<p><span style="color: #000000;"><strong>ភ្នំពេញ៖</strong> នេះមិនមែន ទើបតែលើកទី១នោះទេ សម្រាប់តារាស្រីវ័យក្មេង កំពុងក្តាប់បានឱកាស កាន់ក្បាលមេក្រូហ្វូនក្ដោបតំណែង ធ្វើជាពិធីការិនី ប្រចាំស្ថានីយ ទូរស្សន៍ស៊ីធីអ៊ិន (CTN) កញ្ញា គង់ វង្សយ៉ាទី ខណៈអាជីពការងារ សិល្បៈ ហាក់មានសន្ទុះ ទៅមុខគួរសម ស្រាប់តែមានសម្លេង នៃការ រិះគន់ជាថ្មីម្តងទៀត មហាជនអ្នកគាំទ្រថា មានចរិតឆ្មើងឆ្មៃខុសប្លែក ពីពេលកន្លងទៅ។</span></p>
<p><span style="color: #000000;">ការរិះគន់ខ្លាំងៗ ជាថ្មីម្តងទៀត ពីសំណាក់មជ្ឈដ្ឋាន អ្នកគាំទ្រថា កញ្ញា គង់ វង្សយ៉ាទី វាយឫក ដោយមានចរិតឆ្មើងឆ្មៃគឺធ្វើឡើង ស្របពេល ដែល ពិធីការិនីរូបនេះ បាននឹងកំពុងសំងំព្យាយាម ហាត់ច្រៀងបន្ថែមអាជីពថ្មីមួយទៀត ពីលើអាជីពពិធីការិនី និងសម្តែងសព្វថ្ងៃ ព្រោះខ្លាចបាត់បង់ ប្រជាប្រិយភាព និងការគាំទ្រចាញ់គេ ដោយសារមួយរយៈចុងក្រោយនេះ មានពិធីការិនី តារាម្តែងមិនតិចនាក់ទេ បានបង្កើនមុខជំនាញ បន្ថែមស្ទើរគ្រប់គ្នា ដើម្បីទាញយកចំណែកទីផ្សារល្បីឈ្មោះ។</span></p>
<p><span style="color: #000000;">ប្រភពពីមជ្ឈដ្ឋាន អ្នកគាំទ្របាននាំគ្នា និយាយខ្សឹបខ្សៀវគ្នាថា ពិធីការិនីវ័យក្មេង គង់ វង្ស យ៉ា ទី ឥឡូវនេះផ្ដើមដំឡើងឫកពារជាថ្មីឡើងវិញ ទៀតហើយ ជាមួយទស្សនិកជន អ្នកគាំទ្រ ក៏ដូចជាអ្នកសិល្បៈដូចគ្នា ជាពិសេសអំទ្បុងពេលមួយរយៈចុងក្រោយ នេះតែម្ដង។ ប្រភពខ្លះបាន និយាយថា មុននេះគេធ្លាប់ស្គាល់ថា យ៉ាទី គឺមានការរួសរាយរាក់ទាក់ណាស់ ក៏ប៉ុន្តែមួយរយៈចុងក្រោយ នាងហាក់មានចរិត ប្លែកខុសពីធម្មតា ដោយមានឫក្សពារឆ្មើងឆ្មៃ ជាងមុន។</span></p>
<p><span style="color: #000000;">ទន្ទឹមនឹងការបង្ហាញ អាកប្បកិរិយា មិនសូវល្អដាក់ទស្សនិកជន អ្នកគាំទ្រ ក៏ដូចអ្នកសិល្បៈដូចគ្នានេះ ត្រូវបានប្រភពមួយចំនួនបញ្ចេញ មតិស្រដៀង គ្នានេះថា ការតម្កើងឫកពារ ក៏ដូចជាឥរិយាបទ មិនសមរម្យ ពីសំណាក់ពិធីការិនីរូបនេះ អាចនាំឱ្យការងារសិល្បៈ របស់នាងមានការធ្លាក់ចុះ ព្រោះតែការមិនពេញចិត្ត និង សំឡេងនៃការរិះគន់ កាន់តែខ្លាំងទ្បើង ពីសំណាក់អ្នកគាំទ្រ ។</span></p>
<p><span style="color: #000000;">ជុំវិញបញ្ហាខាងលើនេះ កាលពីថ្ងៃទី២៧ ខែធ្នូ ឆ្នាំ២០១៤ គេហទំព័រ LookingTODAY បានព្យាយាមទំនាក់ទំនង ដើម្បីសុំការបំភ្លឺពីកញ្ញា គង់ វង្សយ៉ាទី ជាច្រើនសារ តែទូរស័ព្ទខលចូលគ្មានអ្នកទទួល។ យ៉ាងណាមិញ LookingTODAY ស្វាគមន៍ រាល់ការចេញមុខបំភ្លឺ ពីកញ្ញា គង់ វង្សយ៉ាទី៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/12/29/msp-1035-29-12-2014--11-21-59.jpg"><img src="/FileManager/Articles/mce/2014/12/29/msp-1035-29-12-2014--11-21-59.jpg" alt="" /></a><br /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/December/ID-141/MSP-1036.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/December/ID-141/MSP-1037.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/December/ID-141/MSP-1038.jpg" alt="" width="600" /></span></p>
<p style="text-align: center;"><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ <a class="thickbox" title="" href="/FileManager/Commons/2014/12/29/msp-1039-29-12-2014--11-21-50.jpg"><img src="/FileManager/Articles/mce/2014/12/29/msp-1039-29-12-2014--11-21-50.jpg" alt="" /></a>ដើមអម្ពិល</span></p>