<div class="article-content">
<p><strong>-ព្យុះហៃម៉ា ដែលបោកបក់ពីឆ្នាំ២០០៩ បានរសាត់ចេញពីតំបន់បឹងកក់ហើយ</strong></p>
<p><strong>ភ្នំពេញ ៖</strong> សវនាការរបស់តុលាការកំពូល ទៅលើរឿង ក្ដីអ្នកស្រីយ៉ោម បុបា្ផ ចាប់ផ្ដើមនៅព្រឹក<br />ស្អែក ជាមួយនឹងការតាមដាន និងចាប់អារម្មណ៍ពី សហគមន៍ជាតិ និងអន្ដរជាតិ ជាពិសេស<br /> បណ្ដាអង្គការក្រៅរដ្ឋាភិបាល ដែលតាមដាន ទៅលើករណីរបស់អ្នកស្រី ។ នៅមុនសវនាការ <br />ក្រុមអង្គការសង្គម ស៊ីវិល ជាតិ និងអន្ដរជាតិ រាប់ទាំងសកម្មជន អ្នកបឹងកក់ខ្លះ អ្នកបុរីកីឡា និង<br />ថ្មគោល បាននាំគ្នាធ្វើពិធីតាមសាសនា នៅឯខាងក្រៅ បរិវេណតុលាការកំពូល ក្នុងគោលបំណង<br /> សុំឱ្យដោះលែងអ្នកស្រីយ៉ោម បុបា្ផ ពីពន្ធនា គារ ដោយថា អ្នកស្រី ពុំបានប្រព្រឹត្ដកំហុស ណាមួយ<br />នោះទេ ខណៈ ដែលអ្នកស្រី ត្រឹម តែតវ៉ាការពារនូវការរឹបអូសដីធ្លីរបស់អ្នក ស្រី នៅតំបន់បឹងកក់<br />តែប៉ុណ្ណោះ ។</p>
<p>បើតាមអ្នកវិភាគ ដែលបានតាមដាននៅ ក្នុងបញ្ហាចម្រូងចម្រាស់ នៃតំបន់អភិវឌ្ឍន៍ បឹងកក់ បាន<br />សម្ដែងនូវសុទិដ្ឋិនិយមថា តុលាការកំពូលនៃប្រទេសកម្ពុជា នៅថ្ងៃសុក្រទី២២នេះ ទំនងជាធ្វើការ<br />វិនិច្ឆ័យ ដោយផ្ដល់យុត្ដិធម៌ ដល់អ្នកស្រីយ៉ោម បុបា្ផ ឱ្យមានសេរីភាពឡើងវិញ តាមរយៈការវិនិច្ឆ័យ<br /> អាចបន្ធូរបន្ថយទោស រួចព្យួរនិងដោះលែងឱ្យនៅក្រៅឃុំ ឬក៏កាត់ តម្រឹម ខណៈដែលទោសអ្នកស្រី<br /> នៅសល់ តែមួយឆ្នាំបន្ទាប់ពីសាលាដំបូងរាជធានីភ្នំពេញ កាត់ឱ្យជាប់ទោស៣ឆ្នាំ មកដល់សាលា<br />ឧទ្ធរណ៍ បន្ធូរបន្ថយទោស មួយឆ្នាំ នៅសល់២ឆ្នាំ ហើយអ្នកស្រីបានអនុវត្ដទោស មួយឆ្នាំរួចហើយ។<br /> ដូច្នេះ អ្នកស្រីនឹងអាចត្រូវ បានកាត់តម្រឹម ឬបន្ធូរបន្ថយទោស រួចហើយព្យួរទោសឱ្យនៅក្រៅឃុំ ។</p>
<p>អាចនិយាយដោយខ្លីថា “អ្នកស្រីយ៉ោម បុបា្ផ នឹងមានសេរីភាពឡើង នៅថ្ងៃសុក្រ ទី២២ ខែវិច្ឆិកា ឆ្នាំ<br />២០១៣ ជាមួយនិងការរស់នៅ ដោយស្របច្បាប់លើដីរបស់ខ្លួននៅតំបន់បឹង កក់ ខណៈដែលអភិ<br />បាលរាជធានីភ្នំពេញ និង ដោះស្រាយបញ្ចប់ ៣៤គ្រួសារទៀតទៀតនេះ” ។</p>
<p>អ្នកវិភាគបានហៅរឿងក្តីក្តាំងនៅតំបន់បឹងកក់ថា ព្យុះកំណាចហៃម៉ា ដែលបានបោកបក់ យ៉ាងសង្គ្រប់<br />មកលើអ្នករស់នៅតំបន់បឹងកក់ ចាប់តាំងពីឆ្នាំ២០០៩ មកដល់ពេលនេះបាន បញ្ចប់ទៅហើយ ដោយ<br />ជំនួសត្រឡប់មក វិញនូវជំនោរ ដែលបោកបក់ពីទិសឦសានឆ្ពោះទៅទិសនិរតី ដែលនាំមកនៅភាព<br />រងារ និងត្រជាក់ត្រជុំ មកឲ្យអ្នកបឹងកក់។ ដូច្នេះដុំពពកខ្មៅព្យុះហៃម៉ា នឹងមិនវិលត្រឡប់មកតំបន់នេះ<br />វិញទេ ។</p>
<p>មជ្ឈដ្ឋានទូទៅ បានសម្ដែងនូវការកោត សរសើរដល់រាជរដ្ឋាភិបាល អភិបាលរាជធានី ភ្នំពេញ និង<br />អង្គការក្រៅរដ្ឋាភិបាល ដែល បានខិតខំស្រាយបញ្ហា ដែលនៅសេសសល ចុងក្រោយចប់ដោយ<br />សន្ដិវិធី និងការយោគ យល់ រួចផ្ដល់សេរីភាព ដល់អ្នក ស្រីយ៉ោម បុបា្ផ ដោយតុលាការកំពូល ជា<br />ពិសេសការតស៊ូស្វិតស្វាញ របស់អ្នកបឹងកក់តែម្តង ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-030/Kosal-0241.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/76004-2013-11-21-11-16-01.html">ដើមអំពិល</a></p>
</div>