<p>ព័ត៌មានអន្តរជាតិ ៖ បុរសម្នាក់ ត្រូវបានក្រុមមន្រ្តីប៉ូលីសចាប់ឃាត់ខ្លួន និងប្រឈមមុខក្នុង<br />ការជាប់ទោស បន្ទាប់ពីភ្នាក់ងារប៉ូលីស បានឃាត់រថយន្តរបស់គាត់ និងរកឃើញថា ក្មេង<br />ប្រុសវ័យ ៧ ឆ្នាំ ជាអ្នកបើករថយន្តជូនគាត់ទៅផ្ទះទៅវិញ ខណៈបុរសរូបនេះ ស្ថិតនៅក្នុង<br />សភាពស្រវឹងជោគ នេះបើយោងតាមការដកស្រង់អត្ថបទផ្សាយពីគេហទំព័រសារព័ត៌មាន<br />បរទេស ស្កាយ ។</p>
<p>គួរបញ្ជាក់ផងដែរថា ករណីខាងលើនេះ បានកើតឡើងនៅឯរដ្ឋ Queensland ប្រទេស<br />អូស្រ្តាលី នាវេលាម៉ោង ៣ ទាបភ្លឺ ខណៈប៉ូលីសតាមប្រមាញ់ឡានមួយគ្រឿង ដែលបាន<br />បើកបរនៅលើដងផ្លូវ ដោយមិនព្រមបើកភ្លើងហ្វាខាងមុខនេះ។</p>
<p><a class="thickbox" title="" href="/FileManager/Commons/2013/6/22/surfers-paradise-from-the-broadwater-2-522x293-22-06-2013--08-34-38.jpg"><img src="/FileManager/Articles/mce/2013/6/22/surfers-paradise-from-the-broadwater-2-522x293-22-06-2013--08-34-38.jpg" alt="" width="434" height="242" /></a></p>
<p>កាលដែលបានតាមប្រមាញ់ និងចាប់សាកសួរហើយនោះ ក្រុមមន្រ្តីប៉ូលីសពិតជាមាន<br />ភាពភ្ញាក់ផ្អើលជាខ្លាំង ស្របពេលដែលបានឃើញក្មេងប្រុសតូចវ័យ ៧ ឆ្នាំ ជាអ្នកបើករថ<br />យន្ត រីឯ បុរសដែលជាជនជាប់ចោទស្ថិតក្នុងសភាពស្រវឹងជោគនៅកៅអីក្រោយទៅវិញ។</p>
<p>លើសពីនេះ ប្រភពសារព័ត៌មានដដែលបន្ថែមថា បុរសដែលជាជនជាប់ចោទមានវ័យ៤១<br /> ឆ្នាំ (មិនទាន់ស្គាល់ឈ្មោះ) ត្រូវរងការចោទប្រកាន់ និង ផ្តន្ទាទោសទៅតាមផ្លូវច្បាប់ពីបទ<br /> បើកបរក្នុងសភាពគ្រោះថ្នាក់ ខណៈអោយក្មេងប្រុសតូចបើកជំនួស និងពីបទផឹកគ្រឿង<br />ស្រវឹង ហើយបើកបរ។</p>
<p>យ៉ាងណាមិញ បើយោងតាមសម្តីលោករដ្ឋមន្រ្តី Scott Emerson មកពីក្រសួងសាធារណៈ<br />ការ ប្រចាំរដ្ឋមួយនេះ អោយដឹងថា លោកពិតជាមានភាពភ្ញាក់ផ្អើលជាខ្លាំងនៅពេលដែល<br />ទទួលបានព័ត៌មានមួយនេះ។ ជាសំណាងល្អ គ្មាននរណាម្នាក់ រងរបួស។គាត់បន្ថែមថា ៖<br /> ក្មេងតូចមិនគ្រប់អាយុ មិនមានសមត្ថភាពផ្លូវកាយ ក៏ដូចជា ផ្លូវចិត្តអោយបានគ្រប់គ្រាន់<br />នៅឡើយនោះទេ ក្នុងការបញ្ជាយានយន្ត ហើយពួកយើងពិតជាមានក្តីកង្វល់ជាខ្លាំង ទៅ<br />លើករណីមួយនេះ៕</p>
<p style="text-align: right;">ដោយ ៖ រិទ្ធី<br />ប្រភព ៖ ស្កាយ</p>