<p><span style="color: #000000; font-size: 12px;">ទឹក គឺជាសារជាតិដ៏សំខាន់បំផុតសម្រាប់មនុស្សដែលរស់រានមានជីវិតនៅលើភពផែនដីនេះ។ ទឹកផ្លែឈើ ទឹកតែ ឬកាហេ្វមួយកែវ វាមិនគ្រប់គ្រាន់ដើម្បីបង្គ្រប់ជាតិទឹកដូចពិសារទឹកមួយកែវនោះទេ។ បញ្ហាខ្វះជាតិទឹក អាចនឹងបណ្តាលឲ្យមានការប៉ះពាល់ដល់សារពាង្គកាយដែលនឹកស្មានមិនដល់ជាច្រើន។ ដូចនេះ យើងខ្ញុំនឹងសូមធ្វើការណែនាំនូវរោគសញ្ញាមួយចំនួនដែលបង្ហាញថា លោកអ្នកត្រូវការបង្គ្រប់ជាតិទឹកបន្ថែមហើយ។</span></p>
<p><span style="color: #000000; font-size: 12px;"><a class="thickbox" title="" href="/FileManager/Commons/2018/1/15/2-15-01-2018--16-51-13.png"><img src="/FileManager/Articles/mce/2018/1/15/2-15-01-2018--16-51-13.png" alt="" /></a><br /></span></p>
<p><span style="color: #000000;"><strong>១. បបូរមាត់ស្ងួត</strong><strong></strong></span></p>
<p><span style="color: #000000;">រោគសញ្ញានេះ ជាសញ្ញា១ដែលងាយស្រួលចំណាំ និងបង្ហាញថាអ្នកពិតជាខ្វះខាតនូវសារជាតិទឺកខ្លាំង។ ពេលដែលលោកអ្នកមានអារម្មណ៍នេះ ប្រាកដជាចង់ពិសារទឹក ប៉ុន្តែច្បាស់ជាមិនមែនជ្រើសរើសយកទឹកសាបនោះទេ គឺទឺកត្រជាក់ និងជាតិផ្អែមហើយ។ នេះ អាចជួយឲ្យអ្នកបាត់ស្រែកទឹកមួយពេល តែមិនបានយូរអង្វែងនោះឡើយ។ មានតែទឹកសាបតែប៉ុណ្នោះ ដែលអាចជួយផ្តល់សំណើមដល់ភ្នាស់រំអិល (mucus membrane) បាន។ ការពិសារទឹកសាប គឺអាចជួយឲ្យមាត់អ្នកមានសំណើមក្នុងរយៈពេលយូរ បើទោះបីជាអ្នកពិសារបានតែមួយជិបក៏ដោយ។</span></p>
<p><span style="color: #000000;"><a class="thickbox" title="" href="/FileManager/Commons/2018/1/15/1-15-01-2018--16-50-54.png"><img src="/FileManager/Articles/mce/2018/1/15/1-15-01-2018--16-50-54.png" alt="" /></a><br /></span></p>
<p><span style="color: #000000;"><strong>២. ស្បែកស្ងួត</strong><strong></strong></span></p>
<p><span style="color: #000000;">បន្ទាប់ពីបបូរមាត់ស្ងួត អ្នកនឹងឃើញថាស្បែករបស់លោកអ្នកស្ងួតបែកស្រកា។ ក្នុងករណីនេះ គឺវាចាប់ផ្តើមប៉ះពាល់ដល់សរីរាង្គផ្នែកខាងចុងហើយ បើសិនជាលោកអ្នកនូវតែមិនខ្វល់ខ្វាយលើបញ្ហានេះតទៅទៀត។ អ្វីដែលសំខាន់នោះគឺ អ្នកត្រូវការជាតិទឹកដើម្បីឲ្យបែកញើស ហើយប្រសិនបើគ្មានញើសនោះទេ ស្បែករបស់អ្នកមិនអាចលាងសម្អាតជាតិកខ្វក់ និងប្រេងចេញមកបានឡើយ។ ដូចនេះ អ្នកត្រូវតែពិសារទឹកឲ្យបានច្រើន។</span></p>
<p><span style="color: #000000;"><strong>៣. ការស្រែកទឹក</strong><strong></strong></span></p>
