<p><span style="color: #000000;">រោងចក្រផលិតបន្ទះ Chip ដល់ Apple នៅដែលមានមូលដ្ឋាននៅតៃវ៉ាន់ បានទទួលរងការខូចខាតច្រើន បន្ទាប់ពីការរញ្ជួយដី ហើយវាអាចនឹងប៉ះពាល់ដល់ដំណើរការផលិតរបស់ iPhone 7។</span></p>
<p><span style="color: #000000;"><a class="thickbox" title="" href="/FileManager/Commons/2016/2/16/iphone7-16-02-2016--09-39-48.jpg"><img src="/FileManager/Articles/mce/2016/2/16/iphone7-16-02-2016--09-39-48.jpg" alt="" /></a><br /></span></p>
<p><span style="color: #000000;">យោងតាមប្រភពព័ត៌មានពីគេហទំព័រ DigiTimes បានឲ្យដឹងថា រោងចក្រ Taiwan Semiconductor Manufacturing Company (TSMC) ដែលជារោងចក្រផលិត Chip ដំណើរការដល់ក្រុមហ៊ុន Apple នៅ តៃវ៉ាន់ បានទទួលរងការខូចខាតនៅក្នុងការរញ្ជួយដី កាលពីថ្ងៃទី៦ ខែកុម្ភៈ កន្លងទៅនេះ។ ជាជំហាន ដំបូង TSMC បានឲ្យដឹងថា ការខូចខាតមិនមានអ្វីគួរឲ្យកត់សំគាល់នោះទេ ហើយវាប៉ះពាល់តែ ១% នៃការផលិតតែប៉ុណ្ណោះ។</span></p>
<p><span style="color: #000000;">មកដល់ពេលបច្ចុប្បន្ននេះ TSMC ទទួលរងការខូចខាតច្រើនជាងការប៉ាន់ប្រមាណកាលពីជំហានដំបូង ប៉ុន្តែេពួកគេនៅតែជឿជាក់ថា អាចបញ្ចប់បានគ្រប់គ្រាន់ ទៅតាមផែនការ ដែលបានដាក់ចេញ។ បណ្តា ឧបករណ៍ស្ទើរតែទាំងអស់ ក៏ដូចជាចរន្តដំណើរការផលិត បានចាប់ផ្តើមដំណើរការឡើងវិញ បន្ទាប់ពី ការផ្អាកដំណើរការបណ្តោះអាសន្នរយះពេលបីថ្ងៃ ដោយសារគ្រោះរញ្ជួយដី។ </span></p>
<p><span style="color: #000000;"><a class="thickbox" title="" href="/FileManager/Commons/2016/2/16/tsmc-16-02-2016--09-40-06.jpg"><img src="/FileManager/Articles/mce/2016/2/16/tsmc-16-02-2016--09-40-06.jpg" alt="" /></a><br /></span></p>
<p><span style="color: #000000;">TSMC គឺជាដៃគូរសហការផលិតបន្ទះ Chip A10 ដែលត្រូវប្រើប្រាស់នៅលើ iPhone 7 ដែលជិតធ្វើការ បង្ហាញខ្លួនរបស់ Apple។ កាលពីមុនបន្ទះ Chip របស់ iPhone ត្រូវបាន TSMC និង Samsung ចែកគ្នា ធ្វើការផលិត។ ប៉ុន្តែមកដល់ជំនាន់ iPhone 7 មានព័ត៌មានបានឲ្យដឹងថា Samsung លែងបានសហការ ជាមួយនឹង Apple ទៀតហើយ៕</span></p>
<p><span style="color: #000000;"><a href="http://www.camnews.com.kh/News/Detail/49451/samsung-galaxy-note-6-will-have-6-gb-ram"><span style="color: #0000ff;"><em>- អានអត្ថបទ៖ Samsung Galaxy Note 6 នឹងមាន RAM ទំហំធំ រហូតដល់ 6 GB រីឯអេក្រង់មានទំហំ 5,8 inch</em></span> </a><br /><span style="color: #0000ff;"><a href="http://www.camnews.com.kh/News/Detail/8070/lg-launched-new-smartphone-of-x-series"><span style="color: #0000ff;"><em>- អានអត្ថបទ៖ LG ឆ្លៀតបង្ហាញណែនាំស្មាតហ្វូនស៊េរីថ្មី ត្រកូល "X Series" ពីរម៉ូដែល មុនថ្ងៃនៃការ បង្ហាញ LG G5</em></span></a></span><br /></span></p>
<p style="text-align: right;"> </p>
<p style="text-align: right;">ប្រែសម្រួល៖ មង្គល<br />ប្រភព៖ <em>Zing, Digitimes</em></p>