<p><span style="color: #000000;"><strong>(អូស្ត្រាលី)៖</strong> ក្រុមហ៊ុនផលិតនាវា របស់ប្រទេសបារាំង (DCNS) បានព្រមព្រៀង លើកិច្ចសន្យាដែលមានរង្វង់ទឹកប្រាក់ ៤០ពាន់លាន ដុល្លារអាមេរិក ជាមួយនឹងប្រទេសអូស្ត្រាលី ក្នុងការកសាង នាវាមុជទឹកជំនាន់ថ្មី។ នេះបើតាមទីភ្នាក់ងារព័ត៌មានស៊ិនហួរ ដកស្រង់សម្តីរបស់នាយករដ្ឋមន្ត្រី អូស្ត្រាលីលោក Malcolm Turnbull នៅមុននេះបន្តិច នាព្រឹកថ្ងៃអង្គារ ទី២៦ ខែមេសា ឆ្នាំ២០១៦។</span></p>
<p><span style="color: #000000;">ក្រុមហ៊ុន DCNS និងរដ្ឋាភិបាលអូស្ត្រាលី បានពិភាក្សា និងចរចាគ្នាជាច្រើនខែមកហើយ មុននឹងសម្រេចចេញជាកិច្ចព្រមព្រៀង ខាងលើនេះ។ នាវាមុជទឹកជាច្រើនគ្រឿង ដែលអូស្ត្រាលី ត្រូវការឲ្យក្រុមហ៊ុនបារាំងផលិតនោះ គឺជាប្រភេទថ្មី ដែលទំនើបនឹងប្រសើរ ជាងមុនឆ្ងាយណាស់។</span></p>
<p><span style="color: #000000;">គួរបញ្ជាក់ថា នាវាមុជទឹកទាំង ១២គ្រឿងខាងលើនេះ នឹងត្រូវកសាងនៅរោងចក្រក្នុង តំបន់ភាគខាងត្បូង របស់ប្រទេសអូស្ត្រាលី ដើម្បីយកមកជំនួសនាវាមុជទឹកជំនាន់មុន Collins Class ដែលជិតចូលនិវត្តន៍។ នាយករដ្ឋមន្ត្រីអូស្ត្រាលីបានថ្លែងថា នាវានេះនឹងត្រូវ ដាក់ឲ្យដំណើរនៅក្នុងដែនទឹក របស់អូស្ត្រាលី នៅពេលវាត្រូវបានគេផលិតរួចរាល់ ព្រមទាំងអាច បំពេញប្រតិបត្តិការ រហូតដល់ឆ្នាំ ២០៦០៕</span></p>
<p> <a class="thickbox" title="" href="/FileManager/Commons/2016/4/26/09-26-04-2016--14-45-04.jpg"><img src="/FileManager/Articles/mce/2016/4/26/09-26-04-2016--14-45-04.jpg" alt="" /></a></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>