<p><span style="color: #000000;">ព័ត៌មានអន្តរជាតិ ៖ មន្រ្តីប៉ូលីស កំពុងតែរៀបចំ សុំនុំឯកសារផ្លូវច្បាប់ ប្តឹង ជំទាស់ទៅម្ចាស់ក្លឹបហាត់ ប្រាណមួយកន្លែង មានទីតាំង ស្ថិតនៅក្នុងសង្កាត់ Wang Thonglang ទីក្រុង បាងកក ប្រទេសថៃ ពាក់ ព័ន្ធនឹងករណី អនុញ្ញាតអោយ ស្រ្តីអាក្រាតកាយភាគច្រើន ចូលទៅនិយាយលលេង និងធ្វើអោយបុរស មួយចំនួនមានអារម្មណ៍ស្រើបស្រាល អំឡុងពេលដែលពួកគេកំពុងតែធ្វើកាយវប្បកម្មនោះ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/1/16/50-16-01-2015--14-33-49.jpg"><img src="/FileManager/Articles/mce/2015/1/16/50-16-01-2015--14-33-49.jpg" alt="" /></a></span></p>
<p><a class="thickbox" title="" href="/FileManager/Commons/2015/1/16/51-16-01-2015--14-33-58.jpg"><img src="/FileManager/Articles/mce/2015/1/16/51-16-01-2015--14-33-58.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/16/50-16-01-2015--14-33-49.jpg"></a><br /></span></p>
<p><span style="color: #000000;">ករណីនេះ ត្រូវបានគេមើលឃើញយ៉ាងទូលំទូលាយក្រោយមានការចែករំលែក វីដេអូ នៅ តាមប្រព័ន្ធ អនឡាញ ។ អ្នកនាំពាក្យអោយស្នងការប៉ូលីសក្រុង មេបញ្ជាការ Prawut Thawornsiri អោយដឹងកាល ពីថ្ងៃម្សិលមិញនេះថា មន្រ្តីប៉ូលីសសង្កាត់ Wang Thonglang policeនឹងកោះហៅម្ចាស់ក្លឹបហាត់ប្រាណ ខាងលើមកសួរចម្លើយ ខណៈនឹងមានការបំពេញបែបបទចោទប្រកាន់ ម្ចាស់ខាងលើ ពាក់ព័ន្ធនឹងបទ ឧក្រិដ្ឋព្រហ្មទណ្ឌ ក្នុងការរៀបចំអោយមានសកម្មភាពអាសអាភាស ក្នុងន័យត្រេកត្រអាលផ្លូវភេទ ។ </span></p>
<p><span style="color: #000000;">គួរបញ្ជាក់ថា ប្រសិនបើ រកឃើញម្ចាស់ក្លឹបហាត់ប្រាណខាងលើ មាន ទោស ព្រហ្មទណ្ឌមែននោះ រូប លោកនឹងប្រឈមក្នុងការជាប់ ពន្ធ នាគារដល់ទៅ ១០ ឆ្នាំ និងពិន័យជាសាច់ប្រាក់ ចន្លោះពី ២០០០ បាត ទៅ ២០,០០០ បាត ។ យ៉ាងណាមិញ បុរស ៥ ទៅ ៦ នាក់ ដែលបានឃើញនៅក្នុងវីដេអូឃ្លឹបដូច គ្នានោះ នឹងត្រូវហៅមកសាកសួរចម្លើយដូចគ្នាដែរ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/1/16/52-16-01-2015--14-34-07.jpg"><img src="/FileManager/Articles/mce/2015/1/16/52-16-01-2015--14-34-07.jpg" alt="" /></a><br /></span></p>
<p><span style="color: #000000;">ផ្តល់ជាកិច្ចសម្ភាសន៍ ដល់ភ្នាក់ងារសារព័ត៌មានក្រោយចូលខ្លួនស្រាយបំភ្លឹជាមួយនឹងមន្រ្តីប៉ូលីសម្ចាស់ ក្លឹបហាត់ប្រាណ ដែលមានឈ្មោះថា Suraphan Surawatthanaphong វ័យ ៥៧ ឆ្នាំ អោយដឹងថា ជាក់ ច្បាស់ណាស់ ក្លឹបដែលបានបង្ហាញនៅក្នុងវីដេអូឃ្លឹបនោះ គឺជាឃ្លឹប របស់គាត់មែន ហើយ វីដេអូនោះ ត្រូវបានថតឡើង កាលពីថ្ងៃទី ៥ មករា កន្លងទៅនេះ នៅពេលដែល ក្លឹប ត្រូវបានជួយអោយអតិថិជន មួយរូប ។ ម្ចាស់ក្លឹបហាត់ប្រាណរូបនេះបន្តអោយដឹងថា នៅពេលនោះលោកបានមានវត្តមាននៅឆ្ងាយ ពីកន្លែងហាត់ប្រាណ ។ អតិថិជនរូបនោះ មិនស្គាល់ឈ្មោះច្បាស់ នោះ ទេ ហើយការរៀបចំឡើងដូច្នេះមានតាំងពីស្រីអាក្រាតដូចនេះ ក៏មិនមែនជាការរៀបចំពីសំណាក់បុគ្គលិកខ្ញុំបាទដូចគ្នាដែរ ។ </span></p>
<p><span style="color: #000000;">ក្រោយពីវីដេអូឃ្លឹបបង្ហោះផ្សាយជាសាធារណល្បីពេញអនឡាញ លោក Suraphan អោយដឹងថា រាល់ បណ្តាសំភារៈហាត់ប្រាណមួយចំនួន ត្រូវបានដកចេញ ពីទីតាំង ដើម្បីធានាអោយបានថា នឹងមានភ្ញៀវ វិលត្រលប់មកវិញដូចដើម ។ ជាការពិត វិនាទីនោះ បើខ្ញុំមានវត្តមាននៅទីនេះ និងបានសិក្សាស្វែង យល់ច្បាស់ពីផលប៉ះពាល់អវិជ្ជមាន ច្បាស់ណាស់ ខ្ញុំនឹង មិនអនុញ្ញាត អោយវាកើតឡើងនោះទេ ៕</span></p>
<p><span style="color: #000000;"><span style="color: #0000ff;"><a href="https://www.youtube.com/watch?v=5GIeFyqJqDc" target="_blank"><span style="color: #0000ff;">* បញ្ជាក់ចុចទីនេះ ដើម្បីទស្សនាវីដេអូ ពីយូធូប</span></a></span><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ អាស៊ីវ័ន</span></p>