<p><span style="color: #000000;"><strong>ភ្នំពេញ៖</strong> និស្សិតវិទ្យាស្ថានភាសាបរទេស (IFL) ឆ្នាំទី៤ម្នាក់ មានគំនិត ផលិតក្រដាសសែន សម្រាប់ថ្ងៃបុណ្យប្រពៃណី របស់បងប្អូន ចិន-វៀតណាម ដូចជា ថ្ងៃសែនក្បាលទឹក និង បុណ្យចូល ឆ្នាំជាដើម ។</span></p>
<p><span style="color: #000000;">អ្វីដែលគួរឲ្យចាប់ អារម្មណ៍នោះគឺ ទ្រង់ទ្រាយ និង តិចនិចរចនា ក្រដាសដែល យុវជនរូបនេះ នឹកឃើញបង្កើតនោះ គឺមានទំហំធំជាង ក្រដាសសែនធម្មតា បុន្តែបង្កប់ នូវរូបភាព និងអត្ថន័យយ៉ាងជ្រាលជ្រៅ ដោយរំលេចនូវ ភូមិគ្រឹះដ៏ធំស្កឹមស្កៃ ក្រដាសប្រាក់ គ្រប់ប្រភេទ គ្រឿងអលង្ការ យានជំនិះទំនើបៗគ្រប់ប្រភេទ។</span></p>
<p><span style="color: #000000;">យុវជន ស្រ៊ឺ រិទ្ធីយ៉ា ជានិស្សិតរៀនភាសា អង់គ្លេសនៅវិទ្យាសា្ថន IFL បានរៀបរាប់ប្រាប់ថា រូបគេច្នៃប្រឌិតបង្កើត ក្រដាសសែននេះ ឡើងក្នុងគោលបំណងកាត់ បន្ថយអត្រាគ្រោះអគ្គីភ័យ និង ផលប៉ះពាល់ ដល់បរិស្ថានដែលបណ្តាល មកពីការដុតក្រដាស យ៉ាងច្រើនលើសលុប ។</span></p>
<p><span style="color: #000000;">ពិសេសជាងនេះ គឺកាត់បន្ថយការ ចំនាយថវិកាទិញក្រដាសសែន ដ៏ច្រើនសន្ធឹកសន្ធាប់ ។ ក្រដាសសែនរបស់ លោកមានតែ ៥សន្លឹក ដោយមួយសន្លឹកមានតម្លៃត្រឹម១០០០ រៀលតែប៉ុណ្ណោះ។ យុវជនអាយុ ២០ឆ្នាំ សិក្សាផ្នែកទំនាក់ទំនង អន្តរជាតិបន្តថា រូបគេសម្រេចចិត្ត ធ្វើក្រដាសសែននេះឡើង ដើម្បីចូលរួមការថែរក្សា បរិស្ថានតាមរយៈការ បន្ថយនូវចំនួនក្រដាស ដែលត្រូវដុត និងការមិនប្រើបា្រស់ ថង់ប្លាស្ទិច ដែលជាកត្តាចម្បង ក្នុងការបំផ្លាញបរិស្ថាន ។</span></p>
<p><span style="color: #000000;">មិនត្រឹមតែប៉ុណ្ណោះ គឺចង់លើកកម្ពស់ គំនិតច្នៃប្រឌិតរបស់យុវជនខ្មែរ ដោយជម្រុញឲ្យកូនខ្មែរ រៀនបង្កើតអ្វីៗ ដោយខ្លួនឯង ជួយលើកកម្ពស់ផលិតផល ក្នុងស្រុកដោយកាត់បន្ថយ ការនំាចូលពីបរទេស ។</span></p>
<p><span style="color: #000000;">យុវជននេះជឿជាក់យ៉ាងមុតមាំថា «ក្រដាសសែនសេរ៊ីថ្មីនេះ នឹងអាចចូលរួមប្រគួត ប្រជែងជាមួយផលិតផល របស់ប្រទេសជិតខាងបាន»។ យុវជន ស្រ៊ឺ រិទ្ធីយ៉ា បានបន្តទៀតថា ក្រដាសសែននេះបាន រចនាឡើងតាម យុទ្ធសាស្រ្តពិសេសមួយ ដែលអាចជួយសន្សំសំចៃថវិកា ពេលវេលា និងកម្លំាងរបស់លោកអ្នក ព្រមទាំងជួយកាត់ បន្ថយហានិភ័យ នៃគ្រោះអគ្គីភ័យគ្រប់យ៉ាង ។</span></p>
<p><span style="color: #000000;">យុវជននេះបានបន្តថា ការបង្កើតក្រដាសសែននេះ មិនអាចផ្តល់ចំណូលបានទេ ហើយថែមទំាងខាតបង់ ពេលវេលារៀន សូត្រទៀតផង។ តែអ្វីដែលសំខាន់នោះគឺ ប្រយោជន៍រួម ដោយចង់ឃើញការ រីកសាយភាយ នៃផលិតផលក្នុងស្រុក និងគំនិតច្នៃប្រឌិតរបស់កូនខ្មែរ ហើយអ្វីដែលសំខាន់ជាងគេបង្អស់គឺ ការចូលរួម ថែរក្សាបរិស្ថាន ដើម្បីនិរន្តភាព នៃការអភិវឌ្ឍប្រទេស។ ទូរស័ព្ទយុវជន ស្រ៊ឺ រិទ្ធីយ៉ាៈ ០១០៣៦២៤៣៦ ឬ ០៨៩៨៤៩៦៩៥៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/8/10-08-02-2015--10-42-13.jpg"><img src="/FileManager/Articles/mce/2015/2/8/10-08-02-2015--10-42-13.jpg" alt="" /></a></span></p>
<p><a class="thickbox" title="" href="/FileManager/Commons/2015/2/8/11-08-02-2015--10-42-20.jpg"><img src="/FileManager/Articles/mce/2015/2/8/11-08-02-2015--10-42-20.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/2/8/10-08-02-2015--10-42-13.jpg"></a></span></p>
<p><a class="thickbox" title="" href="/FileManager/Commons/2015/2/8/12-08-02-2015--10-42-25.jpg"><img src="/FileManager/Articles/mce/2015/2/8/12-08-02-2015--10-42-25.jpg" alt="" /></a></p>
<p><a class="thickbox" title="" href="/FileManager/Commons/2015/2/8/13-08-02-2015--10-42-32.jpg"><img src="/FileManager/Articles/mce/2015/2/8/13-08-02-2015--10-42-32.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>