន់អ្នកចម្រៀង គឺពឹងនឹងសម្រស់ មិនមែនមានតែសម្រស់ អត់សំឡេងបែបនេះទេ ដូចនេះការវិវឌ្ឍខ្លួនរបស់ តេង លក្ខិណា ហាក់មិនជោគជ័យឡើយ គួរតែត្រឡាប់ក្រោយប្រសើរជាង ។ តេង លក្ខិណា បានបោះបង់ តំណែងជា ពិធីការិនីចោល ដែលបានធ្វើ រាប់សិបឆ្នាំមកហើយ ដោយគ្មានស្ដាយស្រណោះអ្វីឡើយ តែកំឡុងពេលនាង ធ្វើជាពិធីការិនី ក៏ទទួលរងការរិះគន់មិនតិចទេ ក្នុងអាជីព ព្រោះការនិយាយស្ដីនាង មិនរលូនល្អ ពោលគឹ រដិបរដុប អានមិនទាន់ច្បាស់ពាក្យ ។</span></p>
<p><span style="color: #000000;">សម្រាប់ តេង លក្ខិណា ហាក់មិនសមប្រកប ក្នុងអាជីពអ្វីទាំងអស់ ក្រៅពីសម្ដែង ព្រោះនាងហាក់ស្ទើរគ្រប់វិស័យ រីឯ មុខជំនួញវិញ ឮតែនាងអួតមិនឈប់ ប៉ុន្តែទស្សនិកជនមិនដែលឃើញនាង ធ្វើអ្វីបានមួយនៅឡើយទេ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/12/9/msp-339-09-12-2014--13-36-47.jpg"><img src="/FileManager/Articles/mce/2014/12/9/msp-339-09-12-2014--13-36-47.jpg" alt="" /></a></span></p>
<p><a class="thickbox" title="" href="/FileManager/Commons/2014/12/9/msp-341-09-12-2014--13-36-56.jpg"><img src="/FileManager/Articles/mce/2014/12/9/msp-341-09-12-2014--13-36-56.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/12/9/msp-339-09-12-2014--13-36-47.jpg"></a></span></p>
<p><a class="thickbox" title="" href="/FileManager/Commons/2014/12/9/msp-344-09-12-2014--13-37-04.jpg"><img src="/FileManager/Articles/mce/2014/12/9/msp-344-09-12-2014--13-37-04.jpg" alt="" /></a></p>
<p><a class="thickbox" title="" href="/FileManager/Commons/2014/12/9/msp-345-09-12-2014--13-37-12.jpg"><img src="/FileManager/Articles/mce/2014/12/9/msp-345-09-12-2014--13-37-12.jpg" alt="" /></a></p>
<p><a class="thickbox" title="" href="/FileManager/Commons/2014/12/9/msp-346-09-12-2014--13-37-21.jpg"><img src="/FileManager/Articles/mce/2014/12/9/msp-346-09-12-2014--13-37-21.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>