<p>តាមប្រភពព័ត៌មានកាសែតដើមអំពិលបានឲ្យដឹងថា យ៉ាងហោចណាស់ ស្ដ្រីវ័យចំណាស់ អាយុ<br /> ៧៩ឆ្នាំម្នាក់ បានស្លាប់ ពេលបញ្ជូនមកដល់មន្ទីរពេទ្យបង្អែក ស្រុកភ្នំក្រវាញ ខេត្ដពោធិ៍សាត់ ខណៈ<br />ដែលសាច់ញាតិរបស់គាត់ ៤នាក់ផ្សេងទៀត ស្ថិតក្នុងគ្រួសារតែមួយ រងគ្រោះដោយក្អួតចង្អោរ <br />បន្ទាប់ពីពួកគេបានហូបមី ម៉ា ម៉ា រួចមក ។ <br /><a class="thickbox" title="" href="/FileManager/Commons/2012/6/6/3560010537-06-06-2012--00-46-15.jpg"><img style="display: block; margin-left: auto; margin-right: auto;" src="/FileManager/Articles/mce/2012/6/6/3560010537-06-06-2012--00-46-15.jpg" alt="" /></a><br />ការភ្ញាក់ផ្អើលនេះ បានកើតឡើងកាលពី រសៀលថ្ងៃទី៤ ខែមិថុនា ឆ្នាំ២០១២ បន្ទាប់ពីជនរងគ្រោះ<br /> បានជួបអាការក្អួតចង្អោរ បន្ទាប់ពីនាំគ្នាហូបមី ម៉ា ម៉ា ចំនួន ៣កញ្ចប់ កាលពីព្រឹកថ្ងៃដដែល ស្ថិត<br />នៅភូមិក្រូចឆ្មារ ឃុំលាច ស្រុកភ្នំក្រវាញ ខេត្ដពោធិ៍សាត់ ។</p>
<p>ស្នងការនគរបាលខេត្ដ លោកឧត្ដមសេនីយ៍ សារុន ចន្ធី បានប្រាប់អ្នកកាសែត នៅរសៀល ថ្ងៃទី៥<br /> ខែមិថុនា នេះថា មូលហេតុពិតប្រាកដ ដែលនាំឱ្យជនរងគ្រោះស្លាប់ និងក្អួតចង្អោរខាងលើនេះ <br />មិនទាន់ដឹង នៅឡើយទេ បើទោះបីជនរងគ្រោះអះអាងថា ដោយសារតែពុលក្រោយហូបមី ម៉ាម៉ា<br /> ក៏ដោយនោះ។ លោកឧត្ដម សេនីយ៍ សារុន ចន្ធី បានបន្ដថា សំណាកដូចជា មីដែលនៅក្នុងកេស<br />សល់ពីការលក់ រួមទាំងទឹក ដែលយកទៅដាំ ដើម្បីឆុងមី និងវត្ថុតាងមួយចំនួនទៀត ត្រូវបាន<br />សមត្ថកិច្ចជំនាញ និងសមត្ថកិច្ចបច្ចេកទេស យកទៅពិសោធន៍ នៅ មន្ទីរពិសោធន៍ ដើម្បីរកមូល<br />ហេតុឱ្យឃើញថា ជនរងគ្រោះស្លាប់ និងក្អួតចង្អោរដោយ សារអ្វីពិតប្រាកដនោះ។</p>
<p>បើយោង តាមស្នងការនគរបាលរូបនេះ ជនរងគ្រោះពិតប្រាកដមានតែ ៥នាក់ប៉ុណ្ណោះ ក្នុងមួយ<br />គ្រួសារ ដែលបណ្ដាលឱ្យ លោកយាយវ័យ ៧៩ឆ្នាំម្នាក់ បានស្លាប់ ពេលបញ្ជូនមកដល់មន្ទីរពេទ្យ<br />បង្អែកស្រុក រីឯ ៤នាក់ផ្សេងទៀត ជាសាច់ ញាតិរបស់លោកយាយ បានក្អួតចង្អោរ ប៉ុន្ដែបានធូរ<br />ស្រាលវិញហើយ បន្ទាប់ពីពេទ្យជួយសង្គ្រោះ។</p>
<p>ស្នងការនគរបាលរូបនេះ បានអះអាងថា សមត្ថកិច្ចមិនទាន់អាចបញ្ជាក់ថា ជាការពុលមី ម៉ា ម៉ា<br /> អ្វីនោះឡើយ បើ ទោះបីជនរងគ្រោះ បាននិយាយយ៉ាងដូច្នេះក៏ដោយ គឺអ្វីៗស្ថិតក្នុងការពិសោធន៍<br />នៅឡើយ។</p>
<p style="text-align: right;">ដោយ៖ ណាវី</p>