<p><span style="color: #000000;"><strong>ភ្នំពេញ៖</strong> តារាសម្ដែងស្រីស្រស់សោភា កញ្ញា ពៅ លីដា បន្ទាប់ពីឈានជើង ប្រឡូកក្នុងសិល្បៈ បានយូរគួរសមរួចមក នាងមានផ្ទះ ដ៏ស្កឹមស្កៃជ្រកកោន បើទោះបីជាចំណូល បានពីសិល្បៈ ត្រូវបានអ្នកសិល្បៈ មួយចំនួននិយាយថា ទិញខោអាវមិនគ្រប់ក៏ដោយ តែនាងមាន ហេតុផលគ្រប់គ្រាន់ គឺនាងបានជួបឪពុក ដែលបែកគ្នារាប់ឆ្នាំ ជាអ្នកឧបត្ថម្ភ បូករួមចំណូលនានា ទើបនាងអាចទិញផ្ទះ នេះបានរស់នៅយ៉ាងរំភើយ ។</span></p>
<p><span style="color: #000000;">ថ្មីៗនេះ មិនត្រឹមតែបានផ្ទះជ្រកកោន ដ៏ឡូយឆាយនោះទេ តារាសម្ដែង ស៊ីត្រេមុខបែបជនបទ ពៅ លីដា បានក្លាយជាម្ចាស់ ហាងសាឡនដ៏ថ្មីសន្លាងមួយ ដែលប្រភពពីអ្នកជិតខាង បាននិយាយថា នាងចាយប្រាក់ជាច្រើនពាន់ដុល្លារ ក្នុងការបង្កើតអាជីវកម្មថ្មីនេះ ។ ចម្ងល់បានចូលមកដល់ទៀតហើយ ព្រោះនាងមិនសូវ មានកាងារសិល្បៈ ដូចមុនឡើយ តើនាងបានប្រាក់ ពីណាសម្បូរ ហូរហៀម្ល៉េះ?</span></p>
<p><span style="color: #000000;">ជំនួបជាមួយ LookingTODAY កាលពីពេលថ្មីៗនេះ ស្រីស្រស់ ពៅ លីដា បាននិយាយថា នាងពិតជាបានក្លាយជាថៅកែ ហាងសាឡនថ្មីមែន តែមិនបានចំណាយប្រាក់ច្រើនណាស់ណាឡើយ នាងក៏សុំមិនបញ្ជាក់ដែរថា ចំណាយអស់ច្រើនប៉ុន្មានដែរ ។ សម្រាប់មុខរបរ លើកសម្រស់អ្នកដទៃនេះ ជាមុខរបមួយថ្មីសម្រាប់នាង វាមិនងាយស្រួល ក្នុងការគ្រប់គ្រង មុខរបរថ្មីនេះទេ ព្រោះត្រូវស្វែងយល់ ពីតម្រូវការរបស់អតិថិជន និងត្រូវមើលកូនចៅ ក្នុងហាងថា ពួកគេបម្រើភ្ញៀវ បានល្អឬអត់ ។ បន្ទាប់ពីដំណើរការ ជាងមួយខែមកនេះ ពៅ លីដា បាននិយាយថា កាប់កបគួរសម ។</span></p>
<p><span style="color: #000000;">សម្រាប់មុខរបរ ហាងរក្សាសម្រស់ ធ្វើសក់ផាត់មុខនេះ ជាហាងពេញនិយម សម្រាប់តារាស្រីណាស់ ព្រោះពួកគេខ្លះមានជំនាញនេះស្រាប់ ។ ជាក់ស្ដែង នាង ចន ច័ន្ទលក្ខិណា ក៏មានហាងផាត់មុខ មានតម្លៃគួរសម មានភ្ញៀវចេញចូលឲ្យរដឹក ។ ជាមួយគ្នានេះ កញ្ញា ហេង ម៉ារ៉ាឌី វិញ មិនចាញ់ ចន ច័ន្ទលក្ខិណា ដែរ ព្រោះនាង ជាអ្នកផាត់មុខតាមកញ្ចក់ ទូរទស្សន៍ ស៊ីធីអិនដ៏ល្បីម្នាក់ ផងដែរ ។</span></p>
<p><span style="color: #000000;"> ទស្សនិកជន មិនទាន់ដឹងទេថា ពៅ លីដា អាចមានវាសនា ក្លាយជាម្ចាស់ហាងផាត់មុខដ៏ល្បី ដូចតារាល្បីៗខាងលើ ឬអត់ទេ ព្រោះនាងមិនទាន់ រៀបចំលក្ខណៈបច្ចេកទេស ឲ្យបានត្រឹមត្រូវដូចគេ ពោលកំពុងតែខ្វះខាត អ្នកមានសមត្ថភាព និងជំនាញ ក្នុងហាងរបស់នាង នៅឡើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/11/11-11-03-2015--09-07-57.jpg"><img src="/FileManager/Articles/mce/2015/3/11/11-11-03-2015--09-07-57.jpg" alt="" /></a></span></p>
<p><a class="thickbox" title="" href="/FileManager/Commons/2015/3/11/12-11-03-2015--09-08-07.jpg"><img src="/FileManager/Articles/mce/2015/3/11/12-11-03-2015--09-08-07.jpg" alt="" /></a></p>
<p><a class="thickbox" title="" href="/FileManager/Commons/2015/3/11/13-11-03-2015--09-08-14.jpg"><img src="/FileManager/Articles/mce/2015/3/11/13-11-03-2015--09-08-14.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>