<p><strong>ប្លែកៗ </strong><strong>៖</strong> បើយោងតាមរបាយការណ៍ ដែលបានចេញផ្សាយដោយគេហទំព័រសារព័ត៌មានប្លែក<br /> បរទេស បានអោយដឹងថា ផ្ទះដែលមានរាងថាសហោះ ជាចុងក្រោយត្រូវបានលិចជារូបរាងឡើង<br /> ដោយសារតែរឿងស្នេហ៍ដ៏កម្សត់មួយ។</p>
<p>គួរបញ្ជាក់ផងដែរថា ផ្ទះដែលមានរាងជាថាសហោះ(Shape of UFO)ត្រូវបានសំកាំងខ្លួននៅឯឆ្នេរ<br /> សមុទ្រភាគខាងត្បូង Puerto Rico បុរសម្នាក់បានចំណាយពេលជាង ៤០ឆ្នាំ ដើម្បីសង់ផ្ទះរាងដូច<br /> ថាសហោះក៏ព្រោះតែចង់បង្ហាញអោយអតីតមិត្តស្រីរបស់ខ្លួនដឹងថា ខ្លួនជាបុរសដ៏អស្ចារ្យម្នាក់ក្នុង<br /> លោក។</p>
<p><a class="thickbox" title="" href="/FileManager/Commons/2012/10/12/120927clngoinhaufo1-a00b2-12-10-2012--16-25-54.jpg"><img src="/FileManager/Articles/mce/2012/10/12/120927clngoinhaufo1-a00b2-12-10-2012--16-25-54.jpg" alt="" width="489" height="292" /></a></p>
<p>ស្ថិតក្នុងវ័យ ៥៨ ឆ្នាំ លោក Roberto Sanchez Rivera បានប្រើប្រាស់កំហឹងស្នេហាជាកម្លាំងចិត្ត<br /> ក្នុងការច្នៃ និងស្ថាបនាផ្ទះដ៏ចម្លែកនេះឡើង ដោយសារតែពាក្យសន្យារវាងលោក និងអតីតមិត្តស្រី<br /> កាលពីអំឡុង ៤០ ឆ្នាំមុន។</p>
<p><a class="thickbox" title="" href="/FileManager/Commons/2012/10/12/120927clngoinhaufo2-a00b2-12-10-2012--16-26-11.jpg"><img src="/FileManager/Articles/mce/2012/10/12/120927clngoinhaufo2-a00b2-12-10-2012--16-26-11.jpg" alt="" width="488" height="229" /></a></p>
<p>គួរបញ្ជាក់ផងដែរថា កាលពីជាង ៤០ ឆ្នាំមុន ខណៈដែលលោកគ្រាន់តែជាសិស្សផ្នែកសិល្បៈ មក<br /> ពីគ្រួសារក្រីក្រម្នាក់នោះ លោកបានធ្លាក់ ក្នុងអន្លង់ស្នេហ៍នារីម្នាក់ ដោយថែមទាំងបានសន្យាថា <br /> លោកនឹងសង់ផ្ទះរាងថាសហោះអោយនាងនៅថ្ងៃណាមួយជាមិនខាន។ ពាក្យសន្យាមិនទាន់ទាំង<br /> បានធ្វើផង នារីរូបនោះក៏បានបោះបង់លោកចោល ក្រោយពីធ្វើសង្សារនឹងគ្នាបានត្រឹមតែ ៣ខែ។ <br /> ការបែកបាក់នេះបានធ្វើអោយលោកពិបាកចិត្ត ដល់ថ្នាក់ធ្វើអត្តឃាតថែមទៀតផង ក៏ប៉ុន្តែលោក<br /> ក៏ស្រាប់តែនឹកឃើញថា៖ គាត់មិនត្រូវគិតខ្លីនោះទេ ស្របពេលដែលគាត់បានប្តេជ្ញាថា ខ្ញុំត្រូវតែខំ<br /> ធ្វើការ ដើម្បីអោយនារីនោះឈឺចាប់ ហើយស្ដាយក្រោយព្រោះតែបោះបង់ខ្ញុំចោល។</p>
<p>លុះក្រោយមក លោក Roberto ក៏បានខិតខំសិក្សាវិជ្ជាវិស្វកម្មសំណង់ និងវិចិត្រសិល្បៈ រហូតដល់<br /> បានសម្រេច។ ក្រោយពីកាក់កបនឹងមុខរបររបស់ខ្លួន ក៏មានប្រាក់គ្រប់គ្រាន់ក្នុងការទិញកូនភ្នំមួយ<br /> ដើម្បីសង់ផ្ទះរាងថាសហោះមួយនេះ ទុកគ្រាន់បង្អួតអតីតមិត្តស្រីដ៏យូរលង់មកហើយនោះ បើទោះ<br /> ជាបច្ចុប្បន្នលោកបានរៀបការនឹងនារីផ្សេងម្នាក់ទៀតក៏ដោយ៕</p>
<p style="text-align: right;">ដោយ ៖ រតនៈ<br /> ប្រភព ៖ Leakarea</p>