<p><span style="color: #000000;">អារម្មណ៍ស្រែកទឹក កើតឡើងដោយសារតែមជ្ឈមណ្ឌលគ្រប់គ្រងជាតិទឹកនៅក្នុងខ្លួនរបស់យើងបានបញ្ជូនសញ្ញាទៅកាន់ខួរក្បាលថាខ្វះជាតិទឹក ហើយខួរក្បាលក៏បានបញ្ជូនសញ្ញាត្រលប់ទៅបញ្ជាឲ្យមានការស្រែកទឹកដើម្បីបំពេញជាតិទឹកក្នុងខ្លួនត្រលប់មកវិញ។ ដូចនេះ ប្រសិនបើខ្លួនប្រាណលោកអ្នកបានបង្ហាញនូវរោគសញ្ញាអស់នេះ លោកអ្នកមិនត្រូវប្រងើយកន្តើយនោះទេ។</span></p>
<p><span style="color: #000000;"><strong>៤. ភ្នែកស្ងួត</strong><strong></strong></span></p>
<p><span style="color: #000000;">ការខ្វះជាតិទឹក អាចឲ្យស្ងួតបំពង់បង្ហូរទឹកភ្នែកដែលធ្វើឲ្យភ្នែកស្ងួត និងឡើងក្រហម ពេលខ្លះវាធ្វើឲ្យយើងលែងមានទឹកភ្នែកថែមទៀតផង។ ហើយប្រសិនបើអ្នកប្រើប្រាស់ Contact Lens ទៀត វាពិតជាអាចធ្វើឲ្យមានបញ្ហានឹកស្មានមិនដល់លើសនេះទៅទៀត។</span></p>
<p><span style="color: #000000;"><strong>៥. ឈឺសន្លាក់</strong><strong></strong></span></p>
<p><span style="color: #000000;">អ្វីដែលអ្នកទាំងអស់មិនដែលដឹងនោះគឺថា ថាស (Disc) នៅក្នុងឆ្អឹងកងខ្នងរបស់យើងមានផ្ទុកជាតិទឹកព័ទ្ធជុំវិញរហូតដល់ ៨០% ។ ការរៀបចំរបស់ធម្មជាតិរបៀបនេះ គឺវាជួយឲ្យឆ្អឹងរបស់យើងមានជាតិរំអិល និងការពារការប៉ះទង្គិចរវាងឆ្អឹងកងមួយទៅឆ្អឹងកងមួយទៀត។ ការបរិភោគទឹកឲ្យបានគ្រប់គ្រាន់ គឺពិតជាមានសារៈសំខាន់ណាស់ ដោយវាជួយឲ្យសន្លាក់ងាយស្រួលបត់បែន និងចលនារហ័សរហួនពេលដែលយើងធ្វើចលនាប្រចាំថ្ងៃ។</span></p>
<p><span style="color: #000000;"><strong>៦. ទំហំសាច់ដុំថយចុះ</strong><strong></strong></span></p>
<p><span style="color: #000000;">វាមិនខុសពីថាសនៅក្នុងឆ្អឹងកងខ្នងនោះទេ សាច់ដុំក៏បង្កើតឡើងដោយសារជាតិទឹកដែរ នេះមានន័យថា នៅពេលដែលអ្នកមានបរិមាណជាតិទឹកតិចនោះទំហំសាច់ដុំរបស់អ្នកក៏មានការថយចុះទៅតាមនឹងដូចគ្នា។ នេះជាហេតុផលមួយដែលអ្នកហាត់ប្រាណយកសាច់ដុំតែងតែញ៉ាំទឹកមុន និងក្រោយពេលហាត់ វិធីនេះ គឺអាចជួយឲ្យជាតិទឹកវាចូលទៅផ្ទុកនៅកន្លែងត្រឹមត្រូវរបស់វាក្នុងរាងកាយ។ អ្វីដែលពិសេសនោះគឺ វាជួយឲ្យសាច់ដុំរបស់យើងមិនងាយរលាក និងដំបៅក្រោយពេលដែលធ្វើលំហាត់ប្រាណខ្លាំងនោះទេ។</span></p>
<p><span style="color: #000000;"><strong>៧. រយៈពេលនៃការឈឺយូរជាងធម្មតា</strong><strong></strong></span></p>
