<div class="article-content">
<p><strong>ភ្នំពេញ</strong> : រថយន្តដឹកស៊ីម៉ងត៍ ចំនួន១០តោន មួយគ្រឿង បានបុកបង្គោល ខ្សែភ្លើង បាក់អស់<br />មួយដើម ដោយសារតែជាន់ហ្រ្វាំងមិនស៊ី ពេលចុះ ចំណោត ផ្លូវស្ពានទី១ មុខពេទ្យរុស្ស៊ី ស្ថិត<br />ក្នុងសង្កាត់ទំនប់ទឹក ខណ្ឌចំការមន ។</p>
<p>តាមប្រជាពលរដ្ឋ ដែលមាន ផ្ឋះនៅអមសងខាងផ្លូវចុះ ចំណោតនោះ បានរៀបរាប់ថា នៅវេ<br />លាម៉ោង ជិត៩ ព្រឹក ថ្ងៃទី៣០ ខែឧសភា ឃើញមាន រថយន្តដឹកស៊ីម៉ងត៍ មួយគ្រឿង បើកចុះ<br />ពីផ្លូវ២៧១ បំណង ឆ្ពោះឆ្លងស្ពានទី១នេះ ខណ:កំពុងបើកចុះចំណោត ស្របមានអ្នកដំណើរ <br />ជិះម៉ូតូ បញ្រ្ចាសឡើងទៅផ្លូវ ២៧១នោះ មានចំនួនច្រើន ស្អេកស្កះ ស្រាប់តែឃើញ យកចង្កូត<br />ចេញទៅស្តាំ បណ្តាលឲ្យបុកបង្គោល ខ្សែ ភ្លើងបាក់មួយដើម ព្រមទាំងបាក់រលំរានទេវតា នៅ<br />មុខផ្ទះលេខ៦៣ ហើយរថយន្តក៏ឈប់ស្ងៀម នៅអែបទីនោះតែម្តង។<br /> <br /> ខណ:នោះដែរ សមត្ថកិច្ច នគរបាលចរាចរ ខណ្ឌ ចំការមន បានចុះទៅដល់ កន្លែងកើតហេតុ<br /> និងសាក សួរដើមហេតុ ទើបអ្នកបើកបរឈ្មោះ សម្បត្តិ ដោ ភេទប្រុស អាយុ ២៧ឆ្នាំ រៀបរាប់<br />ថា ខ្លួនដឹកស៊ីឈ្នួល បើករថយន្តដឹកស៊ីម៉ង់ត៍ឲ្យ ថៅកែនៅគីឡូម៉ែត្រលេខ៦ ដោយដឹកស៊ីម៉ងត៍<br /> ចំនួន ១០តោន យកមកឲ្យ ម៉ូយធ្វើ ផ្ទះល្វែងនៅភូមិចំរើនផល ដែលនៅប្រហែលជា១០០ ពី<br />កន្លែងកើតហេតុប៉ុណ្ណោះ។ ឈ្មោះ សម្បតិ្ត ដោ បន្តថា ខណ:កំពុង បើកចុះពីលើផ្លូវ ២៧១នោះ<br /> ស្រាប់តែរថយន្ត ជាន់ហ្រ្វាំងមិនស៊ី ស្រប មាន ម៉ូតូ រថយន្ត នៅខាងមុខច្រើនផងនោះ ដោយ<br />ខ្លាចមានគ្រោះថ្នាក់ ដល់អាយុជីវិតមនុស្ស ខ្លួនសុខ ចិត្តឲ្យព្រូម្នាក់ ចុះរត់ទៅដាក់កំណល់ផង<br />ដែរប៉ុន្តែមិនទាន់ ក៏សម្រេចចិត្ត កាច់ចង្កូតបុក បង្គោលភ្លើង តែម្តងទៅ។<br /> <br /> រថយន្តបង្កម៉ាកហ៊ីយ៉ាន់ ពណ៌ស ពាក់ស្លាកលេខ ភ្នំពេញ 3A-0950 បើកបរដោយឈ្មោះ សម្បត្តិ<br /> ដោ ភេទប្រុស អាយុ ២៧ឆ្នាំ មានស្រុកកំណើត នៅភូមិ ចេកធ្លក ឃុំត្រពាំងស្រែ ស្រុកមេសាង <br />ខេត្តព្រៃវែង ។ ក្រោយកើតហេតុ នគរបាល ចរាចរខណ្ឌចំការមន យករថយន្តទៅរក្សាទុក នៅ<br />ការិយា ល័យ នគរបាល ចរាចររាជធានីភ្នំពេញ ដើម្បីដោះស្រាយសំណងជាក្រោយ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0527.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0524.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0525.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0526.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>