<p><span style="color: #000000;"><strong>ភ្នំពេញ ៖</strong> មន្ដ្រីនគរបាលម្នាក់ ដែលសមត្ថ កិច្ចលួចបង្ហើបថា បម្រើការងារ នៅអង្គភាព ភស្ដុភា ក្រសួងមហាផ្ទៃ និងមាន ឪពុកជាមន្ដ្រី នគរបាលច្រកត្រញំងថ្លឹង ខេត្ដកំពង់ចាម នោះ ត្រូវបានចាប់ខ្លួននិងដកហូតម៉ូតូគ្មាន ស្លាកលេខមួយគ្រឿង ដែលជាប់ពាក់ព័ន្ធទៅ នឹងសកម្មភាពប្លន់កាលពីពេលកន្លងទៅ ។</span></p>
<p><span style="color: #000000;">ជនសង្ស័យរូបនេះ ត្រូវបាននគរបាល ខណ្ឌចំការមន ឃាត់ខ្លួន កាលពីយប់ថ្ងៃទី០៣ ខែ កុម្ភៈ ឆ្នាំ២០១៥ ប៉ុន្ដែដោយសារ សំណុំរឿង ពាក់ព័ន្ធទៅនឹងបទល្មើសនៅខណ្ឌ៧មករា នោះ ទើបនគរបាលខណ្ឌ៧មករា បានមក យកពីខណ្ឌចំការមន ដើម្បីធ្វើការសួរនាំបន្ដ និងចាត់វិធានការតាមផ្លូវច្បាប់ ។</span></p>
<p><span style="color: #000000;">មន្ដ្រីនគរបាលព្រហ្មទណ្ឌមួយរូបនៅ ខណ្ឌ៧មករា បានបញ្ជាក់ថា ជនសង្ស័យរូប ឈ្មោះប៉ាល់ សីហា ហៅតុលា អាយុ២៥ឆ្នាំ មុខរបរបច្ចុប្បន្នជាមន្ដ្រីនគរបាលនៅក្រសួង មហាផ្ទៃ ដែលប្រភពព័ត៌មានខ្លះអះអាងថា បម្រើការងារ នៅនាយកដ្ឋានភស្ដុភា ។</span></p>
<p><span style="color: #000000;">តាមមន្ដ្រីនគរបាលរូបនេះ ដំបូងឡើយ សមត្ថកិច្ចខណ្ឌចំការមន កាលពីយប់ថ្ងៃទី៣ ខែកុម្ភៈ ឆ្នាំ២០១៥ បានដាក់ គោលដៅឆែក អាវុធជាតិផ្ទុះនៅតាមដងផ្លូវសាធារណៈ ស្រាប់តែប្រទះឃើញជនសង្ស័យរូបនេះ ជិះ ម៉ូតូមួយគ្រឿង ម៉ាកនិច ពណ៌ខ្មៅ គ្មានស្លាក លេខ គ្មានកញ្ចក់ ក៏សម្រេចធ្វើការដកហូត ម៉ូតូទុកជាបណ្ដោះអាសន្ន នៅអធិការដ្ឋាន នគរបាលខណ្ឌចំការមន ។</span></p>
<p><span style="color: #000000;">តាមមន្ដ្រីនគរបាលដដែលនេះ ក្រោយពី សមត្ថកិច្ចបានដកហូតម៉ូតូរបស់ខ្លួន យកទៅ រក្សាទុកជាបណ្ដោះអាសន្ននោះ ជនសង្ស័យ កាលពីព្រឹកថ្ងៃទី៤ ខែកុម្ភៈ បានចូលខ្លួនទៅ ដោយស្រាយនិងចង់យកម៉ូតូត្រឡប់មកវិញ ប៉ុន្ដែពេល សមត្ថកិច្ចសួរឈ្មោះដឹងហើយក៏ ឃាត់ខ្លួនជាបណ្ដោះអាសន្ន ពីព្រោះឈ្មោះ ជនសង្ស័យស្ថិត នៅក្នុង សំណុំរឿងប្លន់នៅដៃ សមត្ថកិច្ចខណ្ឌ៧មករា ។</span></p>
<p><span style="color: #000000;">មន្ដ្រីនគរបាលព្រហ្មទណ្ឌខណ្ឌ៧មករា បានបន្ដទៀតថា ក្រោយពីខាងនគរបាល ខណ្ឌចំការមន ផ្ដល់ព័ត៌មានពីមុខ សញ្ញានេះ រួចមក នគរបាលខណ្ឌ៧មករា បានទៅយក ជនសង្ស័យបន្ដធ្វើការសួរនាំ និងដើម្បីកសាង សំណុំរឿង បញ្ជូនទៅកាន់តុលាការផ្ដន្ទាទោស តាមផ្លូវច្បាប់ ។</span></p>
<p><span style="color: #000000;">តាមការបញ្ជាក់ពីសមត្ថកិច្ច ជនសង្ស័យ រូបនេះ ធ្លាប់បានចូលរួមប្លន់នាពេលកន្លងទៅ ជាមួយសាច់ញាតិរបស់ខ្លួន ដែលខ្លះប្រភព ខ្លះអះអាងថា ជាប្អូនប្រុសបង្កើត ហើយប្អូន ប្រុសរបស់គេ ត្រូវបានសមត្ថកិច្ចចាប់ខ្លួននិង ត្រូវ បានតុលាការសម្រេចផ្ដន្ទាទោសដាក់ពន្ធ នាគាររួចហើយ ។</span></p>
<p><span style="color: #000000;">សូមបញ្ជាក់ថា ក្នុងរយៈពេលចុងក្រោយ នេះ ដើម្បីពង្រឹងបញ្ហាសន្ដិសុខនិងសណ្ដាប់ ធ្នាប់សាធារណៈ ក៏ដូចជា ចូលរួមកាត់បន្ថយ បទល្មើស អាជ្ញាធរនិងសមត្ថកិច្ចចម្រុះរាជ ធានីភ្នំពេញ បានដាក់គោលដៅត្រួតពិនិត្យ នៅតាមផ្លូវសាធារណៈ ដោយធ្វើការត្រួត ពិនិត្យអាវុធជាតិផ្ទុះ ហើយលទ្ធផលមុខសញ្ញា ផ្សេងៗនិងវត្ថុតាងជាច្រើន ត្រូវបានឃាត់ខ្លួន និងដកហូតទាំងបទល្មើសគ្រឿងញៀននិង ប្លន់ប្រដាប់អាវុធជាដើម ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/4/2-4-2015-3-51-40-pm-04-02-2015--15-56-19.png"><img src="/FileManager/Articles/mce/2015/2/4/2-4-2015-3-51-40-pm-04-02-2015--15-56-19.png" alt="" /></a></span></p>
<p><a class="thickbox" title="" href="/FileManager/Commons/2015/2/4/2-4-2015-3-51-55-pm-04-02-2015--15-56-31.png"><img src="/FileManager/Articles/mce/2015/2/4/2-4-2015-3-51-55-pm-04-02-2015--15-56-31.png" alt="" /></a></p>
<p><a class="thickbox" title="" href="/FileManager/Commons/2015/2/4/2-4-2015-3-52-09-pm-04-02-2015--15-56-42.png"><img src="/FileManager/Articles/mce/2015/2/4/2-4-2015-3-52-09-pm-04-02-2015--15-56-42.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>