<p><span style="color: #000000;">ជាធម្មតារាងកាយរបស់យើង ត្រូវការលាងសម្អាតនិងរុញច្រានសារធាតុពុលចេញមកខាងក្រៅសារពាង្គកាយ ប៉ុន្តែដើម្បីឲ្យដំណើរការមួយនេះប្រព្រឹត្តទៅបានលុះត្រាតែមានជាតិទឹកផ្គត់ផ្គង់ទៅសរីរាង្គគ្រប់គ្រាន់។ ដូចនេះ ប្រសិនបើលោកអ្នកបរិភោគជាតិទឹកមិនបានគ្រប់គ្រាន់ទេនោះ សារីរាង្គរបស់អ្នកនឹងព្យាយាមយកឈាមពីកន្លែងផ្សេងដើម្បីជំរុញការបញ្ចេញជាតិពុល ដល់ចុងក្រោយវានឹងធ្វើឲ្យរាងកាយរបស់យើងលេចចេញនូវបញ្ហាអាក្រក់ជាច្រើន។</span></p>
<p><span style="color: #000000;"><strong>៨. ហេវហត់ និងអស់កម្លាំង</strong><strong></strong></span></p>
<p><span style="color: #000000;">ដូចបានរៀបរាប់ខាងលើ នៅពេលដែលរាងកាយមិនមានសារជាតិទឹកគ្រប់គ្រាន់ដើម្បីដំណើរការ វានឹងចាប់ផ្តើមយកឈាមមកប្រើប្រាស់សិន ករណីនេះនឹងធ្វើឲ្យកម្រិតអុកស៊ីហ្សែនធ្លាក់ចុះដោយសារតែឈាមជាអ្នកដឹកនាំអុកស៊ីហ្សែន។ នេះ ជាហេតុផលដែលអ្នកអស់កម្លាំង និងត្រូវការសម្រាកប៉ុន្មានម៉ោងដើម្បីត្រលប់មកមានថាមពលវិញ។ ពេលខ្លះកាហ្វេក៏អាចជួយអ្នកបានដែរ តែមិនបានយូរឡើយ វាគ្មានអ្វីល្អជាងពិសារទឹកនោះទេ។</span></p>
<p><span style="color: #000000;"><strong>៩.ការស្រេកឃ្លាន</strong><strong></strong></span></p>
<p><span style="color: #000000;">រាងកាយរបស់អ្នក ប្រហែលជាមានការយល់បច្រលំខ្លះរវាងការស្រេកទឹកជាមួយនឹងការស្រេកឃ្លានដោយអ្នកតែងតែភ្ញាក់នៅកណ្តាលអធ្រាត្រព្រោះតែចង់ញ៉ាំអ្វីមួយ។ តែបើពេលនោះលោកអ្នកទៅញ៉ាំអាហារទាំងការយល់ច្រលំនេះ អ្នកនឹងធ្វើឲ្យរាងកាយរបស់អ្នកធ្វើការកាន់តែច្រើនដោយសារតែវាត្រូវការថាមពលដើម្បីរំលាយអាហារដែលអ្នកបានបរិភោគនោះ។ ផ្ទុយមកវិញ បើអ្នកសាកល្បងយកការពិសារទឹកវិញ អ្នកនឹងបង្កើនថាមពលទៅឲ្យសារីរាង្គជាមិនខាន។</span></p>
<p><span style="color: #000000;"><strong>១០. បញ្ហារំលាយអាហារ</strong><strong></strong></span></p>
<p><span style="color: #000000;">ភ្នាស់រំអិល (mucus membrane) របស់ក្រពះ និងប្រព័ន្ធរំលាយអាហារទាំងមូល គឺត្រូវការប្រេងរំអិលដើម្បីដំណើរការឲ្យបានត្រឹមត្រូវ។ បើគ្មានសំណើមគ្រប់គ្រាន់នោះទេ អាស៊ីតរបស់ក្រពះនឹងចាប់ផ្តើមកើនឡើងហើយបំផ្លាញកោសិកាខាងក្នុងរាងកាយ។ បញ្ហានេះ ក៏អាចធ្វើឲ្យមានបញ្ហាពិបាករំលាយអាហារផងដែរ ៕</span></p>
<p><span style="color: #000000;"><a class="c_tab" href="http://facelinecambodia.com/kh/84/eyelash-extension?m_id=106" target="_blank"><img src="/FileManager/Articles/mce/2018/1/15/faceline-15-01-2018--16-51-31.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ ច័ន្ទ</span></p>
<p style="text-align: right;"><span style="color: #000000;">ប្រភព ៖ womansbeautyextra</span></p>