<p><span style="color: #000000;"><strong>ភ្នំពេញ៖</strong> លោក សួន សេរីរដ្ឋា ប្រធានគណបក្សអំណាចខ្មែរ ដែលមាននិន្នាការប្រឆាំងជាមួយនឹង រាជរដ្ឋាភិបាលកម្ពុជា ហើយត្រូវបានតុលាការ ធ្វើការកាត់ទោសពីបទរួមគំនិតក្បត់ជាតិនោះ ឥឡូវត្រូវបានព្រះមហាក្សត្រ ចេញព្រះរាជក្រឹត្យ លើកលែងទោសហើយ។</span><br /><br /><span style="color: #000000;">យោងតាមព្រះរាជក្រឹត្យ នសរកត/០៧១៥/៧០៨ ចុះថ្ងៃទី១០ ខែកក្កដា ឆ្នាំ២០១៥ ឡាយព្រះហស្តលេខាដោយព្រះមហាក្សត្រ ព្រះបាទសម្តេចព្រះបរមនាថ នរោត្តម សីហមុនី សម្រេចធ្វើការលើកលែងទោស ដល់ទណ្ឌិត សួន សេរីរដ្ឋា ភេទប្រុស អាយុ៤៣ឆ្នាំ ដែលត្រូវបានតុលាការសម្រេចផ្តន្ទាទោសដាក់ពន្ធនាគារ តាមចំណារសាលដីកាស្ថាពរលេខ៣១ ក្រអប ចុះថ្ងៃទី២៨ ខែឧសភា ឆ្នាំ២០១៥ របស់សាលាឧទ្ធរណ៍។</span></p>
<p><span style="color: #000000;">ការសម្រេចធ្វើការស្នើសុំ និងលើកលែងទោសទៅលើទណ្ឌិត សួន សេរីរដ្ឋា ខាងលើនេះ គឺដើម្បីផ្តល់ឱកាសឲ្យលោក បានវិលត្រឡប់មកបន្តដឹកនាំ គណបក្សនយោបាយរបស់លោកឡើងវិញ។</span></p>
<p><span style="color: #000000;">សូមបញ្ជាក់ថា លោក សួន សេរីរដ្ឋា ត្រូវបានតុលាការរាជធានីភ្នំពេញ ធ្វើការកាត់ទោសឲ្យជាប់ពន្ធនាគាររយៈពេល ៧ឆ្នាំ ពីបទញុះញុងផ្តួលរំលំរាជរដ្ឋាភិបាល និងរួមគំនិតក្បត់ជាតិ។ ក្រោយមកលោក សួន សេរីរដ្ឋា បានបន្តប្តឹងទៅសាលាឧទ្ធរណ៍ ហើយត្រូវបានសាលាឧទ្ធរណ៍កាត់ តម្កល់សាលក្រមរបស់តុលាការរាជធានីភ្នំពេញ និងបានចូលជាស្ថាពរ។ បច្ចុប្បន្នលោក សួន សេរីរដ្ឋា ត្រូវបានគេដឹងថា កំពុងស្ថិតនៅក្រៅប្រទេស (សហរដ្ឋអាម៉េរិក)៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/11/7-11-2015-10-20-17-am-11-07-2015--10-25-58.png"><span style="color: #000000;"><img src="/FileManager/Articles/mce/2015/7/11/7-11-2015-10-20-17-am-11-07-2015--10-25-58.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/7/11/7-11-2015-10-20-30-am-11-07-2015--10-26-12.png"><span style="color: #000000;"><img src="/FileManager/Articles/mce/2015/7/11/7-11-2015-10-20-30-am-11-07-2015--10-26-12.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>