<p><span style="color: #000000;"><strong>(ឡុងដ៍)៖</strong> លោក Sadiq Khan មកពីគណបក្សពលករនៃចក្រភពអង់គ្លេស ដែលជនជាតិដើម ម៉ូស្លីម ត្រូវបានទទួលការបោះឆ្នោតជ្រើសរើស ឲ្យក្លាយជាអភិបាលទីក្រុងឡុងដ៍ដំបូង មិនធ្លាប់មានក្នុងប្រវត្តិសាស្ត្រ។ នេះបើតាមការចេញផ្សាយលម្អិត មុននេះបន្តិច ដោយទីភ្នាក់ងារព័ត៌មានចិនស៊ិនហួរ នាព្រឹកថ្ងៃសៅរ៍ ទី០៧ ខែឧសភា ឆ្នាំ២០១៦។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/7/13a-07-05-2016--10-53-57.jpg"><img src="/FileManager/Articles/mce/2016/5/7/13a-07-05-2016--10-53-57.jpg" alt="" /></a><br /></span></p>
<p><span style="color: #000000;">លោក Khan មានវ័យ ៤៥ឆ្នាំ បានផ្តួលគូប្រកួតរបស់ខ្លួនគឺលោក Zac Goldsmith នៅក្នុងការបោះ ឆ្នោតមួយដែលត្រូវបានបិទបញ្ចប់កាលពីយប់ថ្ងៃព្រហស្បតិ៍។ មេដឹកនាំគណបក្សពលករអង់គ្លេស លោក Jeremy Corbyn បានថ្លែងតាមបណ្តាញសង្គម Twitter របស់ខ្លួនថា «ខ្ញុំមិនអាចទន្ទឹងរង់ចាំ ក្នុងការបំពេញការងារជាមួយលោក Khan នោះទេ។ យើងនឹងធ្វើឲ្យ ទីក្រុងឡុងដ៍ ក្លាយជាទីតាំងដែលមនុស្សគ្រប់គ្នាអាចរស់នៅ ដោយស្មើភាព»។</span></p>
<p><span style="color: #000000;">សូមបញ្ជាក់ពីប្រវត្តិរបស់លោក Khan បន្តិច។ ម្តាយរបស់លោក បានធ្វើការនិរទេសចូលមករស់នៅ ចក្រភពអង់គ្លេសកាលពីអំឡុងទសវត្សរ៍ ១៩៦០ ពីប្រទេសប៉ាគីស្ថាន ដែលលោក Khan គឺជាជនជាតិដើមម៉ូស្លីម។ លោកធ្លាប់បានសិក្សានៅ សាកលវិទ្យាល័យ North London ហើយបន្ទាប់ពីបញ្ចប់ការសិក្សា លោកបានបម្រើការងារជាមេធាវី រួចហើយក៏ចូលប្រឡូកក្នុងឆាកនយោបាយតែម្តង៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/7/13-07-05-2016--10-53-46.jpg"><img src="/FileManager/Articles/mce/2016/5/7/13-07-05-2016--10-53-46.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>