<p>Microsoft នឹងឧទ្ទេសនាមស្មាតហ្វូនដែលប្រើ Windows 10 Mobile ជាច្រើនម៉ូដែល នៅចុងឆ្នាំ<br />នេះ ក្នុងនោះភាគច្រើនគឺជាស្មាតហ្វូនដែលមានតម្លៃទាប និងមធ្យម ដូចជា Lumia 550 ជា<br />ដើម។</p>
<p>Lumia 550 គឺជាកំណែបន្ទាប់របស់ Lumia 540 ដែលត្រូវបានដាក់លក់កាលពីដើមឆ្នាំ សំដៅ<br />ទៅរកអតិថិជនដែលមានប្រាក់ចំណូលទាប។ ថ្មីៗនេះ WM Power User បានចុះផ្សាយនូវ រូប ភាពដ៏ស្រស់ស្អាតដែលមានច្រើនព័ណ៌របស់ស្មាតហ្វូន Lumia 550 នេះ។ អ្នកប្រើប្រាស់នឹង<br />អាចជ្រើសរើស ព័ណ៌ផ្សេងៗគ្នា រួមមានដូចជា ព័ណ៌ខ្មៅ ព័ណ៌ផ្ទៃមេឃ ព័ណ៌ ស និងក្រហម។</p>
<p style="text-align: center;"><a class="thickbox" title="" href="/FileManager/Commons/2015/9/22/microsoft-22-09-2015--15-04-43.jpg"><img src="/FileManager/Articles/mce/2015/9/22/microsoft-22-09-2015--15-04-43.jpg" alt="" /></a></p>
<p>Lumia 550 មិនមានការប្ដូរផ្លាស់ច្រើនប៉ុន្មាន បើប្រៀបធៀបនឹង Lumia 540។ Lumia 550 មាន<br />អេក្រង់ 4.7 inches រីសូលូសឹន 720p និងដំណើរការដោយប្រូសេសឺរ Qualcomm Snapdragon<br /> 210 4core 1.2 GHz។</p>
<p>ក្រៅពីនេះ ស្មាតហ្វូន Lumia 550 នឹងប្រើ RAM 1GB កាមេរ៉ាក្រោយ 5MP កាមេរ៉ាមុខ 1.2MP<br /> អង្គចងចាំក្នុង8GB រួមនឹងមុខងារ LTE ផងដែរ។ Lumia 550 នឹងមានកំណែស៊ីម ១ និងកំណែ<br />ស៊ីម ២។ យោងតាមប្រភពខាងលើ Microsoft មានគម្រោងឧទ្ទេសនាមស្មាតហ្វូន Lumia 550 <br />នៅក្នុងខែតុលាខាងមុខ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Engadget‎/GSMArena</p>