<div class="summary">
<p>នៅក្នុងការប្រកួតលក្ខណៈមិត្តភាពមួយ ជាមួយនឹងក្រុមជម្រើសជាតិ Romania កីឡាករដ៏ឆ្នើមលំដាប់ ពិភពលោក និងជាកីឡាករជម្រើសជាតិរបស់ Argentina គឺ Lionel Messi បានបង្ហាញទស្សនិកជន ឲ្យឃើញពីសភាពមិនស្រួលខ្លួន របស់គាត់ នៅលើតារាង ក្នុងពេលកំពុងប្រកួត តែម្តង។</p>
</div>
<div class="content">
<p>Lionel Messi បានមានការប្រកួតមិនជោគជ័យមួយ ពេលដែលខ្លួន បានជួបនូវបញ្ហាសុខភាព (ថាមពល ប្រកួត)។ កីឡាករដែលកំពុងតែលេងឲ្យក្រុម Barcelona រូបនេះ បានក្អួតចង្អោរ នៅចំពោះមុខ ទស្សនិក ជន ដែលចូលរួមទស្សនា មានចំនួន ៤៧ពាន់នាក់ នៅក្នុងតារាង ពហុកីឡាដ្ឋាន National Arena ឯ Bucharest។</p>
<p style="text-align: center;"><a class="thickbox" title="" href="/FileManager/Commons/2014/3/6/messi-01-06-03-2014--16-08-50.jpg"><img src="/FileManager/Articles/mce/2014/3/6/messi-01-06-03-2014--16-08-50.jpg" alt="" /></a></p>
<div class="inner-video">
<p class="summary" style="text-align: center;"><em><span style="color: #808080;">Lionel Messi មានបញ្ហាសុខភាព ដោយបានក្អូតចង្អោរ ពេលប្រកួតមិត្តភាពរវាង Argentina និង Romania</span></em></p>
</div>
<p>បន្ទាប់ពីការប្រកួត បានបញ្ចប់នៅក្នុងលទ្ធផលស្មើ 0-0 រួចមក កីឡាករពាក់អាវលេខ១០ របស់ Argentina បានឲ្យដឹងថា: “ខ្ញុំតែងតែ ជួបប្រទះ នូវករណីដូច្នេះ។ រឿងអីចឹង ធ្លាប់បានកើតឡើង លើខ្ញុំ ពីរបីដងដែរ នៅ Barcelona។ ប៉ុន្តែជាក់ស្តែង រឿងនេះ វាមិនមានអ្វីត្រូវ ព្រួយបារម្ភនោះទេ”។</p>
<p>នេះមិនមែនជាលើកទីមួយនោះទេ ដែលកីឡាករ Messi បានក្អួត នៅក្នុងតារាងប្រកួត។ ក្នុងការប្រកួត ពាក់អាវក្រុមជម្រើសជាតិ Argentina, Messi ក៏ធ្លាប់បានក្អួតចង្អោរដូច្នេះ នៅក្នុងការប្រកួត ដែលក្រុម ជម្រើសជាតិ Argentina ធ្វើជាភ្ញៀវ ជាមួយនឹងក្រុមជម្រើសជាតិ Bolivia ក្នុងវគ្គជម្រុះ World Cup 2014។</p>
<p>ចំណែកនៅ Barcelona វិញ កីឡាករពាក់អាវវលេខ ១០ នេះ ក៏ធ្លាប់បានធ្វើឲ្យ គណៈដឹកនាំ និង ទស្សនិកជន គាំទ្រក្រុមម្ចាស់ផ្ទះ មានការព្រួយដែរ ពេលដែល Messi បានក្អួតចង្អោរ នៅក្នុងការប្រកួត ប៉ះគ្នាជាមួយ Levante នៅ La Liga រដូវកាលនេះ៕</p>
<p style="text-align: center;"><object width="500" height="400" data="http://www.youtube.com/v/i9ewAmpPw7E&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/i9ewAmpPw7E&rel=1" /></object></p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>