<h1><span style="color: #000000;">មិត្តភក្តិជិតស្និទ្ធរបស់អតីតប្រធានាធិបតីកូរ៉េខាងត្បូង ត្រូវបានតុលាការកូរ៉េផ្ដន្ទាទោសឱ្យជាប់ពន្ធនាគារ រយៈពេល ៣ ឆ្នាំពីបទប្រព្រឹត្ដអំពើពុករលួយ។ ការផ្តន្ទាទោសលោកស្រី Choi Soon-sil ពីបទផ្ដល់ប្រយោជន៍ដល់កូនស្រីរបស់ខ្លួននេះ គឺជារឿងអាស្រូវនៃការប្រើឥទ្ធិពលនយោបាយគាបយកប្រាក់ ឬប្រយោជន៍ដំបូងបង្អស់ ដែលបានទម្លាក់លោកស្រីប្រធានាធិបតី Park Geun-hye ចេញពីតំណែង។</span></h1>
<p><span style="color: #000000;">លោកស្រី បានដើរតួអស់រយៈពេលជាច្រើនឆ្នាំ ធ្វើជាទីប្រឹក្សារបស់លោកស្រី Park ដែលត្រូវបានគេចោទប្រកាន់ពីបទប្រព្រឹត្ដអំពើពុករលួយ ហើយក៏ត្រូវបានតុលាការកាត់ទោសផងដែរ។ លោកស្រី Choi ក៏ប្រឈមនឹងបទចោទប្រកាន់ថា លោកស្រីបានទទួលប្រាក់សំណូកសម្រាប់លោកស្រី Park ផងដែរ ។ ទោះយ៉ាងណា លោកស្រី Park បានបដិសេធរាល់ការចោទប្រកាន់ពីបទប្រព្រឹត្ដអំពើពុករលួយ។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/6/23/2-23-06-2017--11-10-43.png"><img src="/FileManager/Articles/mce/2017/6/23/2-23-06-2017--11-10-43.png" alt="" /></a><br /></span></p>
<p><span style="color: #000000;">យោងតាមទីភ្នាក់ងារសារព័ត៌មានយ៉ុនហាប បានឱ្យដឹងថា លោកស្រី Choi ត្រូវបានតុលាការ រកឃើញពីពិរុទ្ធភាពនៃការប្រើឥទ្ធិពលលើមន្ដ្រីអប់រំ នៅសាកលវិទ្យាល័យមួយដើម្បីអនុញ្ញាតឱ្យកូនស្រីរបស់ខ្លួន ឈ្មោះ ជុង យូអ៊ីរ៉ា បានចូលរៀន នៅសាលកលវិទ្យាល័យនោះ ព្រមទាំងស្នើឱ្យសាកលវិទ្យាល័យផ្ដល់ពិន្ទុដល់កូនស្រីរបស់ខ្លួន លើវិញ្ញាសារនានា ដែលនាងមិនធ្លាប់ប្រលងទៀតផង។</span></p>
<p><span style="color: #000000;">អតីតមន្ត្រីពីររូប នៅសាកលវិទ្យាល័យ Ewha Womans ដ៏ល្បីល្បាញនេះ ក៏ត្រូវផ្តន្ទាទោសឱ្យជាប់ពន្ធនាគារផងដែរ ពីបទសមគំនិតជាមួយលោកស្រី Choi ។</span></p>
<p><span style="color: #000000;">អ្នកស្រី ជុង អ្នកជំនាញជិះសេះម្នាក់ ត្រូវបានចាប់ខ្លួន ហើយត្រូវបានធ្វើបត្យាប័នពីប្រទេសដាណឺម៉ាក កាលពីដើមឆ្នាំនេះ។ នាងត្រូវបានតុលាការចោទប្រកាន់ពីបទពាក់ព័ន្ធនឹងឧក្រិដ្ឋកម្មសេដ្ឋកិច្ច និងការក្លែងបន្លំលើកិច្ចការប្រឡង៕</span></p>
<p><span style="color: #000000;"><br /><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2017/6/23/mkn-23-06-2017--11-10-54.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ BBC</span></p>