<p>តំបន់ជិះស្គីលើទឹកកករបស់កូរ៉េខាងជើង ត្រូវបានគេវាយតម្លៃថា មានលក្ខណៈប្រណិត និងបរិយា<br />កាសល្អ សម្រាប់ការលំហែកាយ និងមានប្រជាជនកូរ៉េខាងជើងមកលេងកំសាន្ដច្រើន ក្នុងពេល<br />ដែលទេសចរបរទេស កំពុងរង់ចាំការអនុញ្ញាតឱ្យចូលទស្សនា។</p>
<p style="text-align: center;"><br /><a class="thickbox" title="" href="/FileManager/Commons/2014/1/17/140115154415-north-korea-ski-resort-06-horizontal-gallery-17-01-2014--22-40-20.jpg"><img src="/FileManager/Articles/mce/2014/1/17/140115154415-north-korea-ski-resort-06-horizontal-gallery-17-01-2014--22-40-20.jpg" alt="" /></a><br /><em>តំបន់ជំរឹលទឹកកក Masik របស់កូរ៉េខាងជើង (CNN)</em></p>
<p><br />Simon Cockerell គឺជាមគ្គុទេសក៍ទេសចរណ៍នៃក្រុមហ៊ុនទេសចរណ៍ Koryo Tours មានទីស្នាក់<br />ការនៅក្រុង ប៉េកាំង ដែលជាក្រុមហ៊ុនមួយក្នុងចំណោមក្រុមហ៊ុនដ៏តិចតួច ធ្វើសកម្មភាពបម្រើ<br />សេវាកម្មទេសចរណ៍ នៅកូរ៉េខាងជើង។ Simon Cockerell បានចែករំលែកនូវព័ត៌មានស្ដីអំពីដំណើរ<br />ទេសនៅប្រទេសដ៏អាថ៌កំបាំងនេះ នៅលើប្លក់ និងបានរៀបរាប់អំពីការជួបជុំដ៏គួរឱ្យភ្ញាក់ផ្អើល។<br /><br />Cockerell សរសេរថា ៖ “នៅពេលខ្ញុំបានទៅដល់តំបន់ជិះស្គីទឹកកក Masik កាលពីថ្ងៃទី ១២ មករា<br /> ពេលនោះ ខ្ញុំបានជួប Dennis Rodman”។ អតីតកីឡាករបាល់បោះជនជាតិអាមេរិក រូបនេះ កាល<br />ណោះ កំពុងធ្វើទស្សនកិច្ចនៅតំបន់ជិះស្គីទឹកកក ក្នុងដំណើរមួយដែលត្រូវបានគេផ្សព្វផ្សាយយ៉ាង<br />ទូលំទូលាយ ដើម្បីអបអរថ្ងៃខួបកំណើតរបស់មេដឹកនាំ Kim Jong-un ។<br /><br />ការជួបជុំដ៏ពិសេសមួយទៀត នោះគឺការទស្សនាក្រុមចម្រៀងសម័យដ៏ល្បីឈ្មោះរបស់កូរ៉េខាង<br />ជើង Moranbong ដែលមានសមាជិក ២០រូប ត្រូវបានលោក Kim Jong-un ជ្រើសរើសដោយផ្ទាល់។<br /><br />Cockerell សរសេរបន្ដថា ៖ “យុវនារីជាច្រើន បានរៀនធ្វើម៉ូដសក់ តាមក្រុមតារាចម្រៀងនេះ <br />ហើយ ពួកបុរសៗ ក៏សម្ដែងការគាំទ្រច្រើនផងដែរ។ ក្រុមតន្ដ្រីនេះ មកកាន់តំបន់ជិះស្គីទឹកកក <br />ដើម្បីកំសាន្ដ ពួកនាងស្រស់ស្អាតខ្លាំងណាស់។ ទាស់តែម្យ៉ាង គឺពួកនាងមិនបានចុះមកកាន់បារ<br />នៃសណ្ឋាគារ នាពេលព្រលប់ដើម្បីឱ្យអ្នករាល់គ្នាបានស្គាល់នោះទេ”។<br /><br />តម្លៃសំបុត្រចូលមកកំសាន្ដនៅតំបន់នេះ មិនទាន់ត្រូវបានគេកំណត់ជាចុងក្រោយនៅឡើយ ប៉ុន្ដែ <br />Cockerell សន្និដ្ឋានថា វានឹងមានតម្លៃប្រហែល ៤១ដុល្លារ/ថ្ងៃ ដោយមិនរួមបញ្ចូលថ្លៃបន្ទប់ស្នាក់<br />នៅ។ ចំណែកតម្លៃបន្ទប់ស្នាក់នៅវិញ គឺប្រហែល ជិត ២០ដុល្លារ។</p>
<p style="text-align: center;"><a class="thickbox" title="" href="/FileManager/Commons/2014/1/17/140115154314-north-korea-ski-resort-03-horizontal-gallery-17-01-2014--22-45-56.jpg"><img src="/FileManager/Articles/mce/2014/1/17/140115154314-north-korea-ski-resort-03-horizontal-gallery-17-01-2014--22-45-56.jpg" alt="" /></a></p>
