<p><span style="color: #000000;"><strong>(ភ្នំពេញ)៖</strong> បុរសម្នាក់ត្រូវបានសមត្ថកិច្ច ឃាត់ខ្លួនបន្ទាប់ពីទទួលបានពាក្យបណ្ដឹង ពីឪពុកម្ដាយស្ត្រីរងគ្រោះ ម្នាក់ដែលប្ដឹងចោទពីបទរំលោភសេពសន្ធវៈ ទៅលើកូនស្រីគាត់បានសម្រេច រហូតដល់ចំនួន៧ដង ។</span></p>
<p><span style="color: #000000;">ករណីនេះបានកើតឡើងកាលពីវេលាម៉ោង ១៥និង៣០នាទី ថ្ងៃទី០៧ ខែមករា ឆ្នាំ២០១៦ម្សិលមិញនេះនៅក្នុងផ្ទះជនសង្ស័យតែម្ដង ស្ថិតនៅភូមិស្លែងរលើង សង្កាត់ទឹកថ្លា ខណ្ឌសែនសុខ រាជធានីភ្នំពេញ។</span><br /><span style="color: #000000;">ស្ត្រីរងគ្រោះមានឈ្មោះច រ ស អាយុ២០ឆ្នាំ មានស្រុកកំណើតនៅខេត្តត្បូងឃ្មុំ និងមកធ្វើការជាអ្នកបំរើនៅផ្ទះ ជនសង្ស័យ។ចំណែកបុរស ជាប់ចោទពីបទរំលោភមាន ឈ្មោះ ចាន់ រស្មី ភេទប្រុស អាយុ២៩ឆ្មាំ មានមុខរបរគ្រូពេទ្យ ស្នាក់នៅភូមិស្លែងរលើង សង្កាត់ទឹកថ្លា ខណ្ឌសែនសុខ រាជធានីភ្នំពេញ ។</span></p>
<p><span style="color: #000000;">តាមសំដីនារីរងគ្រោះបានអោយដឹងថា រូបនាងបានមកស៊ីឈ្នួលជាអ្នកបម្រើ នៅផ្ទះបុរសខាងលើ ដោយសារតែជនសង្ស័យជាអ្នកស្រុកជាមួយគ្នា និងឪពុក ម្តាយស្គាល់គ្នា ហើយដោយយល់ថា ប្រពន្ធរបសគាត់ (ជនសង្ស័យ) ទើបតែឆ្លងទន្លេ គ្មានអ្នកមើលថែ ហើយបានជួលនាងអោយមកនៅជាមួយ ដោយអោយប្រាក់ខែក្នុង១ខែ២០០ដុល្លារ ។</span></p>
<p><span style="color: #000000;">ករណីចាប់រំលោភនេះបានកើតឡើងកាលពីថ្ងៃទី០៤ ខែធ្នូ ឆ្នាំ២០១៥កន្លងទៅ វេលាម៉ោង១២យប់ដោយបុរសជាជា្ចស់ផ្ទះបាន បបួលនាងទៅដើរលេងទៅផ្សារទំនើបសុវណ្ណារួចហើយចូលក្លឹបរាំលេងហើយបុរសនោះក៏បាននាំនាងចូលដេកក្នុងផ្ទះសំណាក់ និងចាប់នាងរំលោភបានសម្រេចមួយដង។ ក្រោយៗមកទៀត ជនសង្ស័យបានធ្វើសកម្មភាពចាប់នាងរំលោភនៅក្នុងផ្ទះបានសម្រេចចំនួន៦ដងទៀត តែនាងមិនហ៊ាននិយាយប្រាប់អ្នកណាទេ ព្រោះនាងគិតថា ចាំដល់ថ្ងៃបើកប្រាក់ខែសិន ។</span><br /><span style="color: #000000;">ប្រភពបានអោយដឹងបន្តថា នៅពេលដែលម្តាយនាងឡើងមកបើកប្រាក់ខែ ទើបនាងប្រាប់ថាជនសង្ស័យបានចាប់នាងរំលោភចំនួន៧ដងធ្វើអោយមានការភ្ញាក់ផ្អើលឡើង ពេលនោះភាគីទាំងពីរក៏ធ្វើការសម្របសម្រួលគ្នាដោយខាងនារីរងគ្រោះទាមទារសំណង៨.០០០ដុល្លារ ហើយភាគីខាងជនសង្ស័យ ក៏យល់ព្រម លុះដល់ថ្ងៃកំណត់សងប្រាក់ ស្រាប់តែជនសង្ស័យក្រឡាស់សំដី មិនព្រមសងក៏ប្តឹងអោយសមត្ថកិច្ចឃាត់ខ្លួន យកមកប៉ុស្តិ៍នគរបាលទឹកថ្លាតែម្តងទៅ ។</span><br /><span style="color: #000000;">ពាក់ព័ន្ធនឹងករណីនេះ លោកវរសេនីយ៍ឯក ម៉ក់ ហុង អធិការនគរបាលខណ្ឌសែនសុខ បានប្រាប់អ្នកកាសែតអោយដឹងថា លោកបានបញ្ជួនសំណុំរឿងនេះទៅតុលាការហើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/8/125104692153309887994111686671455398174590n-08-01-2016--16-32-46.jpg"><span style="color: #000000;"><img src="/FileManager/Articles/mce/2016/1/8/125104692153309887994111686671455398174590n-08-01-2016--16-32-46.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/8/1-8-2016-4-25-34-pm-08-01-2016--16-33-14.png"><span style="color: #000000;"><img src="/FileManager/Articles/mce/2016/1/8/1-8-2016-4-25-34-pm-08-01-2016--16-33-14.png" alt="" /></span></a></span></p>
<p> </p>