<p class="fon31 mt1">កាលពីថ្ងៃទី ៩កន្លងទៅ តុលាការកូរ៉េខាងត្បូងបានសម្រេចដាក់ទោស ៦ឆ្នាំចំពោះទាហានអាមេរិក<br />ម្នាក់ពីបទរំលោភនារីអនិតិជនកូរ៉េខាងត្បូងកាលពីឆ្នាំទៅ។</p>
<p class="fon31 mt1"><a class="thickbox" title="" href="/FileManager/Commons/2012/5/11/1fdd47-11-05-2012--09-35-28.jpg"><img src="/FileManager/Articles/mce/2012/5/11/1fdd47-11-05-2012--09-35-28.jpg" alt="" /></a></p>
<p>យោងតាមតុលាការខណ្ឌ Uijeongbu នៅ Seoul ទាហានឈ្មោះ Kevin Robinson អាយុ ២១ឆ្នាំ បាន<br />ប្រព្រឹតបទល្មើសដោយរំលោភនារីកូរ៉េខាងត្បូងម្នាក់ កាលណោះនាងមានអាយុ ១៧ឆ្នាំ នៅក្នុងផ្ទះ<br />របស់នាងនៅឯក្រុង Seoul កាលពីឆ្នាំ ២០១១ នេះបើតាមការអោយដឹងរបស់អ្នកនាំពាក្យតុលាការ។</p>
<p>បច្ចុប្បន្ន អាមេរិកមានទាហានប្រមាណជា ២៨.៥០០នាក់នៅក្នុងប្រទេសកូរ៉េខាងត្បូង ហើយបទ<br /> ល្មើសដែលទាក់ទឹននឹងពួកគេបានធ្វើអោយផ្ទុះឡើងនូវគំនិតប្រឆាំងអាមេរិកក្នុងចំណោមប្រជាជន<br /> កូរ៉េខាងត្បូង។</p>
<p>គួររំឭកថា កាលពីឆ្នាំមុន ទាហានអាមេរិកម្នាក់ផ្សេងទៀតក៏ត្រូវបានកាត់ទោសអោយជាប់ពន្ធនាគារ<br />១០ឆ្នាំពីបទរំលោភនារីអាយុ ១៨ឆ្នាំម្នាក់នៅក្នុងក្រុង Dongducheon ក្បែរព្រំដែនកូរ៉េខាងជើង។<br />ជំនួយការរបស់រដ្ឋមន្ដ្រីការបរទេសអាមេរិក Kurt Campbell បានផ្ញើការសុំទោសចំពោះករណីនោះ។</p>
<p>ចំណែកករណីថ្មីបំផុតនេះ ទាហានអាមេរិកម្នាក់ឈ្មោះ Robinson បានផឹកស្រារួមជាមួយនារីរងគ្រោះ<br />នៅក្នុងយប់កើតហេតុនៃការចាប់រំលោភនោះ។ នៅក្នុងសាលក្រំកាត់ទោសនេះបាននិយាយថា <br />Robinson បានយកចំណេញនៅពេលនារីរងគ្រោះបានស្រវឹងស្រា។</p>
<p>គេនៅមិនទាន់ដឹងថា Robinson នឹងប្ដឹងឧទ្ធរណ៍ដែរ ឬអត់។ ប៉ុន្ដែតាមការអោយដឹងរបស់អ្នកនាំពាក្យ<br />តុលាការ ទាហាននេះបានបដិសេធការចាប់រំលោភ ជនល្មើសនេះបានថ្លែងថា ខ្លួនគ្រាន់តែប៉ះពាល់<br />រាងកាយខាងក្រៅតែប៉ុណ្ណោះ៕</p>
<p style="text-align: right;">ដោយ ៖ សូរីយ៉ា<br />ប្រភព ៖ DT</p>