<p><br />CNN ដកស្រង់សំដីរបស់ Cockerell ឱ្យដឹងថា សណ្ឋាគារនៅទីនេះ ពិតជាប្រណិត និងមានផា<br />សុខភាព។ ក្នុងអាគារចំនួនពីរ គឺមានប្រហែល ១២០ បន្ទប់ មានអាងហែលទឹកមួយ មានភោជ<br />នីយដ្ឋានបារ បន្ទប់ការ៉ាអូខេ ឬបន្ទប់ស្ទីម។ល។<br /><br />តំបន់ជិះស្គីទឹកកកនេះ មានផ្លូវសម្រាប់ជិះស្គី ចំនួន ១១ផ្លូវ ក្នុងនោះ មាន ២ផ្លូវសម្រាប់អ្នកទើប<br />ចូលលេងថ្មី។ នៅទីនេះ មានមគ្គុទេសក៍ក្នុងស្រុកជាច្រើនរូប និយាយភាសាអង់គ្លេស ប៉ុន្ដែពួក<br />គេមិនចូលរួមជិះស្នោះទេ ភារកិច្ចបង្ហាត់អ្នកមិនទាន់ចេះ គឺទុកឱ្យក្រុមគ្រូបង្វឹកដទៃ។ <br /><br />បើទោះជាត្រូវបានគេសង្ឃឹមថា នឹងមានភ្ញៀវបរទេសជាច្រើនមកទស្សនាកំសាន្ដ ប៉ុន្ដែ Cockerell<br /> យល់ថា តំបន់ជិះស្គីទឹកកកកនេះ ហាក់ដូចត្រូវបានសាងសង់ឡើង សម្រាប់តែប្រជាជនកូរ៉េខាង<br />ជើងតែប៉ុណ្ណោះ។<br /><br />Cockerell ឱ្យដឹងថា ៖ “ចំនួនប្រជាជនកូរ៉េខាងជើងដែលបានមកកំសាន្ដនៅទីនេះ ពិតជាមាន<br />ច្រើន បើទោះវាទើបត្រូវបានសម្ពោធដាក់ឱ្យដំណើរការ កាលពីចុងខែធ្នូ ២០១៣ ហើយវាគឺជា<br />តំបន់ដែលនៅដាច់ស្រយាល ចំណែកផ្លូវធ្វើដំណើរមកកាន់តំបន់នេះ មានការលំបាកខ្លាំង”។<br /><br />ភ្ញៀវបរទេសមិនអាចហៅទូរស័ព្ទមកកក់បន្ទប់សណ្ឋាគារ ពួកគេត្រូវឆ្លងកាត់ក្រុមហ៊ុនទេសចរណ៍<br /> ដូចជា Koryo ។ ក្រុមហ៊ុនរបស់ Cockerell កំពុងតែរង់ចាំការពិចារណា ពីមន្ដ្រីការទូតនៃក្រុងព្យុង<br />យ៉ាង ដើម្បីអនុញ្ញាតឱ្យភ្ញៀវបរទេស បានមកកំសាន្ដក្នុងជិះស្គីទឹកកកក Masik នេះ។ Cockerell <br />សរសេរនៅលើប្លន់ថា ក្រុមមន្ដ្រីកូរ៉េខាងជើង បានប្រាប់ថា ពួកគេត្រូវពិចារណាឱ្យបានគ្រប់ជ្រុង<br />ជ្រោយ ចំពោះប្រការនេះ។</p>
<p style="text-align: center;"><a class="thickbox" title="" href="/FileManager/Commons/2014/1/17/140115154226-north-korea-ski-resort-01-horizontal-gallery-17-01-2014--22-42-05.jpg"><img src="/FileManager/Articles/mce/2014/1/17/140115154226-north-korea-ski-resort-01-horizontal-gallery-17-01-2014--22-42-05.jpg" alt="" /></a></p>
<p><br />គួររំឭកថា តំបន់ជិះស្គីលើទឹកកក Masik ត្រូវបានសម្ពោធឱ្យដំណើរការ កាលពីថ្ងៃទី ៣១ធ្នូ ឆ្នាំ <br />២០១៣ ក្រោយពីសាងសង់យ៉ាងប្រញាប់ប្រញាល់តាមបញ្ជារបស់មេដឹកនាំ Kim Jong-un ។ តំបន់<br />នេះ ត្រូវបានសាងសង់ឡើង ដោយចំណាយទឹកប្រាក់ប្រហែល ៣០០លានដុល្លារអាមេរិក។ នៅ<br />ក្នុងតំបន់នេះ មានផ្លូវសម្រាប់ជិះស្គីចំនួន ១១ និងមានប្រវែងសរុប ១១០គីឡូម៉ែត្រ មានសណ្ឋា<br />គារមួយ មានចំណតឧទ្ធម្ភាគចក្រមួយ និងប្រព័ន្ធទោងខ្សែកាបដែលត្រូវបានគេជឿថា នាំចូលពី<br />ប្រទេសចិន។ តំបន់លំហែកាយនេះ ត្រូវបានកូរ៉េខាងជើង ប្រកាសថា មានលំដាប់ពិភពលោក។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/35061/the-london-anti-cafe-where-everything-is-free-but-you-pay-5-cents-a-minute-just-to-be-there"><span style="color: #3366ff;">ហាងកាហ្វេមិនគិតថ្លៃអ្វីទាំងអស់ លើកលែងតែ កន្លែងអង្គុយ</span></a></span></p>
<p><span style="color: #3366ff;"><a href="/Contents/Edit/%20%20http:/camnews.com.kh/News/Detail/91356/starbucks-ceo--building-dreams-from-the-slum"><span style="color: #3366ff;">សេដ្ឋីរបស់ Starbucks ៖ បង្កើតក្ដីស្រមៃ ពីតំបន់សំបុកកណ្ដុរ</span></a></span></p>
<p><span style="color: #3366ff;"><a href="/News/Detail/16425/north-korea-is-not-misery-as-we-ever-know-through-information"><span style="color: #3366ff;">កូរ៉េខាងជើង ពិតជាមិនវេទនា ដូចធ្លាប់បានដឹង តាមរយៈព័ត៌មាន?</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ CNN/Youtube<br /><br /></p>