<p><span style="color: #000000;">ព័ត៌មានអន្តរជាតិ ៖ សាកសពនិស្សិត ស្រីស្រស់វ័យក្មេង នាង Aidana Baizieva ជនជាតិ កៀហ្ស៊ីស៊ី ស្ថាន ជាជនរងគ្រោះម្នាក់ ក្នុងចំណោមជនរងគ្រោះ ៦ នាក់ ដែលបានស្លាប់ ក្នុងហេតុការណ៍ធ្លាក់ឧទ្ធ ម្ភាគចក្រ នៅក្រុង Semenyih ប្រទេសម៉ាឡេស៊ី កាលពីថ្ងៃ សៅរ៍ ទី ៤ មេសា កន្លងទៅនោះ ត្រូវបាន រកឃើញ និងមានអំណះអំណាងពីគ្រួសារនាងហើយ ថាពិតជាសពនាងពិតប្រាកដមែន ។ </span></p>
<p><a class="thickbox" title="" href="/FileManager/Commons/2015/4/10/60-10-04-2015--14-31-50.jpg"><img src="/FileManager/Articles/mce/2015/4/10/60-10-04-2015--14-31-50.jpg" alt="" /></a></p>
<p><span style="color: #000000;">មេបញ្ជាការប៉ូលីសជាន់ខ្ពស់ លោក Datuk Abdul Samah Mat បំភ្លឺអោយ ដឹងថា សាកសពរបស់នាង Aidana ត្រូវបានបញ្ជាក់ថា ពិតជានាងពិតប្រាកដមែន ពីសំណាក់ប្អូន ស្រីចុង ជនរងគ្រោះ ក៏ដូចជា អ្នកតំណាងមកពីស្ថានទូត កៀហ្ស៊ីស៊ីស្ថាន នៅវេលាម៉ោង ៥ និង ៣០ នាទី ល្ងាច ថ្ងៃព្រហស្បត្តិ ម្សិល មិញនេះ ។ </span></p>
<p><span style="color: #000000;">ប្រភពពីមេបញ្ជាការជាន់ខ្ពស់ដដែល បន្តអោយដឹងថា សាកសព របស់ នារីជនរងគ្រោះរូបនេះ គ្រោង នឹងបញ្ជូនទៅកាន់ប្រទេស កំណើតរបស់ខ្លួនវិញ សាធារណរដ្ឋកៀ ហ្ស៊ីស៊ីស្ថាន នៅថ្ងៃសុក្រនេះ វេលា ម៉ោង ប្រមាណ ១០ និង ៥៥ នាទីព្រឹក តាមរយៈជើងហោះហើរ ក្រុមហ៊ុន អាកាសចរណ៍ Air Astana ខណៈតារាងពេលវេលាហោះហើរ នឹងទៅដល់ទីនោះ វេលារសៀល ។ </span></p>
<p><a class="thickbox" title="" href="/FileManager/Commons/2015/4/10/61-10-04-2015--14-31-58.jpg"><img src="/FileManager/Articles/mce/2015/4/10/61-10-04-2015--14-31-58.jpg" alt="" /></a></p>
<p><span style="color: #000000;">ជាមួយនឹងលទ្ធផល DNA ក៏ត្រូវបានអាជ្ញាធរ ពាក់ព័ន្ធ ធ្វើការសិក្សាស្រាវជ្រាវ និងបញ្ជាក់បានរួចរាល់ ហើយជាមួយនឹងប្អូនស្រីចុងរបស់នាង ។ គួរបញ្ជាក់ថា នារីជាជនរងគ្រោះម្នាក់នេះ ក៏ដូចជា សមាជិក នៃជនរងគ្រោះ ៥ នាក់ផ្សេងទៀត រួមមានដូចជា Datuk Azlin Alias លេខា ផ្ទាល់ខ្លួន នាយករដ្ឋមន្រ្តី Clifford William Fournier Jr កាពីទែន បើកឧទ្ធម្ភាគចក្រ Datuk Ta n Huat Seng អ្នកជំនួញ Mohd Razkan Seran វ័យ ៣២ ឆ្នាំ ជាមន្រ្តីសន្តិសុខ និង នាង Aidana វ័យ ២៥ ឆ្នាំ ទាំងអស់គ្នា បានស្លាប់ បាត់បង់ជីវិត ក្នុងហេតុការណ៍ ធ្លាក់ឧទ្ធម្ភាគចក្រ នៅ ក្នុងក្រុង Semenyih មានរយៈចម្ងាយមិនឆ្ងាយ ប៉ុន្មាននោះទេ ពីទីតាំងសំចតរបស់ខ្លួន នៅក្នុងក្រុង Subang ។ </span></p>
<p><span style="color: #000000;">គួររំឮកថា មុនពេលជួបគ្រោះអាក្រក់ស្លាប់បាត់បង់ជីវិតក្នុងហេតុការណ៍ ដ៍រន្ធត់ខាងលើ នាង Aidana គឺរស់នៅក្នុងសំណង់អាគារមួយកន្លែង ក្នុងក្រុង កូឡា ឡាំពួរ បន្ទាប់ពីបញ្ជប់ការសិក្សារបស់ខ្លួន ថ្នាក់ បរិញ្ញាប័ត្រ ជំនាញ ទេសចរណ៍ ពិសកលវិទ្យាល័យមួយ ៕</span></p>
<p><object width="482" height="413" data="http://www.youtube.com/v/rXOh7nUevH0&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/rXOh7nUevH0&rel=1" /></object></p>
<p style="text-align: right;"><br /><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អាស៊ីវ័ន</span></p>