<p><span style="color: #000000;"><strong>(ក្រចេះ)៖</strong> កម្លាំងនគរបាលស្រុកស្នួល បានចាប់ជនសង្ស័យចំនួន៣នាក់់ ដែលជាក្រុមចោរបានធ្វើសកម្មភាព លួចគាស់តូបលក់ទូរស័ព្ទ និងបានលួចសម្ភារមួយចំនួននៅផ្សារស្នួល ក្នុងស្រុកស្នួល ខេត្តក្រចេះវេលាម៉ោង៣ទាបភ្លឺ ថ្ងៃទី២៧ ខែមេសា ឆ្នាំ២០១៦។ ជនសង្ស័យ ទាំងបីនាក់ ខាងលើរួមមាន៖ ទី១មានឈ្មោះ ឡុង វីរៈ អាយុ៣៥ឆ្នាំ ជាមេក្លោង ទី២ឈ្មោះ អ៊ាង ស្រ៊ុន អាយុ៤៣ឆ្នាំ និងទី៣ឈ្មោះ សាន សុភី អាយុ៣៤ឆ្នាំ ជាមនុស្សចំណូលស្រុកថ្មី និងមានមុខរបរមិនច្បាស់លាស់។</span></p>
<p><span style="color: #000000;">នគរបាលស្រុកស្នួល បានឱ្យដឹងថា នៅវេលាម៉ោង៣ទាបភ្លឺ ថ្ងៃទី២៧ ខែមេសា ក្រុមជនសង្ស័យ បានធ្វើសកម្មភាពគាស់ទម្លុះទម្លាយ តូបលក់ទូរស័ព្ទមួយកន្លែង ក្នុងផ្សារស្នួល និងបានលួចយកទូរស័ព្ទដៃ ចំនួន២០គ្រឿង កុំព្យូទ័រឡេបថបចំនួន០១គ្រឿង និងសម្ភារ មួយចំនួនទៀត។</span></p>
<p><span style="color: #000000;">ក្រោយពីធ្វើសកម្មភារួចហើយ ក្រុមជនសង្ស័យខាងលើ បាននាំយកសម្ភារដែលលួចបាន ទៅលាក់ទុកនៅក្នុងផ្ទះជួលមួយកន្លែង នៅក្នុងស្រុកស្នួល តែត្រូវបាននគរបាល កំណត់ការសង្ស័យលើមុខសញ្ញា ហើយឈានដល់ការចាប់ខ្លួន ជនទាំងនោះតែម្ដង។</span><br /><span style="color: #000000;">លើសពីនេះលោក ចាន់ សុគីម អធិការនគរបាលស្រុកស្នួល ក៏បានឲ្យដឹងថា ក្រោយការចាប់ខ្លួនភ្លាម និងបាននាំខ្លួនមកសាកសួរហើយ ក្រុមជនល្មើសទាំង៣នាក់ បានឆ្លើយសារភាពថា ខ្លួនពិតជាបានធ្វើសម្មភាពមែន។</span></p>
<p><span style="color: #000000;">បច្ចុប្បន្នជនទាំង៣នាក់ខាងលើ ត្រូវបានចាត់បញ្ជូនខ្លួនទៅកាន់ការិយាល័យព្រហ្មទណ្ឌ នៃស្នងការដ្ឋាននគបាលខេត្តក្រចេះ៕</span></p>
<p> </p>
<div class="item-page">
<p><img src="http://image.freshnewsasia.com/2016/099/fn-2016-04-27-16-41-45-1.jpg" alt="" width="730" /></p>
<p><img src="http://image.freshnewsasia.com/2016/099/fn-2016-04-27-16-41-46-2.jpg" alt="" width="730" /></p>
<div></div>
</div>
<div id="system-message-container">
<div id="system-message"></div>
</div>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>