<p>ក.គឺជាតំបន់ស្បែកដែលមិនសូវមានការបិទបាំង ថ្វីបើក្រាស់ជាងស្បែកមុខបន្ដិច ប៉ុន្ដែស្បែកនៅ<br />ត្រង់.ក ងាយប្រតិកម្មយ៉ាងខ្លាំង។ ដូច្នេះ វាមានការវិវដ្ដទៅរកភាពចាស់ជាងស្បែកដែលនៅត្រង់<br />កន្លែងផ្សេងៗនៅលើរាងកាយ។</p>
<p><em>ដើម្បីការពារ និងថែរក្សាស្បែកនៅត្រង់.ក ឱ្យបានស្រស់ស្អាត សូមតាមដានវិធីខាងក្រោម៖</em><br /><br /><em><strong>១/ លាបក្រែមបំប៉នស្បែក</strong></em></p>
<p>ក គឺជាតំបន់ស្បែកដែលតែងតែត្រូវចំហឱ្យនៅ “កណ្ដាលវាល” ដូច្នេះវាងាយនឹងត្រូវកំដៅថ្ងៃ <br />ជាប់ធូលី បណ្ដាលឱ្យស្បែកឆាប់ជ្រួញ និងចាស់ជាងវ័យ។ បែបនេះ អ្នកគួរលាបក្រែមថែបំប៉ន<br />ស្បែកនៅត្រង់.ក ឱ្យបានរាល់យប់។ នៅពេលខាត់ស្បែក សម្អាតស្បែក អ្នកមិនត្រូវរំលងចោល<br />ស្បែកនៅត្រង់.កនេះទេ។ ពេលលាបម្សៅ អ្នកគួរតែលាបត្រង់.ក ដើម្បីឱ្យស្បែកមុខ និង.ក <br />មានលក្ខណៈស៊ីគ្នា។<br /><br /><em><strong>២/ ក្រែមការពារដំដៅថ្ងៃ</strong></em> <br />ប្រសិនចេញទៅក្រៅ កន្លែងដែលមានកំដៅថ្ងៃ អ្នកគួរពាក់អាវក្រាស់ៗ និងលាបក្រែមការពារ<br />កំដៅថ្ងៃ ព្រោះកំដៅព្រះអាទិត្យគឺជាកត្តាចម្បងធ្វើឱ្យស្បែកចាប់ចាស់។ <br /><br /><em><strong>៣/ កាយវិការគេង</strong></em><br />កាយវិការគេងរបស់អ្នកក៏មានផលប៉ះពាល់ដល់ស្បែកនៅត្រង់.ក។ នៅពេលគេង អ្នកគួរជ្រើស<br />រើសខ្នើយទន់ និងទាប ចំណែកពូកវិញ គឺគួរតែប្រើប្រាស់ពូករឹង ប្រសើរជាងពូកទន់។<br /><br /><em><strong>៤/ របបបំប៉នស្បែក</strong></em><br />ការបរិភោគដែលមានវីតាមីន C ច្រើន ដូចជាផ្លែក្រូចពោធិសាត់ ប្រភេទគ្រឿងសមុទ្រជាដើម។<br /> ការចៀសវាងស្រា បារី ក៏រួមចំណែកជួយថែរក្សាសម្រស់របស់ស្បែកនៅត្រង់.កផងដែរ។<br /><br /><em><strong>៥/ ម៉ាស្សា.ក</strong></em></p>
<p><a class="thickbox" title="" href="/FileManager/Commons/2013/7/14/neck2-14-07-2013--21-32-14.jpg"><img style="display: block; margin-left: auto; margin-right: auto;" src="/FileManager/Articles/mce/2013/7/14/neck2-14-07-2013--21-32-14.jpg" alt="" width="309" height="385" /></a><br />ជារៀងរាល់ថ្ងៃ នៅពេលលុបមុខ និងម៉ាស្សាមុខ អ្នកក៏គួរម៉ាស្សានៅត្រង់.ក។ ដំបូង អ្នកត្រូវ<br />ផ្អៀង.ក ទៅស្ដាំ ប្រើដៃម៉ាស្សាតាមរង្វង់មូលពីចង្កាចុះមកគល់.ក នឹងធ្វើផ្ទុយពីនេះ។<br /><br /><em><strong>៦/ លំហាត់សម្រាប់.ក</strong></em> <br />- អង្គុយត្រង់ និងសម្លឹងទៅខាងមុខ រួចបង្វិលក្បាលតាមដំណើរនាឡេកា។ គួរតែធ្វើបែបនេះ ឱ្យ<br />បាន ៥ដង ក្រោយមកធ្វើបញ្រ្ចាសទៅវិញ។<br />- អង្គុយត្រង់ រក្សាចង្កាឱ្យត្រង់ ងាកក្បាលទៅឆ្វេង និងទៅស្នាំជាបន្ដបន្ទាប់ ម្ខាង ៥ដង។<br />- រក្សាខ្នងឱ្យត្រង់ ក្រោយមកផ្អៀងក្បាលទៅស្មាឱ្យពេញទំហឹង ប៉ុន្ដែត្រូវរក្សាស្មាឱ្យនឹង ក្រោយ<br />មក ប្ដូរទិស។<br />- គួរតែធ្វើលំហាត់នេះឱ្យបានយ៉ាងតិច ម្ដង / ថ្ងៃ ។<br /><br /><em><strong>៧/ ថែទាំ.