<p><strong>ភ្នំពេញ៖</strong> បន្ទាប់ពីគេហទំព័រ Looking TODAY បានចុះផ្សាយពីរឿង លោក ឆាយ វិបុល ដែលជា<br />គូដណ្តឹងឆ្លងទ្វីបរបស់ សូ ដានីតា ត្រៀមរៀបការជាមួយគ្នា ប៉ុន្តែជួប្រទះនូវ ភាពរកាំរកូសនេះ <br />បានបង្ហោះរូបថត លើគេហទំព័រ Facebook របស់លោក ដោយចោទ សូ ដានីតា ថា ជាស្រីផិត<br />ក្បត់នោះ ស្រាប់តែថ្មីៗនេះលោកបាន សរសេរនៅលើគេហទំព័រ Facebook ដដែលថា រវាងលោក<br />និងសូដា នីតា បានបញ្ចប់គ្នាហើយ ពោល គឺគ្មានអ្វីទំនាក់ទំនងគ្នាទៀតទេ ។</p>
<p>លោក ឆាយ វិបុល ដែលហ៊ានប្រើពាក្យដោយ បើកចំហសដាក់លើ សូ ដានីតា ថា"ជាស្រីក្បត់" <br />បានសរសេរពាក្យពេចន៍ ជាភាសាអង់គ្លេស បង្ហោះលើគេហទំព័រ Facebook ថា “pls all news <br />and magazin don't write not good about her ,, because i and her finish , doy sa i and her men<br /> yol jet knea and can't live with us te na ,,, pls stop write not good about my life and life her na<br /> ok thank u !!!!” ដែលប្រែសម្រួលជាភាសាខ្មែរថា "សុំព័ត៌មាន និង ទស្សនាវដ្តីទាំងអស់ កុំសរសេរ<br />មិនល្អ ចំពោះនាងទៀត ព្រោះខ្ញុំ និងនាងបានបញ្ចប់គ្នាហើយ។ ដោយសារតែ ខ្ញុំ និងនាងមិនយល់<br />ចិត្តគ្នា ទើបមិនអាចរស់នៅជាមួយគ្នាបាន។ សុំឈប់សរសេរអ្វីដែលមិនល្អ ពីជិវិត ខ្ញុំ និងនាងទៀត<br /> អរគុណ!!!” ។</p>
<p>ពាក្យសំដីទាំងអស់នេះ ពុំបានបញ្ជាក់ពីមូលហេតុ ច្បាស់លាស់ថា មានរឿងអ្វីកើត ឡើងនោះទេ<br /> បានជា លោក ឆាយ វិបុល សរសេរបែបនេះក្នុងបណ្ដាញហ្វេសប៊ុក ហើយបែរជាក្រឡាស់ ពាក្យ<br />សំដីវិញ កុំឲ្យបណ្ដាញសារព័ត៌មាន ចុះផ្សាយអាក្រក់ពីនាង និងរូបលោក ឬក៏លោក ខ្លាច សូដានីតា <br />ខឹងហើយនាងនឹងអាចប្តឹង លោកពីបទបរិហាកេរ្តិ៍ឈ្មោះ ជាសាធារណៈតាមផ្លូវច្បាប់?</p>
<p>បន្ទាប់ពីមានការបង្ហោះ រូបភាពនោះហើយ សូ ដានីតា បានបញ្ចេញប្រតិកម្មខ្លាំងៗ និងព្រមានទៅ<br />អតីត គូដណ្តឹងហេងស៊យ លោក ឆាយ វិបុល វិញថា "បើគ្រាន់តែទៅញុំាអី ជាមួយមិត្តភក្តិ សិល្បៈ<br />ដូចគ្នា ហើយមាន គេគិតថា វាជារឿងក្បត់ដែរនោះ បែកគ្នាទៅ "។ សូដា នីតា បានបន្តប្រយោគ <br />របស់នាងទៀតថា "ឃើញថា នៅលើគេហទំព័រ Facebook មានសរសេរពីរឿង ស្នេហាច្រើនណាស់ <br />តែនាងខ្ញុំសូមមានតែពាក្យ ១ម៉ាត់ប៉ុណ្ណោះ បើស្រឡាញ់គ្នាហើយ មានការប្រច័ណ្ឌពេក ហើយមិន<br />ទុកចិត្តគ្នា បែកគ្នាទៅ!"។</p>
<p>រឿងរ៉ាងស្នេហា ប្រេះឆាខាងលើនេះ មជ្ឈដ្ឋានអ្នកតាមដាន សកម្មភាពតារាខ្មែរ អាចសន្និដ្ឋានបានថា<br /> ប្រសិនបើលោក ឆាយ វិបុល គិតថា ចង់បែកគ្នាជាមួយ សូដា នីតា មែន លោក មិនគួរណាហ៊ាន ប្រើ<br />ពាក្យធ្ងន់ៗចោទ សូ ដានីតា ថា "ជាស្រីក្បត់" នោះទេ ព្រោះបើពិចារណាឲ្យ ស៊ីជំរៅទៅលើពាក្យនេះ <br />គឺមានន័យធ្ងន់ធ្ងរណាស់ ឬមួយក៏លោកគិតថា នៅពេលដែលបណ្តាញ សារព័ត៌មានចុះផ្សាយ ព្រោង<br />ព្រាតហើយនោះ ធ្វើឲ្យលោកដឹងពីកំហុស របស់ខ្លួន ហើយក៏ព្យាយាម កែប្រែកំហុស នោះវិញ?</p>
<p><a class="thickbox" title="" href="/FileManager/Commons/2013/2/2/v0976-02-02-2013--11-24-06.jpg"><img src="/FileManager/Articles/mce/2013/2/2/v0976-02-02-2013--11-24-06.jpg" alt="" /></a></p>
<p><a class="thickbox" title="" href="/FileManager/Commons/2013/2/2/v0977-02-02-2013--11-24-18.jpg"><img src="/FileManager/Articles/mce/2013/2/2/v0977-02-02-2013--11-24-18.jpg" alt="" /></a></p>
<p><a class="thickbox" title="" href="/FileManager/Commons/2013/2/2/v0978-02-02-2013--11-24-33.jpg"><img src="/FileManager/Articles/mce/2013/2/2/v0978-02-02-2013--11-24-33.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>