<p>មេបញ្ជាការកងទ័ពថៃ លោក Prayuth Chan-ocha បានព្រមានអំពីហានិភ័យនៃការកើតមាននៃ<br />សង្គ្រាមស៊ីវិល ប្រសិនវិបត្តិនយោបាយដូចបច្ចុប្បន្ន នៅតែបន្ដអូសបន្លាយមិនចេះចប់។</p>
<p style="text-align: center;"><a class="thickbox" title="" href="/FileManager/Commons/2013/12/22/thai-22-12-2013--21-26-26.gif"><img src="/FileManager/Articles/mce/2013/12/22/thai-22-12-2013--21-26-26.gif" alt="" /></a></p>
<p style="text-align: center;"><em>វិបត្តិនយោបាយថៃ អាចនឹងកើតជាសង្គ្រាមស៊ីវិល (រូប ៖ BBC)</em></p>
<p><br />ទំព័រ Bangkok Post ដកស្រង់សំដីរបស់ មេបញ្ជាការកងទ័ព ថៃ លោក Prayuth ៖ “យើងខ្ញុំមិនត្រឹមតែត្រូវត្រួតពិនិត្យស្ថានភាពនៅក្រុងបាងកក នោះទេ តែត្រូវត្រួតពិនិត្យបណ្ដាខែត្រផ្សេងៗ<br />ទៀត។ ការបែងចែកបក្សពួក នៅក្នុងភូមិស្រុកនានា អាចនឹងបណ្ដាលឱ្យមានសង្គ្រាមស៊ីវីល”។<br /><br />លោកមេបញ្ជាការរូបនេះ ក៏បានឱ្យដឹងថា ៖ “យើងអាចដោះស្រាយបញ្ហាងាយស្រួលជាមុន ខណៈ<br />ដែលកិច្ចចរចានានា គឺមានសារសំខាន់ដើម្បីដោះស្រាយបញ្ហានៅសល់។ បច្ចុប្បន្ន ភាគីទាំងពីរ <br />នៅតែបន្ដប្រកាន់ជំហររៀងៗខ្លួន និងបដិសេធយោបល់របស់គ្នាទៅវិញទៅមក សាធារណជន គួរ<br />តែពិចារណាដើម្បីបង្កើតបាននូវសំណើរដែលមានលក្ខណៈឯកច្ឆន្ទ”។<br /><br />លោក Prayuth ក៏បានស្នើឱ្យបង្កើត “សភាប្រជាជន” មួយ ដោយក្នុងនោះ រួមមានភាគីបដិបក្ស<br />ទាំងអស់ ប៉ុន្ដែលោកក៏បានសង្កត់ធ្ងន់ថា គំនិតនេះគឺខុសពីរូបមន្ដ “ក្រុមប្រឹក្សាប្រជាជន” ដែលស្នើ<br />ឡើងដោយមេដឹកនាំបក្សប្រឆាំង Suthep Thaugsuban ដែលបានលើកឡើងមុននេះ។<br /><br />មេបញ្ជាការកងទ័ពថៃ លោក Prayuth ក៏ថ្លែងថា កងទ័ពនឹងមិនដាក់សម្ពាធ បង្ខំឱ្យនាយករដ្ឋមន្ដ្រី<br /> Yingluck Shinawatra ចុះចេញពីតំណែងនោះទេ ហើយបានប្រកាសថា “កុំនិយាយអំពីរដ្ឋប្រហារ<br />យោធាម្ដងទៀត”។</p>
<p style="text-align: center;"><a class="thickbox" title="" href="/FileManager/Commons/2013/12/22/thai-army-chief-22-12-2013--21-28-23.jpg"><img src="/FileManager/Articles/mce/2013/12/22/thai-army-chief-22-12-2013--21-28-23.jpg" alt="" width="421" height="238" /></a></p>
<p style="text-align: center;"><em>មេបញ្ជាការកងទ័ព ថៃ លោក Prayuth Chan-ocha</em></p>
<p><br />ឥរិយាបទនេះរបស់ក្រុមមេដឹកនាំយោធាថៃ ត្រូវបានបង្ហាញច្បាស់បន្ទាប់ពីមានកិច្ចប្រជុំមួយរបស់<br />ក្រុមប្រឹក្សាការពារជាតិ កាលពីថ្ងៃទី ២០កន្លងទៅ ដែលកិច្ចប្រជុំនេះ ស្ថិតក្រោមការដឹកនាំរបស់<br />លោកស្រី Yingluck ។ <br /><br />ប៉ុន្ដែ មហាបាតុកម្មដែលដឹកនាំដោយអតីតឧបនាយករដ្ឋមន្ដ្រី Suthep នៅតែបន្ដ បើទោះជាកម្លាំង<br />ដែលចូលរួម មានការថយចុះ។ ការធ្វើមហាបាតុកម្មនេះ គឺមានបំណងទាមទារឱ្យនាយករដ្ឋមន្ដ្រី <br />Yingluck ចុះចេញពីតំណែង ដើម្បីបើកផ្លូវឱ្យមានការបង្កើតក្រុមប្រឹក្សាប្រជាជន ដែលនឹងត្រូវបាន<br />ដឹកនាំដោយក្រុមមនុស្សដែលគេលើកបន្ដុបស្រាប់ ក្នុងបំណងកែទម្រង់នយោបាយ ពិសេសគឺដើម្បី<br />បណ្ដេញ ឬបំបាត់ឥទ្ធិពលរបស់ត្រកូល Shinawatra ៕</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20%20http:/camnews.com.kh/News/Detail/43895/international-news"><span style="color: #3366ff;">ថៃ៖ ស៊ូថេប ថងស៊ូបាន ទទួលប្រាក់ រាប់លានបាត ពីក្រុមបាតុករ</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/53894/thai-protest-leaders-bank-accounts-to-be-frozen"><span style="color: #3366ff;">អាជ្ញាធរថៃ ៖ គណនី ធនាគារ មេដឹកនាំ ក្រុមបាតុករ នឹងត្រូវជាប់គាំង</span></a></span></p>
<p><span style="color: #3366ff;"><a href="/News/Detail/61547/tokyo-governor-resigns-over-money-scandal"><span style="color: #3366ff;">អភិបាល ក្រុងតូក្យូ លាលែង ចេញពីតំណែង ខណៈពាក់ព័ន្ទ រឿងអាស្រូវ ប្រាក់កម្ចី</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Bangkok Post/BBC<br /><br /></p>