<div class="article-content">
<p><strong>ភ្នំពេញៈ</strong> បុរសវ័យចំណាស់ម្នាក់ ជាអ្នកដើរសុំទាន ត្រូវរថយន្តដឹកអីវ៉ាន់ រោងចក្របើកលឿន<br /> ដូចព្យុះ បុកពីក្រោយ បណ្តាលឲ្យបាក់ចង្កេះ ដួលស្លាប់ភ្លាមៗ នៅនឹងកន្លែងកើតហេតុ ចំណែក<br />ឯរថយន្តបង្ក បានបន្ថែមល្បឿន គេច ចូលទៅក្នុងរោងចក្រ ប៉ុន្តែ ត្រូវបាននគរបាលចរាចរខណ្ឌ<br /> តាមរកឃើញ និងធ្វើការឃាត់ទាំងរថយន្ត យករក្សាទុក ដើម្បីដោះស្រាយទៅតាមផ្លូវច្បាប់ ។</p>
<p>ហេតុការណ៍នេះ កើតឡើង កាលពីវេលាម៉ោង ៧ និង៣០នាទីព្រឹក ថ្ងៃទី ៧ ខែឧសភា ឆ្នាំ<br />២០១៣ ស្ថិតនៅតាម បណ្តោយផ្លូវលំ ខាងមុខរោងចក្រប្លូស្កាយ ភូមិទួលពង្រ សង្កាត់ចោម<br />ចៅ ខណ្ឌពោធិ៍សែនជ័យ រាជធានីភ្នំពេញ។</p>
<p>សាក្សីនៅកន្លែងកើតហេតុ បានឲ្យដឹងថា ជនរងគ្រោះត្រូវបានគេស្គាល់ឈ្មោះ មុំ ព្រឿង ភេទ<br />ប្រុស អាយុ ៥៨ឆ្នាំ មានមុខរបរ ជាអ្នកដើរសុំទាន ស្នាក់នៅមិនពិតប្រាកដ មានស្រុកកំណើត <br />នៅភូមិអំពិលទាប ឃុំព្រៃរំដេង ស្រុក មេសាង ខេត្តព្រៃវែង (ស្លាប់នៅនឹងកន្លែងកើតហេតុ) និង<br />មានប្រពន្ធឈ្មោះ ខាត់ សួន អាយុ ៥១ ឆ្នាំ ដើរសុំទាន ជាមួយគ្នា ។ ចំណែកឯរថយន្តបង្ក ម៉ាក<br />ហ៊ីយ៉ានដាយ ពណ៌ខៀវ ២តោនកន្លះ ស្លាកលេខ គ្រាន់តែគេស្គាល់ថា ០៧៧០ ។</p>
<p>សាក្សីបានបន្តទៀតថា មុនពេលកើតហេតុ រថយន្តបង្ក បើកក្នុងទិសដៅ ពីជើងទៅត្បូង ក្នុង<br />ល្បឿនលឿនដូចព្យុះ លុះដល់កន្លែងកើតហេតុ ក៏ជ្រុលទៅបុកអ្នកថ្មើជើង ពីក្រោយយ៉ាងពេញ<br />ទំហឹង បណ្តាលឲ្យប៉ើងមនុស្សរាប់ម៉ែត្រ រងរបួសបាក់ចង្កេះស្លាប់ភ្លាមៗ នៅនឹងកន្លែងកើតហេតុ<br />តែម្តង ។ ប៉ុន្តែរថយន្តបង្កមិនបានឈប់នោះទេ គឺបាន បន្ថែមគេចទៅចូលក្នុងរោងចក្រ ប៉ុន្តែត្រូវ<br />បានសាក្សីឃើញ ហើយចង្អុលបង្ហាញប្រាប់នគរបាល ទើបនគរបាល ចរាចរខណ្ឌ តាមចូលទៅ<br />យកចេញពីរោងចក្រ មករក្សាទុក នៅអធិការដ្ឋាន បណ្តោះអាសន្ន ដើម្បីកសាងសំណុំ រឿង <br />បញ្ជូនទៅកាន់ចរាចរជើងគោក រាជធានី ឲ្យចាត់ការបន្តទៅតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0094.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0095.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>