ក</strong></em><br /> - ចូររក្សា.ក ឱ្យត្រង់ និងអង្គុយឱ្យត្រឹមត្រូវ។<br /><br />- ជូត សម្អាតស្បែកនៅត្រង់.ក ឱ្យបានញឹកញាប់ និងអាចខាត់ស្បែកត្រង់.ក ដើម្បីបំបាត់កោសិកា<br />ងាប់ នៅលើស្បែក។ ប្រភេទទឹកសម្អាតស្បែកត្រង់.ក ដែលអ្នកគួរជ្រើសរើសនោះគឺទឹកដែល<br />ចម្រាញ់ចេញពីបន្លែផ្លែឈើ ដូចផ្លែត្រសក់ផ្អ ប៉េងប៉ោះ ស្រ្ដូបូរី ឬទឹកដោះគោជូ។ <br /><br /><em><strong>៨/ ម៉ាស្សបំប៉នស្បែកត្រង់ .ក</strong></em><br />- កិនដំឡូងបារាំងល្ងោ ២មើម ថែមស៊ុតក្រហម ១គ្រាប់ ទឹកឃ្មុំ ១កូនស្លាបព្រា និងប្រេងរុក្ខជាតិ <br />១ស្លាបព្រា ហើយលាយ និងលាបគ្រឿងផ្សំនេះទៅលើក្រណាត់ស្ដើងមួយផ្ទាំង រួចរុំវានៅជុំវិញ.ក។ <br />ក្រោយពី កន្លះម៉ោង ចូរស្រាយវាចេញ និងសម្អាត.ក ដោយទឹកក្ដៅឧណ្ហឧណ្ហ។</p>
<p>- ដើម្បីជួយឱ្យស្បែកត្រង់.ក បានម៉ត់រលោង និងស្អាតជាងមុន អ្នកអាចផ្សំ ណាទ្រី តេត្រាបូរ៉េត <br />(natri tetraborat) ៣ស្លាបព្រា បូកនិង គ្លីស៊ើរ៉ីន (glycerin) ២ស្លាបព្រា និងទឹកផ្កាកុលាប ២ស្លាបព្រា។<br /> ក្រោយមក យកសំឡី.គ ផ្ដិតទឹកផ្សំនេះ រួចលាបទៅលើស្បែកត្រង់.ក និងស្មា ទុកមួយយប់ ទើប<br />លាបសម្អាតពេលព្រឹក។<br /><br /><em><strong>៩/ ខាត់ស្បែកងាប់</strong></em><br />ប្រសិនអ្នកមិនប្រើប្រាស់វិធីខាត់ស្បែកតាមបែបធម្មជាតិ នោះការប្រើប្រាស់ក្រែមខាត់ស្បែកត្រូវ<br />តែយកចិត្តទុកដាក់។ បើប្រើក្រែមខាត់ស្បែកប្រភេទស្រាលគឺគួរតែប្រើរាល់ថ្ងៃនៅពេលងូតទឹក <br />ប៉ុន្ដែបើប្រើក្រែមខាត់ប្រភេទខ្លាំង ត្រូវតែប្រើពីរដងក្នុង ១សប្ដាហ៍។ ក្រោយពីត្រូវបានខាត់ ស្បែក<br />នឹងបានស្អាត ភ្លឺជាងមុន និងងាយបំប៉នក្រែមថែសម្រស់។<br /><br /><em><strong>១០/ គួរយកចិត្តទុកដាក់</strong></em><br />- មិនត្រូវធ្វើការដោយកាយវិការឱនក្បាលចុះយូរពេក ព្រោះថា វានឹងធ្វើឱ្យមានស្នាមជ្រួញជ្រៅ<br />នៅលើស្បែកគល់.ក។ ប្រសិនធ្វើការនៅការិយាល័យ អ្នកគួរហាត់សម្រួលអារម្មណ៍ សម្រួលកាយ<br />ដើម្បីបំបាត់ស្នាមជ្រួញ ដោយ ៖ ងើយ.ក ឡើងទៅលើ រួចប្រើប្រាស់ខ្នងដៃម៉ាស្សាទៅលើជុំវិញ.ក<br /> តាមបែបគូទខ្យង។<br /><br />- ប្រសិនស្បែកនៅត្រង់.ក របស់អ្នក មានពណ៌ត្នោត ជ្រីវជ្រួញច្រើន ឬអង្កន់ខ្លាញ់ អ្នកគួរប្រើប្រាស់ ក្រែមឯកទេសសម្រាប់ស្បែកប្រភេទនេះ ដូចជា ក្រែមជួយធ្វើឱ្យស្បែកត្រង់.ក តឹងណែន ក្រែម<br />បំបាត់ស្នាមជ្រួញត្រង់.ក ។ល។</p>
<p style="text-align: right;"><br />ដោយ ៖ តារា<br />ប្រភព ៖ LD<br /><br /><br /><br /></p>