<div class="article-content">
<p><strong>បាត់ដំបងៈ</strong> ស្នេហាភ្លើងចំបើង ១ គូ ទើបស្គាល់គ្នា បាន ១០ ថ្ងៃ ខាងស្រី មកបបួលខាងប្រុសឌុបគ្នា<br />ដើរលេងពីថ្ងៃរហូតដល់ យប់ នាំគ្នាចូលផ្ទះសំណាក់ កាលពីវេលាម៉ោង ៩ យប់ ថ្ងៃទី១៨ ខែមេសា<br /> ត្រូវបងស្រីនាងតាមទាន់ ប្តឹងនគរបាល ឲ្យចាប់ ខ្លួនទាំងកណ្តាលយប់ បញ្ជូនមកស្នងការខេត្ត រួច<br />កសាងសំណុំរឿង បញ្ជូនបន្ត ទៅតុលាការខេត្ត ដើម្បីចាត់ការតាមច្បាប់។</p>
<p>លោក ប៊ន់ វណ្ណារ៉ា នាយរង ការិយាល័យ ប្រឆាំងការជួញដូរមនុស្ស និងការពារអនីតិជនខេត្ត បានឲ្យ<br />ដឹងថា ជនសង្ស័យ ដែលសមត្ថកិច្ចឃាត់ខ្លួន មានឈ្មោះ ម៉ម រដ្ឋា ភេទប្រុស អាយុ ១៨ ឆ្នាំ មុខរបរ ជា<br />បុគ្គលិកក្រុមហ៊ុន ចែកចាយគ្រឿង សំអាង (Dialoque) នៅតាមខេត្តនានា និងមានទីលំនៅ ភូមិចុងកៅ<br />ស៊ូ សង្កាត់ស្លរក្រាម ក្រុងសៀមរាប ។ ចំណែកនារីរង គ្រោះមានអាយុ ១៦ ឆ្នាំ មុខរបរ ជាអ្នកលក់ខោ<br />អាវ នៅផ្សារបឹងឈូក បាត់ដំបង ។</p>
<p>បើតាមយុវជននេះ បាននិយាយប្រាប់អ្នកយកព័ត៌មានថា ខ្លួនជាអ្នកដើរលក់គ្រឿងសំអាង គ្រប់ប្រភេទ<br /> តាមបណ្តាខេត្តនានា កន្លងមក ហើយក៏បានស្គាល់នាង តាមរយៈខ្លួនបានលក់ទឹកអប់ឲ្យនាងជាលើក<br />ដំបូង ក្រោយមកក៏មានទំនាក់ទំនង ស្នេហា ជាមួយគ្នា លុះដល់ថ្ងៃទី១៨ ខែមេសា នាងបានយកម៉ូតូ<br />១ គ្រឿង មកឌុបខ្លួនដើរលេង តាំងពីវេលាម៉ោង ៣រសៀល នាំគ្នា ទៅលេងអាងកំពីងពួយ ភ្នំសំពៅ វត្ត<br />ឯកភ្នំ ផ្សារទំនើបបូរីថ្មី និងជិះឆ្វែលក្រុង រហូតដល់ម៉ោង ៩ និង ៣០នាទីយប់ ដោយ នាងមិនហ៊ានចូល<br />ផ្ទះខ្លួនក៏បាននាំគ្នាចូលដេកផ្ទះសំណាក់ យីហោ គង្គាហង្សមាស នៅមាត់ស្ទឹងសង្កែ ក្នុងភូមិរំចេក ៤<br />សង្កាត់រតនៈ ក្រុងបាត់ដំបង ក្នុងបន្ទប់លេខ ១៤១ តែម្តងទៅ ។</p>
<p>យុវជនរូបនេះ បានបន្តទៀតថា ដោយសារតែខ្លួនបានដើរលេងពេញមួយថ្ងៃ អស់កម្លាំងពេក ខ្លួនហូប<br />អាហារហើយ គ្រាន់តែ បានដេកឱបថើបនាងប៉ុណ្ណោះ គឺមិនបានរំលោភនាងទេ លុះដល់ម៉ោង ១២<br />និង៣០នាទី រំលងអាធ្រាត្រ ឈានចូលថ្ងៃទី១៩ ខែមេសា ស្រាប់តែបងស្រីនាង បានឃើញម៉ូតូរបស់<br />ពួកគាត់ ផ្ញើទុកនៅផ្ទះសំណាក់ ហើយក៏តាមរកឃើញ ហៅមកនិយាយគ្នា រួចបាននាំខ្លួន មកឲ្យនគរ<br />បាលឃាត់ខ្លួនតែម្តង ។</p>
<p>យ៉ាងណាក៏ដោយ មជ្ឈដ្ឋានមួយចំនួន សូមអំពាវនាវដល់សមត្ថកិច្ច និងស្ថាប័នតុលាការ គួរពិនិត្យ<br />មើលរឿងហេតុនេះឡើងវិញ ពីព្រោះមុនពេល ឈានចូលទៅក្នុងផ្ទះសំណាក់ គឺពួកគេទាំងពីរនាក់ បានព្រមព្រៀងគ្នាជាមុនរួចស្រេចទៅហើយ ដូច្នេះ ការចោទប្រកាន់របស់សាច់ញាតិនារីរង គ្រោះថា យុវជនរូបនេះធ្វើសកម្មភាពចាប់រំលោភនោះ វាមិនពិតឡើយ ។ មជ្ឈដ្ឋានខ្លះ បានលើកឡើងថា កន្លង<br />ទៅតែងតែមានរឿងបែបនេះកើតឡើង ដោយភាគីខាងស្រីបានចោទប្រកាន់ភាគីខាងប្រុសចាប់រំលោភ<br /> ប៉ុន្តែ ធាតុពិតពួកគេទាំងពីរនាក់បានស្ម័គ្រស្មោះ និងយល់ព្រមទៅវិញទៅមកដឹកដៃគ្នាចូលផ្ទះសំណាក់<br /> ផ្ទុយទៅវិញ ភាគីខាងប្រុស បែរជាត្រូវជាបើទោស និងជាប់ពន្ធនាគារយ៉ាងអយុត្តិធម៌ទៅវិញ ។</p>
<p>លោកវរសេនីយ៍ឯក ជេត វណ្ណនី ស្នងការរង ទទួលបន្ទុកកណ្តាលយុត្តិធម៌នគរបាលខេត្តបានបញ្ជាក់<br />ថា យោងតាមពាក្យ បណ្តឹង របស់បងស្រីនារីរងគ្រោះ និងចម្លើយសារភាពរបស់ជនសង្ស័យរួចមក <br />ទោះជាពួកគេមិនទាន់បាន ឈានដល់រួម ភេទជាមួយគ្នាក៏ដោយ តែយុវជនរូបនេះ ត្រូវបានជាប់ចោទ<br />ពីបទ បៀតបៀនកេរ្តិ៍ខ្មាស់លើអនីតិជន ហើយសមត្ថកិច្ច និងកសាងសំណុំរឿងបញ្ជូនខ្លួនជនសង្ស័យ<br />ទៅតុលាការខេត្ត ដើម្បីចាត់ការបន្តតាមច្បាប់ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/April/id-015/T-0460.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0461.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>